Yeremiya 30:3 - Tonga Bible 1986

³ Pakuti ehe, mazuŵa ghakazanga, atiti Ambuya, penipo ndikawezgiyanga umampha ŵanthu ŵangu, Yisraele ndi Yuda, atiti Ambuya, ndikaŵawezgiyanga ku charu chenicho ndingupaska auskeu, ndipo chikaŵanga chawo.”

Yeremiya 30:3 ပူးပေါင်းရင်းမြစ်များ

Ezra 3:1

Unguti wafika mwezi wa chinkhonde ndi chiŵi ŵaYisraele ŵenga mu mizi yawo, ndipo wose ŵanguwungana pamoza ku Yerusalemu.

Ezra 3:12

Kweni ŵazukuru, ndi ŵaLevi, ndi ŵara ŵanandi ŵa mafuku, makhongwe gho ghanguwona nyumba yakudanga, ŵangubongo ndi mazu ghakuru pakuwona chiŵanja cha nyumba iyi kuti chazengeka. Chingana ŵanandi ŵakamburanga ndi likondwa,

Ezra 3:8

Mu chirimika cha chiŵi cha kuza kwawo ku nyumba yaku Chiuta ku Yerusalemu, mu mwezi wa chiŵi, Zerubabele mwana waku Sealatiele ndi Yeshua mwana waku Yozadaka, ndi ŵanyawo ŵanyake, ŵazukuru ndi ŵaLevi, ŵangwamba nchitu pamoza ndi wose wo ŵangutuwa ku uŵanda, kuza ku Yerusalemu. Wangumika ŵaLevi ŵa virimika kuruska machumi ghaŵi kuti ŵachiskenge nchitu ya nyumba ya Ambuya.

Sumu 126:4

Tiwezgiyeni umampha widu, Ambuya, nge ndi mu vipholi vya maji vyaku malaŵi.

Sumu 53:6

Okwe mphanyi utaski waku Yisraele watuliya mu Zioni! Penipo Chiuta wawezge mwaŵi ŵanthu ŵake, Yakobe wangarenge ndipo Yisraele wakondwenge.

Yeremiya 16:15

kweni ‘Nge ndimo aliri amoyo Ambuya ŵeniwo ŵangtuzga ŵaYisraele mu charu cha kunkhonde ndi mu vyaru vyose mwenimo anguŵadikiskiya.’ Chifukwa ndikaŵawezgiyanga ku charu chawo chenicho ndingupaska ku auskeu.

Yeremiya 23:5

“Ehe, mazuŵa ghakazanga, atiti Ambuya, penipo ndikayuskiyanga Davidi Mphanda yakunyoroka, ndipo wakausanga nge ndi karonga, ndi kuchita mwa zeru; ndipo wakachitanga urunji ndi ukongorekwa mu charu.

Yeremiya 27:11

Kweni mtundu we wose weniwo ukaŵikanga khose lake mu gori la karonga wa Babiloni ndi kumutataliya, ndikawusiyanga pa charu chake, kulima, ndi kuja mwenimo, atiti Ambuya.” ’ ”

Yeremiya 27:22

Vikanyamulikiyanga ku Babiloni kwachija kwenikuwa mpaka zuŵa lenilo ndikavilongosoliyanga, atiti Ambuya. Pavuli ndikawezgiyanga kuvuli ndi kuviwezge ku malo yagha.”

Yeremiya 29:10

“Pakuti Ambuya atiti: Penipo virimika machumi ghankhonde ndi ghaŵi (70) vya Babiloni vitakuti vyamara, ine ndikachezganga namwe, ndipo ndikafiskanga kwaku imwe phanganu langu ndi kukuwezgiyani ku malo yagha.

