Yeremiya 3:9 - Tonga Bible 1986

⁹ Chifukwa kuchita ureŵi kwaku iyo chenga chinthu chipusu, wangukazuzga charu pakuchita ureŵi ndi mwa ndi muti.

Yeremiya 3:9 ပူးပေါင်းရင်းမြစ်များ

Yesaya 57:3

Kweni imwe, ndereni pano pafupi, mwaŵana ŵa vyanusi, mphapu ya mureŵi ndi wachigololo.

Yesaya 57:6

Mukati mu mya ya nkhulungo yamu dambo mwe chigaŵa chinu; iyo, yeniyo pe, ndi mphenduzga yinu; kwaku yo mwadira mpasku wakumwa, mwatoliyako mpasku wa ufwa. Kumbi ndikachetamiskikanga pa vinthu ivi?

Yeremiya 10:8

Mbakupusa ndi ŵazereza, kusambizga kwa ŵangoza nchimuti pe!

Yeremiya 16:18

Ndipo ndikaŵawerezgiyangapo kwa kaŵi pa utimbanizi ndi uheni wawo, chifukwa ŵakazuzga charu changu ndi viŵanda vya ŵangoza ŵawo ŵa ŵaka, ndipo ŵazaza charu changu ndi maukazuzi ghawo.”

Yeremiya 2:27

Weniwo ŵatiti ku muti, ‘Ndiwe ada,’ ndi ku mwa, ‘Ndiwe ungundibala.’ Pakuti ŵang'anamuliya msana wawo kwangu, chisku chawo cha. Kweni mu nyengo ya suzgu yawo, ŵatiti, ‘Sokani mutitaske!’

Yeremiya 2:7

Ndipo ndingumutoliyani mu charu cha vyakuzala, kurgha vipasi vyake ndi vyamampha vyake. Kweni munguti mwaseremo imwe mungukazuzga charu changu, ndipo mungukazuzga ŵanthu ŵangu.

Yeremiya 3:2

Yinuskiyani maso ghinu ku mapiri gha majarawi ndipo wonani ndinampha po ŵalivi kugonapo namwe? Mumphepeti mwa zinthowa waja kulindizga mabwezi nge ndi munasara mu bozwa. Mwakazuzga charu ndi uheni wa ureŵi winu.

Ezekiele 16:17

Unguto so vitowelo vyako vya golide langu ndi siliva langu, vyo ndingukupaska, ungujisuliya vikozgo vya ŵanthu, ndipo ndi vyenivi unguchita ureŵi;

Ezekiele 23:10

“Yaŵa ŵangubenuwa nkhuli yake, ŵanguko ŵana ŵake ŵanthurumi ndi ŵana ŵake ŵanthukazi, ndipo iyo ŵangubaya ndi lipanga; ndipo mukati mu Ŵanthukazi wangusanduka chisunjizgu, penipo cheruzgu chingufiskika paku iyo.

Ezekiele 23:21

Viyo ndimu ungujariya mu ureŵi wapa umwali wako, po ŵaEgipiti ŵangukole mataku ghako ndi kutoska maŵe gha umwali wako.”

Ezekiele 23:3

ŵanguŵa ŵareŵi mu Egipiti, ŵanguchita ureŵi mu umwali wawo; maŵe ghawo ghanguwiskika kwenikuwa ndipo kusongo kwa maŵe gha umwali wawo kungukoreka.

Hoseya 2:2

“Mususkani ndi nyinamwe, suskani chifukwa ndi muwoli wangu cha, nane kuti ndi murumi wake cha. Kuti watuzgepo ureŵi pa maso pake, ndi ureŵi pakati pa maŵe ghake.

Hoseya 4:12

Ŵanthu ŵangu ŵafumba fundu ku chimuti, ndipo ndodo yawo yitiŵakonkhoske. Chifukwa mzimu wa ureŵi waŵarandizga, ndipo ŵareka Chiuta wawo chifukwa ŵakhumba kuchita ureŵi.

Yoele 1:19

Ambuya, ndililiya imwe. Chifukwa moto wawocha vipozwa mu dondo, ndi mlipu wawocha miti yose mu dondo.

Habakuku 2:19

Soka kwaku yo wanena ku chimuti chakusemeka, Yuka; ndi ku mwa wambuwu Ima! Kumbi ichi chingapereka uvumbuzi? Wona, nchakumatika ndi golide ndi siliva, mulivi muvuchi mukati chingana nkhamana.

Mateyu 5:32

Kweni ine ndikuneniyani, kuti yose wakupata muwoli wake kwambura kuti mpha chifukwa cha ureŵi, wamuchitiska kureŵa: ndipo yose yo wangamto wati wapatika, wareŵa.