Yeremiya 3:25 - Tonga Bible 1986

²⁵ Tiyeni tigone pasi mu kulengeskeka kwidu, ndipo kujiyuyuwa kwidu kutivimbe; pakuti talakwiya Ambuya Chiuta widu, ifwe pamoza ndi auskefwe kutuwa ku uhurwa widu inya mpaka msana wale; ndipo tilive kuvwiya mazu gha Ambuya Chiuta widu.”

Yeremiya 3:25 ပူးပေါင်းရင်းမြစ်များ

Sumu 106:6

Mo ŵangulakwiya auskefwe, nafwe talakwa; taŵa ŵakwananga ndi ŵamphurupuru.

Sumu 106:7

Po auskefwe ŵenga mu Egipiti kuti ŵanguwamo cha ndi nchitu zakuziziswa zaku Chiuta; ŵanguruwa unandi wa zinyengo zo wanguŵarongo chanju chake, ndipo ŵangumugarukiya ŵanthazi zose pa Nyanja Yiyera.

Sumu 109:29

Ŵarwani ŵangu ŵarengeskeke; ŵavware soni zawo nge nchirundu!

Nthanthi 13:18

Ukavu ndi chilengesku vituza kwaku mweniyo wakana kusambizgika, kweni mweniyo waphwere kuchenyeka watumbikika.

Nthanthi 5:13

Kuti ndingutegherezga ku mazu gha ŵasambizgi ŵangu cha pamwenga kuŵikako gutu ku wakundirunguchizga.

Yesaya 48:8

Mulivi kuvwapo, mulivi kuviziŵapo, kutuliya ku mwaka gutu linu lilivi kujurikapo. Pakuti ndinguziŵa kuti mwatinge muchitenge mwakupusika, ndi kuti kutuliya ku kawi mungudanika ŵachigaruka.

Yesaya 50:11

Ehe, imwe mose mwakukozga moto, imwe mukozga visindi! Yendani mu ukweru wa moto winu, mu visindi vyo mwakozga! Ichi ndichu mukalondiyanga ku janja langu: mukagonanga pasi mu urwirwi.

Yeremiya 11:13

Pakuti ŵachiuta ŵinu ŵandana nge ndi mizi yinu, Yuda we; ndipo viguŵa vya sembe vyo mwazenge ku chilengesku vyandana nge ndi miseu ya Yerusalemu, viguŵa vyakochiyapo sembe kwaku Bala.

Yeremiya 12:13

Ŵamija trigu ndipo ŵavuna minga, ŵajivuska kweni kuti ŵatopu kanthu cha, ŵakalengeskekanga ndi vuna yawo chifukwa cha ukari wakofya wa Ambuya.”

Yeremiya 14:20

Tizomera maulakwi ghidu, Ambuya mwe, ndi uheni wa auskefwe pakuti takulakwiyani imwe.

Yeremiya 14:7

“Chingana mautimbanizi ghidu ghatitisimika, tovyeni, Ambuya, chifukwa cha zina linu; pakuti kutondeka kwidu kwaŵa kukuru, talakwiya imwe.

Yeremiya 2:17

Asi ndimwe mwaŵeni mwajidaniya uheni uwo kuti ukuziyeni pakureka Ambuya Chiuta winu, penipo wangukurongozgani mu nthowa?

Yeremiya 2:19

Uheni winu ukudikiskeninga, ndipo kureka kusopa kukakuchenyaninga. Ziŵani, ndi wonani, kuti imwe pakureka Ambuya Chiuta winu mbuheni ndi kuŵaŵa kwaku imwe; kundopa ine mulivi mwaku imwe, atiti Ambuya Chiuta wa maŵanja.

Yeremiya 2:2

“Ruta, ukamemeze mu makutu gha Yerusalemu, viyo atiti Ambuya, Ndikumbuka kuti ungunditeŵete penipo wenga muhurwa, chanju chako uli ncha mwali wanthengwa, mwenimo ungundindondoloske mu bozwa, mu charu chambura kumijamo mbeu.