Yeremiya 29:14

Ndikasanirikanga ndi imwe, atiti Ambuya, ndipo ndikakuwezgiyaninga umampha ndikukuunjikani pamoza kutuwa ku mitundu yose ndiku malo ghose kweniko ndikukudikiskiyani, atiti Ambuya, ndipo ndikakuwezgiyaninga ku malo kweniko ndingumutuzgani kuya ku umkoli.

Yeremiya 3:18

Mu mazuŵa gho nyumba yaku Yuda yikaŵanga pamoza ndi nyumba yaku Yisraele, ndipo wose pamoza ŵakatuwanga ku charu chaku nkhonde kuza ku charu chenicho ndingupaska auskemwe kuchihara.

Yeremiya 30:10

Viyo reka kopa, Yakobe we, mteŵeti wangu, atiti Ambuya, chingana nkhufipa mtima, Yisraele we; pakuti ehe, ndikakutaskanga kutuwa kutali, ndi mbeu yako kutuwa ku charu cha uŵanda wawo. Yakobe wakawenga ndi kuja mu chisisi ndi kufwasa, ndipo kukaŵangavi wakumofya.

Yeremiya 30:18

“Ambuya atiti, Ehe, ndikawezgiyanga umampha ku mahema ghaku Yakobe, ndikaŵanga ndi chitima ndi malo ghake ghakujamo; msumba ukazengekanga so pa mapopa ghake, ndipo nyumba ya ufumu yikamanga penipo yenga kali.

Yeremiya 30:4

Yagha ndigho mazu gho Ambuya angukamba gha paku Yisraele ndi Yuda:

Yeremiya 31:16

Viyo atiti Ambuya: “Mungaliyanga cha, nanga nkhudiska masozi; mukarondiyanga mphoto ya nchitu yinu, ndipo ŵakawengako ku charu cha ŵakupindikana, atiti Ambuya.

Yeremiya 31:23

Viyo atiti Ambuya ŵa maŵanja, Chiuta waku Yisraele: “Ŵazamuwerezgapo so kukamba mazu yagha mu charu chaku Yuda ndi mu mizi yake, po ndikaŵawezgiyanga umampha: ‘Ambuya akutumbike wa nyumba yirunji, Wa phiri lakupaturika!’

Yeremiya 31:27

“Ehe, mazuŵa ghakazanga, atiti Ambuya, penipo ndikapandanga nyumba yaku Yisraele ndi nyumba yaku Yuda ndi mbuto ya munthu ndi mbuto ya nyama.

Yeremiya 31:31

“Ehe, mazuŵa ghakazanga atiti Ambuya, penipo ndazamuchita phanganu lifya ndi nyumba yaku Yisraele ndi nyumba yaku Yuda,

Yeremiya 31:38

“Ehe, ghatuza mazuŵa atiti Ambuya, penipo msumba ukazengekiyanga so Ambuya, kwamba ku sonjo waku Hananele kwachifika ku Likomo lapa Chisongo.

Yeremiya 32:37

Ehe, ndikaŵaunjikanga kutuwa ku vyaru vyose vyenivyo ndinguŵadikiskiyako mu kukwiya ndi kukara kwangu, ndimu ukari wangu uzitu, ndikaŵawezgiyanga ku malo yagha, ndipo ndikaŵajarikanga pakukho.

Yeremiya 32:44

Ŵanthu ŵakagulanga minda ndi ndrama, ndikulemba ŵakalata ŵakuguliyanapo, kuŵazighiriya ndi kudaniyapo ŵakaboni, mu charu chaku Benjamini, mu malo ghakuzunguliya Yerusalemu, ndi mu misumba yaku Yuda, mu misumba ya charu cha mitunthu, mu misumba yaku Shefela, ndi mu misumba yaku Negebe, pakuti ndikawezganga ŵamikoli ŵawo atiti Ambuya.”

Yeremiya 33:26

iku ndikapatanga mphapu yaku Yakobe ndi Davidi mteŵeti wangu, ndipo kuti ndikasankhanga yumoza cha wa ŵamphapu yake kuwusa pa mphapu yaku Abrahamu, Yisaki ndi Yakobe. Pakuti ndikaŵachitiyanga so umampha, ndipo ndikaŵanga ndi lisungu paku iwo.”

