Yeremiya 30:7 - Tonga Bible 1986

⁷ Owe! Zuŵa lo ndikurudi palive lakukozgana nalo; ndi nyengo ya suzgu yaku Yakobe; ndipuuli wakataskikangako kwaku lo.

Yeremiya 30:7 ပူးပေါင်းရင်းမြစ်များ

Danyele 12:1

“Pa nyengo yo Mikaeli, karonga mkuru, wayukenge, yo we ndi mtufu pa ŵanthu ŵinu. Ndipo yiŵengeko nyengo ya suzgu, yo chingana ndi kali yindaŵeko kutuwa po mtundu wa ŵanthu ukuŵiyako mpaka pa nyengo yiya; kweni pa nyengo yeniyiya ŵanthu ŵinu ŵataskikenge, yose yo zina lake lisanirikenge lakulembeka mu buku.

Malaki 4:1

“Chifukwa nadi zuŵa lituza, lakocha nge ndi ng'anjo, penipo ŵakujikuzga wose ndi wose ŵakuchita uheni ŵakaŵanga viswaswa. Zuŵa lo lituza likaŵawochanga, atiti Ambuya ŵa maŵanja, viyo kuti likaŵasiyiyanga nanga ndi musisi pamwenga mphanda cha.

Danyele 9:12

Chifukwa tamunangiya iyo. Wakhozga mazu ghake gho wangukamba ghakutisuska ifwe, ŵeruzgi ŵidu wo ŵatiyeruzganga pakuŵika paku ifwe soka likuru, chifukwa pa charu chose chapasi palivi kuchitika nge ndi cho chachitikiya Yerusalemu.

Yoele 2:11

Ambuya atuzga mazu ghawo paurongo pa nkhondo yawo, chifukwa mupingu wawo ngukuru ukongwa; ngwanthazi yo wachita mazu ghawo. Chifukwa zuŵa la Ambuya ndikuru ndi lakofya. Ndiyani waziŵa kulimiya?

ŴaRoma 11:26

mpaka urapasi wa ŵaMitundu ŵaseremo; ndi viyo Yisraele yose wakataskikanga: nge ndimo kwalembeke. “Watuliyengemo mu Zioni muwombozi yo; watuzgengeko uwura-chisopa kwaku Yakobe.”

Marko 13:19

Chifukwa mu mazuŵa ghenigho kuŵenge suzgu, yakuti yindaŵepo yaviyo kutuwa ku mtendeku wa ulengi wo wangulenga Chiuta, mpaka ku sono, ndi kuti yikaŵangapo so cha.

Hoseya 1:11

ŴaYuda ndi ŵaYisraele ŵamuwunjikika pamoza, ndi kujisankhiya murongozgi yumoza; ndipo ŵamukwera kutuwa mu charu, chifukwa zuŵa laku Yezerele likaŵanga likuru.

Chitenje 1:12

“Kumbi nchaŵaka ichi kwaku imwe, imwe mose mwaŵakujumphapo? Lereskani, ndipo wonani vinu chilipo chitima chinyake chakuyana ndi chitima changu cho chingutoleke paku ine, chenicho Ambuya andisuzga nacho pa zuŵa la kukwiya kwawo kwakofya.

Yeremiya 30:10

Viyo reka kopa, Yakobe we, mteŵeti wangu, atiti Ambuya, chingana nkhufipa mtima, Yisraele we; pakuti ehe, ndikakutaskanga kutuwa kutali, ndi mbeu yako kutuwa ku charu cha uŵanda wawo. Yakobe wakawenga ndi kuja mu chisisi ndi kufwasa, ndipo kukaŵangavi wakumofya.

Sumu 34:19

Vinandi viguŵisku vya murunji; kweni Ambuya atimuwombo kwaku vyose.

Chivumbuzi 6:17

chifukwa laza zuŵa likuru la kandundu kawo; ndipo njani waziŵa kulimiya?”

