Yeremiya 3:8 - Tonga Bible 1986

⁸ Wanguwona kuti chifukwa maureŵi ghake ghose Yisraele, wambura magomekezgeka yuwa ndingumudikiska ndi kumupaska karata wa chipata; kweni ndipuuli Yuda mzichi wake phula kuti wangopa cha, iyo nayo wanguruta kwachichita maureŵi.

Yeremiya 3:8 ပူးပေါင်းရင်းမြစ်များ

2 Mikoka 21:11

Ndipo so napu wanguzenga so malo gha pachanya mu mapiri ghaku Yuda, wanguchitiska ŵamu Yerusalemu kuchita ureŵi ndi kuchichizga ŵaYuda kuti nawo ŵachitenge viyo pe.

Yesaya 50:1

Viyo atiti Ambuya, “Wepani karata wa chipata wa anyoko, mweniyo ndinguŵapatiyapo? Pamwenga nkhu wamateu nunju yo ndingukuguliskako? Ehe, unguguliskika chifukwa cha maulakwi ghako, chifukwa cha mautimabanizi ghako reka anyoko angupatika.

Yeremiya 2:19

Uheni winu ukudikiskeninga, ndipo kureka kusopa kukakuchenyaninga. Ziŵani, ndi wonani, kuti imwe pakureka Ambuya Chiuta winu mbuheni ndi kuŵaŵa kwaku imwe; kundopa ine mulivi mwaku imwe, atiti Ambuya Chiuta wa maŵanja.

Yeremiya 3:1

“Asani munthu wapata muwoli wake ndipo watumsiya, ndipo sono watuŵa muwoli wa munthu munyake, kumbi munthu yo waweriyenge ku munthukazi yo? Kumbi kuti chikazuzgikenge weni ukongwa cha charu cho? Iwe wareŵa ndi mabwezi ghanandi; kumbi ukaweriyanga kwangu? atiti Ambuya.

Yeremiya 33:24

“Kumbi ulivi kuteska chenicho ŵakamba ŵanthu yaŵa, kuti, ‘Kumbi Ambuya ataya mbumba ziŵi zo ŵangusankha?’ Viyo ŵanyoza ŵanthu ŵangu, kuti nge ndi mtundu so cha mu maso ghawo.

Yeremiya 5:7

“Ndingamugowokiyani uli? Ŵana ŵinu ŵakundisiya ine ndipo ŵarapiya paku wo kuti mba chiuta cha. Penipo ine ndinguŵahiŵa kwakuguta iwo ŵangureŵa, ndipo ŵangusere ŵanandi mu nyumba za ŵareŵi.

Ezekiele 16:46

Ndipo muku wako mura ndi muSamaria, yo wajanga ndi ŵana ŵake ŵanthukazi kuchiri ku nkhonde; muhurwa wako, yo wajanga kuchiri ku malaŵi, ndi ŵana ŵake ŵanthukazi ndi muSodomu.

Ezekiele 16:47

Kweni kuti ungukhorwa cha kwenda mu nthowa zawo, pamwenga kuchita kwakuyana ndi maunyakazi ghawo; ndipo mu kanyengo kamanavi waka iwe unguvunda ukongwa kwakuruska iwo mu nthowa zako zose.

Ezekiele 16:51

Samaria kuti walakwapo nanga nchigaŵa chimoza cha vigaŵa viŵi vya uheni wako cha; iwe wachita maukazuzi ghanandi kwakuruska iwo, ndipo wachitiska ŵana ŵanyako kuŵa ŵakurunjika chifukwa cha maunyakazi ghako ghose gho wachita.

Ezekiele 23:44

Pakuti ŵaruta kwachisere kwaku iyo, nge ndimo ŵanthurumi ŵarutiya ku mureŵi. Viyo ndimu ŵangurutiya kwaku Ohola ndi Oholiba kuchita ukazuzi.

Ezekiele 23:9

Chifukwa cho ndingumupereka mu manja gha mabwezi ghake, mu manja gha Asiriya, wo wangujiperekako.

Hoseya 3:4

Chifukwa ŵana ŵaku Yisraele ŵakajanga mazuŵa ghanandi kwambura karonga pamwenga fumu, kwambura sembe pamwenga mzati, kwambura mphenduzga pamwenga ŵakaboni.

Marangu 24:1

“Penipo munthurumi wato munthukazi kuŵa muwoli wake, ndipo kuti watimuphwere cha, chifukwa chakureka kusaniyamo kamampha mwake, iku wamurembe kalata wachipata ndi kupereka mu janja lake, ndi wamudikiskemo mu nyumba yake.

Marangu 24:3

ndipo munthurumi yuwa wa pavuli watimutinkha ndi watimurembe kalata wachipata ndi kupereka kalata yo mu janja lake ndi watimudikiskamo mu nyumba yake, pamwenga asani munthurumi wa pavuli wafwa, mweniyo wangumuto kuŵa muwoli wake,