Yeremiya 32:9 - Tonga Bible 1986

⁹ “Ndipo ndingugula munda wo pa Anatoti kwaku Hanamele msiŵani wangu, ndingumupimiya ndrama, ma Shekele chumi ndi ghankhonde ndi ghaŵi gha siliva.

Yeremiya 32:9 ပူးပေါင်းရင်းမြစ်များ

Chiyambo 24:22

Po ŵagamila ŵangumara kumwa, munthu yo wanguto mphete ya golide yo uzitu wake wenga nusu wa uzitu wa shekelo, ndi makoza ghaŵi gha pa manja ghake, uzitu wake wa ndrama chumi za golide;

Chiyambo 37:28

Sono ŵamaronda ŵa Midiani ŵangudumuwapo; ndipo ŵangumuskoska Yosefe ndi ŵangumutuzgiya kubwalo kwa zenje lo, ndi ŵangumuguliska ku ŵaYishumaele pa mashekelo gha siliva machumi ghaŵi; ndipo ŵanguruta nayo Yosefe ku Egipiti.

1 ŴaKaronga 20:39

Ndipo penipo karonga wadumuwangapo, wangukambura ku karonga wanguti, “Muŵanda winu wanguruta wangusere mukati mu homwa, ndipo ehe, musilikari wankhondo wangung'anamuka ndi wanguza ndi munthu kwaku ine, wanguti, ‘Usunge munthu uyu, ndipo asani wangawala pa nthowa ye yose umoyo wako ukaserenga pa umoyo wake, pamwenga ukalipanga talente la siliva.’

Nehemiya 5:15

Ŵeruzgi ŵara ŵakudanga wo ŵengapo paurongo pangu ŵanguchitiska mphingu zizitu pa ŵanthu, ndipo ŵanguronda kurgha ndi vinyo ku ŵanthu, pamoza ndi mashekelo machumi ghanayi (40) gha siliva, ŵateŵeti ŵawo so ŵanguchita mitufu pa ŵanthu. Kweni ine kuti ndinguchita viyo cha, chifukwa chakopa Chiuta.

Estere 3:9

Asani karonga wakondweskeka nacho, iku kulembeke kuti ŵabayike ndipo ine ndi paskenge matalente gha siliva vikwi chumi mu manja gha zinduna za nchitu ya karonga, kuti ŵaze nagho kughaŵika mu nyumba za usambasi wa karonga.”

Chituwa 21:32

Asani ng'ombe yangwaza muŵanda munthurumi pamwenga munthukazi, mweneko waku yo wakalipanga ku mbuya wawo ndrama machumi ghatatu (30) za siliva, ndipo ng'ombe yidinikenge ndi mya.

Yesaya 55:2

Chifukwa chine mutananga ndrama zinu paku cho kuti nchakurgha cha, ndi kutakataka kwinu paku cho kuti chigutiska cha? Tegherezgani kwarwana kwaku ine, murghe cho nchamampha, ndipo mujikondwereske ndi vyakununa.

Ezekiele 4:10

Kurgha ko urghenge kukapimikanga pa mweso, mashekelo machumi ghaŵi pa zuŵa limoza; ukarghanga kamoza pa zuŵa.

Hoseya 3:2

Viyo ndingumugula ndi ndrama za siliva chumi pachanya zinkhonde (15) ndi chipimo chimoza ndi nusu wa barile.