Yeremiya 51:60

Yeremiya wangulemba mu buku viheni vyose vyakuza pa Babiloni, mazu ghose yagha ghakulembeke chifukwa cha Babiloni.

Ezekiele 20:42

Po ndikamutoriyaninga mu charu chaku Yisraele, charu cho ndingurapa kupaska ku auskemwe, ndipo mukaziŵanga kuti ine ndine Ambuya.

Ezekiele 34:13

Ndikazituzganga mu ŵanthu, ndikuziwunjika kutuwa mu vyaru, ndipo ndikaziwezgiyanga mu charu chawo; ndikaziliskanga pa mapiri ghaku Yisraele, mufupi ndi visima, ndipo ndi mu malo ghose ghakujamo ŵanthu mu charu.

Ezekiele 36:24

Chifukwa ndimutoninga kutuwa mu mitundu, ndi kumuwunjikani kutuwa mu vyaru vyose, kuza namwe mu charu chaku mwaŵeni.

Ezekiele 47:14

Muchigaŵenge kwakuyanayana; ndingurapa kuchipaska ku auskemwe, ndipo charu ichi chiŵenge kwaku imwe nge nchihara.

Yoele 3:1

“Chifukwa wonani, mu mazuŵa gho, ndi nyengo yiya, penipo ndiwezgenge ŵaku Yuda ndi Yerusalemu,

Zefaniya 2:7

ŴaYuda ŵakujako ŵaŵenge ndi charu cha mumphepete mu nyanja, kweniko ŵaliskenge vyakuŵeta vyawo, ndipo mu nyumba za Ashikeloni ŵagonenge ndi mazulo. Chifukwa Ambuya Chiuta wawo waŵakumbukenge, ndi kuwezga umampha wawo.

Zefaniya 3:20

Pa nyengo yo ndikuwezgiyenge kwako, mu nyengo yo ndikuwunjikenge pamoza. Inya ndikuchitenge kuŵa wambiri, ndi wamarumbika mukati mu ŵanthu wose ŵa panu pasi, po ndiwezgiyenge umampha wako paurongo pako,” atiti Ambuya.

Luka 17:22

Ndipo wanguti ku ŵasambizi, “Ghazenge mazuŵa, penipo munwekiyenge kuona limoza la mazuŵa gha Mwana wa munthu, ndipo kuti mulionenge cha.

Luka 19:43

Pakuti ghafikiyenge pako mazuŵa penipo ŵamawongo ŵako ŵakunjirinjiskiyenge nthembwe, ndi ŵakuzingirizgenge, ndi ŵakuvimbizgenge kosekose,

Luka 21:6

“Vyose ivi muwona, ghazenge mazuŵa mwaku ghenigho kuti urekekenge po panu cha mwa pa mwa, weniwo urekenge kugadabulika.”

Marangu 30:3

penipo Ambuya Chiuta winu wakamuwezgiyaninga mwaŵi winu, wakamufwiyaninga lisungu, ndipo wakamuwunjikaninga so pamoza kutuwa ku ŵanthu wose kweniko Ambuya Chiuta winu wakuparghang'iyani.

Marangu 30:5

Ndipo Ambuya Chiuta winu wakamutoliyaninga mu charu cho auskemwe ŵajangamo kuŵa chawo, alinga kuti mujengemo imwe kuŵa chinu, ndipo wakamusakatiskaninga ukongwa ndi kumwandaniskani kwakuruska auskemwe.

ŴaHebere 8:8

Chifukwa pakuŵasuska watiti, “Awonani, mazuŵa ghatuza, atiti Ambuya, ndipo ndifiskenge ku nyumba yaku Yisraele ndi ku nyumba yaku Yuda chipangano chifya: