Yeremiya 32:34 - Tonga Bible 1986

³⁴ Wakumika maukazuzi ghawo mu nyumba yeniyo yidanika ndi zina langu, kuyikazuzga.

Yeremiya 32:34 ပူးပေါင်းရင်းမြစ်များ

2 ŴaKaronga 21:1

Manase wenga wa virimika chumi ndi viŵi pa umoyo wake wachamba kuwusa, ndipo wanguwusa virimika machumi ghankhonde mu Yerusalemu. Zina la nyina lenga Hefziba.

2 ŴaKaronga 23:6

Ndipo wangutuzga chikozgo cha Ashera mu nyumba ya Ambuya, kwachitaya kubwalo kwa Yerusalemu, ku kamsinje ka Kidroni, wanguchoche pa kamsinje ka Kidroni wanguchipuwa kuŵa fuvu ndipo wangudira fuvu lake pachanya ndi miunda ya ŵanthu bweka.

2 Mikoka 33:15

Wangutuzgamo ŵachiuta ŵalendo, ndi vikozgu mu nyumba ya Ambuya, ndi majochero ghose gho wanguzenga mu phiri po penga nyumba ya Ambuya, ndimu Yerusalemu, wanguvitaya kubwalo kwa msumba.

2 Mikoka 36:14

Wose ŵara ŵa ŵazukuru, ndi ŵanthu ŵangunanga ukongwa kulingana ndi ukazuzi wa ŵamitundu, ndipo ŵangukazuzga nyumba yaku Chiuta yo iyo wanguyipatuwa mu Yerusalemu.

Yeremiya 19:4

Pakuti ŵanthu ŵandisiya ine, ndipo ŵakazuzga malo yagha pakochiyapo sembe zakusunkhizga ku ŵachiuta ŵanyake, ŵeniwo chingana ndiwo, chingana mbauskeu chingana mbakaronga ŵaku Yuda ŵalivi kuŵaziŵa, ndipo pakuti ŵazaza malo gho ndi ndopa za ŵambura kalema,

Yeremiya 23:11

“Mchimi ndi mzukuru ŵaŵi viyo ŵakana Chiuta; chingana ndi mu nyumba yangu ndasaniya utimbanizi wawo, atiti Ambuya.

Yeremiya 30:14

Ŵakwanjiwa ŵako wose ŵakuruwa; kuti ŵatikuphwere nanga nkhamana cha; pakuti ndakupuma iwe nge ngwakupindikana, kulanga kwa murwani wambura lisungu pakuti kulakwa kwako nkhukuru, inya mauheni ghako nganandi.

Yeremiya 34:15

Ruŵi mungung'anamuka mtima ndi munguchita cho nchakurunjika mu maso ghangu pakumemeza wanangwa, we yose ku mwanasi wake, ndipo munguchita phanganu paurongo pangu mu nyumba yo yidanika ndi zina langu:

Yeremiya 44:4

Kweni kaŵikaŵi ndingukutumiyani ŵateŵeti ŵangu ŵamchimi, kuti, ‘Okwe, rekani kuchita chinthu ichi cha ukazuzi chenicho nditinkha!’

Yeremiya 7:10

ndipo pavuli makazanga kuzachima paurongo pangu mu nyumba iyi, yo yidanika ndi zina langu, ndi kunena kuti, ‘Tataskika!’ Kweni mukiyakiya kuchita maukazuzi ghenagha?

Yeremiya 7:30

“Pakuti ŵana ŵaku Yuda ŵachita uheni mu maso ghangu, atiti Ambuya, ŵamika maukazuzi ghawo mu nyumba yeniyo yikudanika ndi zina langu, kuyikazuzga.

Yeremiya 7:31

Ndipo ŵazenga malo gha pachanya pa Tofeti, gho ghe mu dambo la mwana waku Hinomu, kwachocha ŵana ŵawo ŵanthurumi ndi ŵana ŵawo ŵanthukazi mu moto; chinthu cho ndengavi kuchitamula, chingana nkhuti chenga mu maghanughanu ghangu nako cha.