Yeremiya 3:6 - Tonga Bible 1986

⁶ Ambuya anguti kwaku ine, mu mazuŵa ghaku Josiya: “Kumbi wawona chenicho wanguchita Yisraele, wambura magomekezgeka, mwenimo wangukwere pa mapiri ghose ghatali, mo wangujariya pasi musina mu muti wose uŵisi, ndi mwenimu wanguchita ureŵi?

Yeremiya 3:6 ပူးပေါင်းရင်းမြစ်များ

1 ŴaKaronga 14:23

Chifukwa ŵangujizenge malo gha mitunthu, ndi viguŵa, ndi Asherimu pa ka mtunthu kose ndi musina mu muti wose uŵisi;

2 Mikoka 34:1

Josiya wenga ndi virimika vinkhonde ndi vitatu wachamba kuwusa, ndipo wanguwusa virimika machumi ghatatu pachanya chimoza (31) mu Yerusalemu.

Sumu 106:39

Ŵangujikazuzga ndimachitiru ghawo, ndipo kwaku Chiuta ŵenga ŵambura magomezgeka.

Yesaya 57:3

Kweni imwe, ndereni pano pafupi, mwaŵana ŵa vyanusi, mphapu ya mureŵi ndi wachigololo.

Yesaya 57:7

Pa phiri litali ndi lakusonthoka mwaŵikapo chita chinu, kwenikuwa munguyako kwachipereka sembe.

Yeremiya 1:2

Mazu gha Ambuya ghanguza kwaku iyo mu mazuŵa ghaku Josiya mwana waku Amoni karonga waku Yuda, mu chirimika cha chumi ndi vitatu cha muwusu wake.

Yeremiya 11:10

Ŵawere vuli ku mautimbanizi gha ambuyawo, ŵeniwo ŵangukana kuvwa mazu ghangu; ŵandondoloska ŵachiuta ŵanyake kuŵatataliya; ŵaYisraele ndi ŵaYuda ŵaswa phanganu langu lenilo ndinguchita ndi auskeu.

Yeremiya 17:2

ndipo ŵana ŵawo ŵakumbuka majochero ghawo gha sembe ndi vyakumika vyawo vyakusope Ashera ku muti wose uŵisi, ndi pa mitunthu yitali;

Yeremiya 3:8

Wanguwona kuti chifukwa maureŵi ghake ghose Yisraele, wambura magomekezgeka yuwa ndingumudikiska ndi kumupaska karata wa chipata; kweni ndipuuli Yuda mzichi wake phula kuti wangopa cha, iyo nayo wanguruta kwachichita maureŵi.

Yeremiya 31:22

Mpaka zuŵanji ukayingangayinganga, wa mwana munthukazi wambura magomezgeka? Pakuti Ambuya achita chinthu chifya, pa charu chapasi: munthukazi ndiyo wavikiriya munthurumi.”

Yeremiya 5:11

Pakuti nyumba yaku Yisraele ndi nyumba yaku Yuda ŵaŵa ŵambura magomezgeka kwakufikapo kwangu, atiti Ambuya.

Yeremiya 7:24

Kweni kuti ŵanguchita vyo ndinguŵalanguliya pamwenga kundivwiya cha, ŵangwenda mu vipangu vya ŵeneko ndi mu unonono wa mitima yawo yiheni, ndipo ŵanguwere vuli, kuti ŵanguya kunthazi cha.

Ezekiele 16:31

kuzenga chipinda cha kusonthoka pachanya pa mphambano ya gurwi we yose, ndi kuchita malo ghako gha pachanya mu nyondo zose. Kweni ndipuuli kuti unguŵa nge ndi munthukazi mureŵi cha, chifukwa ungunyoza mphoto.

Ezekiele 16:35

“Viyo sono, wa mureŵi we, ayivwa mazu gha Ambuya:

Ezekiele 20:28

Pakuti po ndinguti ndaŵatore ku charu cho ndinguŵarapiya kuŵapaska, sono iwo po pose ŵanguwona mtunthu wose utali pamwenga muti wose uŵisi ŵanguperekapo sembe zawo penipa, ndikupereka mpasku wawo wakundisosomole; penipa wangukwezga vya fungu lawo lamampha, ndipo penipa wangudira mipasku yawo yakumwa.

Ezekiele 23:11

“Muhurwa wake Oholiba wanguchiwona ichi, kweni ndipuuli iyo ndiyo wanguvunda so ukongwa mukujipereka kwake ndi ureŵi wake wo wenga uheniku kuruska wa muku wake.

Ezekiele 23:4

Zina la mura lenga Ohola, la muhurwa wake lenga Oholiba. Ŵanguŵa ŵangu, ŵangubala ŵana ŵanthurumi ndi ŵanthukazi. Nge ndi mazina ghawo, Ohola ndi Samaria, ndipo Oholiba ndi Yerusalemu.

Hoseya 11:7

Ŵanthu ŵangu ŵaŵika mitima yawo pakutuwako kwaku ine; viyo ŵarongozgeke ku goŵa, ndipo palivi yumoza walituzgengeko.

Hoseya 4:13

Ŵapereka sembe pachanya pa mapiri, ndi ŵapereka mipasku pa tumapiri, musi mu miti ya kankhandi, ndi mkongwe, ndi mtaŵa chifukwa miduzi yawo njamampha. Chifukwa ichi ŵana ŵinu ŵanthukazi ŵachita ureŵi, ndi awoli ŵinu nawo ŵachita ureŵi.

Ŵeruzgi 2:17

Ndipuuli, kuti ŵanguvwiya ŵeruzgi ŵawo cha; pakuti ŵangusomphorwa ku ŵachiuta ŵanyake ŵanguŵalambiya; ruŵiruŵi ŵangupatuka mu nthowa yo auskeu ŵangwendamo, wo ŵanguvwiya marangu gha Ambuya, kweni iwo kuti ŵanguchita viyo cha.