Yeremiya 3:4 - Tonga Bible 1986

⁴ Kumbi iwe ulivi kudana kwaku ine kuti, ‘Ada, mwenga bwezi langu penipo ndenga munyamata;

Yeremiya 3:4 ပူးပေါင်းရင်းမြစ်များ

Sumu 119:9

Muhurwa wangatozga uli nthowa yake? Pakuvwiya visimisimivinu.

Sumu 48:14

kuti uyu ndiyu Chiuta, Chiuta widu muyaya ndi muyaya. Wakaŵanga murongozgi widu muyaya.

Sumu 71:17

A Chiuta, mwandisambizga kutuwa ku wana-mana wangu, ndipo mpaka sono ndeche kutaula nchitu zinu zakuziziswa.

Sumu 71:5

Ambuya, chigomezgu changu ndiŵika mwinu; ndathamiya mwaku imwe kutuliya ku wana-mana wangu.

Nthanthi 1:4

Alinga kuti ŵakuzimbwa ŵapaskike zeru zeru ndi maghanoghano ku ŵampupuka,

Nthanthi 2:17

mweniyo wareka bwezi la usungwana wake ndipo waluwa phanganu laku Chiuta wake;

Yeremiya 2:2

“Ruta, ukamemeze mu makutu gha Yerusalemu, viyo atiti Ambuya, Ndikumbuka kuti ungunditeŵete penipo wenga muhurwa, chanju chako uli ncha mwali wanthengwa, mwenimo ungundindondoloske mu bozwa, mu charu chambura kumijamo mbeu.

Yeremiya 2:27

Weniwo ŵatiti ku muti, ‘Ndiwe ada,’ ndi ku mwa, ‘Ndiwe ungundibala.’ Pakuti ŵang'anamuliya msana wawo kwangu, chisku chawo cha. Kweni mu nyengo ya suzgu yawo, ŵatiti, ‘Sokani mutitaske!’

Yeremiya 3:19

“ ‘Ndingughanaghana mo ndingakumikiyani mukati mu ŵana ŵangu, ndi kukupaskani charu chakukondweska, chiŵe chihara chakutowa kwakuruska cha mitundu yose. Ndipo ndingughanaghana kuti mukandidananga, Ada, ndi kuti mukarekanga cha kundilondo.

Yeremiya 31:22

Mpaka zuŵanji ukayingangayinganga, wa mwana munthukazi wambura magomezgeka? Pakuti Ambuya achita chinthu chifya, pa charu chapasi: munthukazi ndiyo wavikiriya munthurumi.”

Yeremiya 31:9

Ŵakazanga ndi kuliya, ndipo ndikaŵarongozganga ndi kuŵapembuzga, ndikaŵendeskanga pafupi pa tumisinji twa maji, mu nthowa yakunyoroka mo kuti ŵakaguŵanga cha, pakuti nde wiske waku Yisraele, ndipo Efraimu ndi mwana wangu wa umwali.

Hoseya 2:15

Kwenikuwa ndimupaskenge minda yake ya mphereska, ndi kusanduska chidika cha Akoro kuŵa khomo la chigomezgu. Ndipo kuwa wamukenge nge ndi mu mazuŵa gha umupupuka wake, ndi nge mpha nyengo yo wangutuliya mu charu cha Egipiti.

Malaki 1:6

“Mwana watumbika wiske, ndipo wanchitu watumbika mbuyake, viyo asani ine nde wiske, chepani chitumbiku chanu? Ndipo asani ndine mbuya wa nchitu, kopeka kwangu kwepani? atiti Ambuya ŵa maŵanja kwaku imwe, mwa ŵazukuru, imwe muyuyuwa zina langu. Mutiti, ‘Tiliyuyuwa uli zina linu?’

Malaki 2:14

Mufumba kuti, “Warekiyanji?” Chifukwa Ambuya ŵenga ŵakaboni ŵa phanganu pakati pako ndi muwoli wa uhurwa wako, kwaku mweniyo kuti waŵa wamagomekezgeka cha, chingana ndi bwezi lako lakusungana nalo, ndiso muwoli wako wa phanganu.