Yeremiya 32:2 - Tonga Bible 1986

² Pa nyengo yiya wumba wa ŵankhondo ŵa karonga ŵaku Babiloni unguzinga Yerusalemu, ndipo Yeremiya mchimi wangujarikiya mu bwalo la ukaidi lo lenga mu nyumba ya ufumu ya karonga waku Yuda,

Yeremiya 32:2 ပူးပေါင်းရင်းမြစ်များ

2 ŴaKaronga 25:1

Mu chirimika cha chinkhonde ndi vinayi cha muwusu wake pa zuŵa la chumi la mwezi, Nebukadanezara karonga waku Babiloni wanguza ndi nkhondo yake yose kuzachirwa ndi Yerusalemu, ndipo ŵanguwuzinga, ŵanguwuzingirizga ndi tumalinga.

Nehemiya 3:25

Palali mwana waku Azai wangulongoso pakuthyana ndi chingodya ndi chisongo chakutuliya kubwalo ku nyumba ya pachanya ya karonga pa bwalo la ulonda. Wakundondoloska iyo wenga Pedaya mwana munthurumi waku Paroshi.

Sumu 88:8

Mwandipatuska ku ŵabali ŵangu; mwandisanduska cha mwikhu kwaku wo. Ndajarikiya mukati ndipo kuti ndingaziŵa kutuwa cha;

Yeremiya 32:3

Zedekiya karonga waku Yuda wangumujariya mu ukaidi, wanguti, “Chifukwa chine uchima ndi kunena kuti, ‘Viyo atiti Ambuya: Ehe, ndiperekenge msumba uwu mu janja la karonga wa Babiloni, ndipo wakautonga;

Yeremiya 32:8

Sono Hanamele msiŵani wangu wanguza mu bwalo la ukaidi, kwakulingana ndi mazu gha Ambuya, ndipo wangukamba nane, ‘Gula munda wangu wo we pa Anatoti mu charu chaku Benjamini, pakuti nthazi yakuŵiya nawo ndi kuuwombo njako; ujiguliye kuŵa wako.’ Sono ndinguziŵa kuti yagha ndi mazu gha Ambuya.

Yeremiya 33:1

Mazu gha Ambuya ghanguza so kwaku Yeremiya nyengo ya chiŵi, penipo wenga weche kujarikiya mu bwalo la ukaidi:

Yeremiya 34:1

Mazu ghanguza kwaku Yeremiya kutuwa ku Ambuya, penipo Nebukadanezara, karonga wa Babiloni ndi ŵankhondo ŵake wose, ndi maufumu ghose ghenigho wanguusa ndi ŵanthu wose ŵarwananga ndi Yerusalemu ndi misumba yake yose:

Yeremiya 36:5

Ndipo Yeremiya wangulanguliya Baruki, wakuti, “Ndakanizgika kuya ku nyumba ya Ambuya;

Yeremiya 37:15

Ndipo ŵakaronga ŵangumukalipiya Yeremiya, ndi ŵangumpuma ndi ŵangumserezga mu ukaidi, mu nyumba yaku Jonafani mlembi, pakuti yingusanduskika kuŵa nyumba ya ukaidi.

Yeremiya 37:21

Viyo karonga Zedekiya wangurangura, kuti ŵamuŵike Yeremiya mu bwalo la nyumba ya ukaidi; ndipo chimbanduka cha chingwa chiperekeke kwaku iyo zuŵa ndi zuŵa chakutuliya ka mseu wa ŵakubika, mpaka chingwa chose cha mu msumba chimari. Viyo Yeremiya wanguja mu bwalo la nyumba ya ukaidi.

Yeremiya 37:4

Sono Yeremiya wenga weche kusere ndi kutuwa mukati mu ŵanthu, chifukwa ndipo weche wandaŵikiki mu ukayidi.

Yeremiya 38:13

Sono ŵangumuguziya pachanya Yeremiya ndi vingwe, ŵangumutuzga mu chisima. Ndipo Yeremiya wanguja mu bwalo la ukaidi.

Yeremiya 38:6

Viyo ŵangumuto Yeremiya ŵangumupong'a mu chisima cha maji chaku Malikiya mwana wa karonga, cho chenga mu bwalo la ukaidi, ŵangumusiska Yeremiya ndi vingwe. Ndipo mwengavi maji mu chisima cho, kweni ulambwe pe, ndipo Yeremiya wanguphata mu ulambwe wo.

Mateyu 5:12

Sangarukani ndi kondwani, pakuti mphotu yinu njikuru kuchanya; chifukwa wanguŵaŵemba viyo ŵamchimi ŵa paurongo pinu.