Yeremiya 3:3 - Tonga Bible 1986

³ Chifukwa chenichi manthonera ghakanizgika ndipo vuwa ya chifuku palivi; ndipuuli iwe wendi chisku cha ureŵi, ukana kuchita soni.

Yeremiya 3:3 ပူးပေါင်းရင်းမြစ်များ

Chiyambo 19:34

Ndipo pa zuŵa la pavuli, waumwali yo wanguti ku mhurwa wake, “Awona ndala nayo uskefwe usiku waruta; tiye timumweske vinyo usiku uno nawo; ndipo iwe ukasere ndi kula nayo alinga tisunge mphapu kuturiya ku uskefwe.”

Nehemiya 9:17

ŵangukana kuvwiya, ndipo kuti ŵangughanaghanako cha vya minthondwi vyo munguchita mwawo; kweni ŵangungangamiska khosi lawo ndi ŵangumika murongozgi kuti ŵaweriyenge ku uŵanda wawo mu Egipiti. Kweni imwe mwe Chiuta yo we muchanya kale kugowoke, wa wezi ndi walisungu, mwambura kukala ruŵi ndi wakuzala chifundu, ndipo kuti munguŵajowo cha.

Nthanthi 21:29

Munthu wamphulupulu wavwara chisku chambura mantha, kweni munthu wakunyoroka wasanda nthowa zake.

Yesaya 5:6

Ndikauchitanga mapopa, kuti ŵakaupanthiyanga chingana nkhuulima cha, kankhande ndi minga vikamengamo; ndikalanguliyanga mitambo kuti yireke kung'iyapo vuwa paku wo.

Yeremiya 14:1

Mazu gha Ambuya gho ghanguza kwaku Yeremiya gha pa chilala:

Yeremiya 14:22

Kumbi walipo mukati mu ŵachiuta ŵatesi ŵa ŵamitundu yo wangaziŵa kupereka vuwa? Pamwenga kumbi machanya ghangaziŵa kupaska manthonera? Ndimwe pe munyake cha, Ambuya Chiuta widu? Ifwe tiŵika chigomezgu chidu mwaku imwe, chifukwa ndimwe muchita vyose ive.

Yeremiya 14:3

Ŵara-ŵara ŵake ŵatuma ŵateŵeti ŵawo kwachito maji: ŵatuza ku visima, kuti ŵasaniyako maji cha, ŵaweko ndi viyaŵi vyawo vya mwazi: ŵachita soni, ŵatimbanizgike, ndipo ŵavunikiriya mitu yawo.

Yeremiya 14:4

Alimi ŵalengeskeka, ŵavunikiriya mitu yawo, chifukwa cha nyata yo yanangika pakuti kwaulavi vuwa pa charu.

Yeremiya 36:2

“Uto mapepala ghakuzinga ndipo ulembepo mazu ghose ghenigho ndarongora nawe ghakumikana ndi Yisraele ndi Yuda ndi mitundu yose, kwamba zuŵa lo ndingurongoro nawe, kwamba ku mazuŵa ghaku Josiya mpaka msana wale.

Yeremiya 5:24

Kuti ŵakamba cha mu mitima yawo, ‘Tiyeni topenge Ambuya Chiuta widu, mweniyo wapaska vuwa mu nyengo yake, vuwa yamtumbuku ndi ya chipwepwe, ndipo watitiŵikiya ŵasabata ŵakupaturikiya kuvuna.’

Yeremiya 5:25

Mphurupuru zinu zikutuzgapo nthowa izi, ndipo mauheni ghinu ghakanizga vinthu vyamampha kwaku imwe.

Yeremiya 5:3

Ambuya mwe, asi maso ghinu ghapenja uneneska? Imwe munguŵapuma, kweni kuti ŵanguvwa kuŵaŵa cha; imwe munguŵamara, kweni kuti ŵangukhumba kususkikacha. Ŵalimbiska visku vyawo kwakuruska jarawi ŵakana kung'anamuka mtima.

Yeremiya 6:15

Kumbi ŵanguchita soni pakuchita unyakazi? Awa, kuti ŵanguchita soni nanga mkhamana cha; ŵengavi kuziŵa kuzimbwa. Chifukwa cho ŵakawiyanga pamoza ndi wo ŵatauwa; pa nyengo yo ndikaŵalanganga, ŵakathereskekanga,” atiti Ambuya.

Yeremiya 8:12

Kumbi ŵanguchita soni penipo wanguchita ukazuzi? Awa, kuti ŵanguchita soni ndi keni kamana cha; ŵengavi kuziŵa kuzimbwa. Chifukwa cho ŵakawanga mukati mu ŵakuwa, penipo ndikaŵalanganga ŵakathereskekanga, atiti Ambuya.

Yeremiya 9:12

Njani munthu yo wangaŵa wa vinjeru kuti wangawamo ichi? Nkhwakuyani ko Ambuya arongoro, kuti iyo waziŵiske ichi? Chifukwa nchine charu chapasuka ndi chaŵa chaŵakaŵaka nge ndi bozwa, mwakuti palivi yumoza wakuporotamo?

Ezekiele 3:7

Kweni nyumba yaku Yisraele kuti yikakuvwanga cha; chifukwa kuti ŵakhumba kuvwa ine cha; pakuti nyumba yose yaku Yisraele yendi mutu wakulimba ndi mtima unonono.

ŴaLevi 26:19

Nkhabwanganduwanga kujikuzga kwinu kwa nthazi, ndipo nkhasanduskanga mudengwende kuŵa nge nchisulo, ndi charu chapasi nge ndi mkuŵa.

Amosi 4:7

“Ndipo so ndakunorani vuwa, po yingujako mwezi yitatu kufika ku vuna, ndingutuma vuwa pa msumba umoza ndipo ndengavi kutuma vuwa pa msumba unyake; yingung'a pa munda umoza, ndipo munda wo yingureka kung'apo ungufota;

Amosi 4:8

viyo misumba yiŵi pamwenga yitatu yinguja ku msumba umoza kwachimwa maji, kweni kuti yingukhorwa cha; ndipuuli kuti munguwere kwaku ine cha,” atiti Ambuya.

Zefaniya 2:1

Zaninga pamoza, ndi unganani, imwe mtundu wambura soni,

Zefaniya 3:5

Ambuya mukati mwawo mbarunji, kuti achita kaheni cha; mlenji wose arongo cheruzgu chawo, pa matandakucha ghe ghose kuti atondeka cha. Kweni ŵambura urunji ŵalivi soni.

Hagayi 1:11

Ndipo ndadana chilala pa charu ndi pa mapiri, pa trigu, ndi pa vinyo mufya, pa mafuta, paku cho chose charu chipasa, pa ŵanthu ndi pa ng'ombe, ndi pa nchitu zawo zose.”

Marangu 28:23

Mtambo wo we pachanya pa mutu winu ukaŵanga nge ndi mkuŵa, ndi charu cho che pasi pinu chikaŵanga nge ndi chisulo.

ŴaHebere 12:25

Lereni vinu mungamkana mweniyo wakamba namwe. Chifukwa asani ŵa ŵengavi kupozomoka pakukana kuvwiya mweniyo wanguŵachenjezga panupasi, ukongwa viŵi kuti tikapozomokanga cha ifwe taŵakugaruka ku kwaku mweniyo wachenjezga kuchanya.