Yeremiya 32:8 - Tonga Bible 1986

⁸ Sono Hanamele msiŵani wangu wanguza mu bwalo la ukaidi, kwakulingana ndi mazu gha Ambuya, ndipo wangukamba nane, ‘Gula munda wangu wo we pa Anatoti mu charu chaku Benjamini, pakuti nthazi yakuŵiya nawo ndi kuuwombo njako; ujiguliye kuŵa wako.’ Sono ndinguziŵa kuti yagha ndi mazu gha Ambuya.

Yeremiya 32:8 ပူးပေါင်းရင်းမြစ်များ

1 ŴaKaronga 2:26

Ndipo kwaku Abiatara mzukuru karonga wanguti, “Rutanga ku Anatoti, ku malo ghako; chifukwa utenere nyifwa, kweni pa nyengo yino kuti ndikubayenge cha, chifukwa wapinganga bokosi la Ambuya Chiuta paurongo paku Davidi, ada, ndipo so pakuti ungusangana nawo ada mu masuzgu ghawo ghose.”

1 ŴaKaronga 22:25

Mikaya wanguti, “Ehe, wazamuwona pa zuŵa liya penipo ukaserenga mu chipinda cha mukati ukongwa kwachibisama.”

1 Mikoka 6:60

ndipo kutuwa mu fuku laku Benjamini, Geba ndi mauliska ghake, Alemeti ndi mauliska ghake, ndi Anatoti ndi mauliska ghake. Misumba yawo yose mu mbumba zawo yenga chumi ndi yitatu.

Yeremiya 1:1

Mazu ghaku Yeremiya mwana waku Hilikiya, yumoza wa ŵazukuru wo ŵenga mu Anatoti mu charu chaku Benjamini.

Yeremiya 32:2

Pa nyengo yiya wumba wa ŵankhondo ŵa karonga ŵaku Babiloni unguzinga Yerusalemu, ndipo Yeremiya mchimi wangujarikiya mu bwalo la ukaidi lo lenga mu nyumba ya ufumu ya karonga waku Yuda,

Yeremiya 32:25

Kweni ndipuuli imwe, Ambuya Chiuta, mukundinene ine, ‘Gula munda wo ndi ndrama ndipo uto ŵakaboni.’ Chingana msumba wo wapaskika ku ŵaKaldiya.”

Yeremiya 32:7

Ehe, Hanamele, mwana waku Shalumu misimbweni wako, wakazanga kwaku iwe ndi kukamba kuti, ‘Gula munda wangu wo we pa Anatoti, pakuti nthazi yakuwombole kungula njako.’

Yeremiya 33:1

Mazu gha Ambuya ghanguza so kwaku Yeremiya nyengo ya chiŵi, penipo wenga weche kujarikiya mu bwalo la ukaidi:

Yeremiya 37:12

Yeremiya wangutuwa mu Yerusalemu ndi kuruta ku charu chaku Benjamini kwachironde chigaŵa chake kuwa, mukati mu ŵanthu.

Ezekiele 12:7

Ndipo ndinguchita ulaka ndimo ndingulangulikiya. Ndingutuzga katundu wangu ndi msana, nge ndi katundu wa umkoli, ku mazulo ndingukumba kutoro chimati ndi manja ghangu; ndingutuwa ndi mdima, ndingupinga katundu pa phewa langu, iwo ŵachiwona.

Zekariya 11:11

Viyo lingusweka mu zuŵa leniliya ndipo ŵakugula mberere, wo ŵalereskanga ine ŵanguziŵa kuti ghenga mazu gha Ambuya.

Yohane 4:53

Viyo awiske ŵanguziŵa kuti lenga ora lenilo Yesu wangumnene, “Mwana wako ngwamoyo”: ndipo mwenecho wanguvwana, ndi nyumba yake yose.