Machitidu gha Ŵakutumika 2:20

dazi lamsanduka mdima, ndi mwezi ndopa, leche lindaze zuŵa lo la Mbuya, zuŵa lo likuru ndi lathenthe:

Yoele 2:31

Dazi lisandukenge mdima ndi mwezi usandukenge ndopa, lenga lindaze zuŵa likuru ndi lakofya la Ambuya.

Chitenje 4:6

Chifukwa kulangika kwa ŵanthu ŵangu kwaŵa kukuru kwakuruska kulangika kwa Sodomo yo wangupasulika pa kanyengo kamanavi, pengavi janja lo linguchitapo kanthu.

Chitenje 2:13

Ndingakukambiya kane, ndikweruzgiye pa kanthu uli, mwa ŵanthu ŵaku Yerusalemu? Ndikakulinganizganga ku kanthu uli, alinga kuti ndikusangaruske, ŵanthu ŵangu ŵamu Zioni? Chifukwa usani wakubwangandika kwako wenge ndi nyanja; njani wangaziŵa kukuwerezgamo?

Sumu 25:22

Womboni Yisraele, mu masuzgu ghake ghose, A Chiuta mwe.

Chiyambo 32:7

Sono Yakobe wangutenthema ukongwa ndi wangusuzgika; ndipo wangugaŵa ŵanthu ŵeniwo ŵengo nayo, ndi mberere ndi ng'ombe, ndi ŵagamila mu mipingu yiŵi,

Yesaya 20:6

Ndipo ŵakuja mu charu ichi cha likumba wakakambanga mu zuŵa liya, ‘Ehe, ichi ndichu chachitika kwaku wo tingugomekezga mwawo ndi kwaku wo tachimbiriyanga kovyeka, kuti titaskike ku karonga wa Asiriya! Na ifwe, tikapozomokanga uli?’ ”

Yeremiya 2:27

Weniwo ŵatiti ku muti, ‘Ndiwe ada,’ ndi ku mwa, ‘Ndiwe ungundibala.’ Pakuti ŵang'anamuliya msana wawo kwangu, chisku chawo cha. Kweni mu nyengo ya suzgu yawo, ŵatiti, ‘Sokani mutitaske!’

Yeremiya 2:28

Nanga ŵachiuta ŵinu ŵepani wo mungujipangiya? Iwo ŵasoke, asani ŵangaziŵa kumutaskani imwe, mu nyengo yinu ya suzgu. Pakuti Yuda we, ŵachiuta ŵako mbanandi nge ndimo misumba yako yiliri.

Yeremiya 14:8

Imwe ndimwe Yisraele wagomezga, wakumutaska mu nyengo ya suzgu, chifukwa chine imwe muŵenge nge ndi mlendo mu charu chidu, ulaka ndi mwenda nthowa yo wapatuka kugone waka usiku?

Yoele 1:2

Avwani ichi, imwe mwa ŵara, tegherezgani gutu, imwe mose muja mu charu! Kumbi chinthu chaviyo chikuŵako mu mazuŵa ghinu, pamwenga mu mazuŵa gha auskemwe?

Yoele 1:15

Owe, zuŵa liya! Chifukwa zuŵa la Ambuya laŵandika, nge ndi phasulu kutuliya kwaku Wanthazi zose, lituza.

Zekariya 14:7

Ndipo kuŵenge zuŵa lambura kumara (kuziŵika ndi Ambuya), msana cha pamwenga usiku, chifukwa ndi mazulo so kuŵenge kungweruka.

Mika 4:9

Sono uliliyanje ukongwa? Kumbi mulivi karonga mwaku iwe? Kumbi nchifukwa waupu wako wafwa po urwirwi wakuko nge ndi munthukazi yo wabala?

Habakuku 3:16

Ndituvwa, ndi liŵavu langu litenthema, mlomo wangu umbwambwantha pa mazu ghinu; chiwozga chisere mu viwanga vyangu, nditenthema mukati mwangu. Ndirindizgenge kwa chisisi zuŵa la suzgu lo liziya wo ŵasere kwaku ifwe ndi nkhondo.