Yeremiya 2:26

“Mo munkhungu watuŵiya wasoni asani wakoreka viyo ndimo ŵaYisraele ŵakalengeskekiyanga: iwo, ŵakaronga ŵawo, mafumu ghawo, ŵazukuru ŵawo, ndi ŵamchimi ŵawo.

Yeremiya 20:18

Chifukwa nchine cho ndingutuliya mu chibali kuzachiwona suzgu ndi chitima, ndi kuja mu chilengesku mu mazuŵa gha umoyo wangu?

Yeremiya 22:21

Ndingurongoro nawe mu kusakata kwako, kweni iwe unguti, ‘Kuti ndivwengeko cha.’ Umu ndimu yaŵiya nthowa yako kutuwa ku uhurwa wako, kuti wavwiya mazu ghangu cha.

Yeremiya 3:13

Zomera waka kulakwa kwako, kuti ungugarukiya Ambuya Chiuta wako ndipo unguparghaniya mwaŵi wako mu ŵalendo pa sina pa muti wose uŵisi, ndi kuti ulivi kuvwiya mu mazu ghangu, atiti Ambuya.

Yeremiya 31:19

Pakuti ndati ndapatukako ndingung'anamuka mtima, ndipo pavuli ndati ndasambizgika ndingupamantha pa chigha changu; ndingulenga soni, ndingusoŵa kakukamba, pakuti ndingunyamuwa manyazi gha uhurwa wangu.’

Yeremiya 6:26

Mwa ŵanthu ŵangu, vwarani vigudulu, ndipo mukunkhuwe mu vyoto; muchite chitenje nge nchikuliya mwana munthurumi yumoza pe, maliro ghakuŵaŵa kwakuruska; pakuti kwamabuchibuchi wakubaya yo wakazanga paku ifwe.

Yeremiya 7:19

Kumbi ndine mweniyo ŵasosomo atiti Ambuya? Kumbi kuti ndiwo ŵeneko cha, wo ŵatijitimbanizga?

Yeremiya 8:14

Chifukwa chine tija chisisi? Unjikanani pamoza tirutenge, kwachisere mu mizi ya malinga, tikafwiye mwenimo, pakuti Ambuya Chiuta widu ŵatiteme kufwa, ndipo ŵatipaska maji gha nduru kuti timwe, chifukwa talakwiya Ambuya.

Yeremiya 9:18

ŵatinthimike, ŵabuske chitenje paku ifwe, mwakuti maso ghidu ghapopome masozi, ndi nkhope zidu zidike maji.

Chitenje 5:16

Chifuku cha ufumu chambotokako ku mutu widu; Owe! Soka ifwe, pakuti talakwa!

Chitenje 5:7

Auskefwe ndiwo ŵangulakwa, ndipo sono kuti mbamoyo cha kweni ifwe tinyamuwa uheni wawo.

Ezekiele 2:3

Wanguti, “Mwana wa munthu, nditikutuma ku ŵaYisraele, ku mtundu wa ŵachigaruka, wo ŵandigarukiya ine; iwo ndi auskeu ŵandinangiya ine mpaka zuŵa lino.

Ezekiele 36:32

Kuti ndikachitanga ichi chifukwa chinu cha, atiti Ambuya Chiuta, ichi chiziŵikwe kwaku imwe. Muŵe ŵa soni ndi ŵachitima chifukwa cha nthowa zinu, imwe nyumba yaku Yisraele.

Ezekiele 44:13

Kuti ŵakanderenga kufupi kunditeŵete nge mbazukuru cha, pamwenga kuza kufupi ku chimoza cha vinthu vyangu vyakupaturika ndi ku vinthu vyo vyakupaturika kwakuruska cha; kweni cho ŵakanyamuwanga ndi soni zawo, chifukwa cha maunyakazi gho ŵakuchita.

Ezekiele 7:18

Ŵatijivwarika vigudulu mu chiunu, mantha ghati ŵabenekere; soni ze pa visku vyose, ndi phara pa mitu yawo yose.

Danyele 12:2

Ndipo ŵanandi wo ŵagona mu fuvu la charu ŵayukenge, ŵanyake ku umoyo wa muyaya, ndi ŵanyake ku soni, ndi chilengesku cha muyaya.

Hoseya 9:10

Ndingumusaniya Yisraele nge ndi mphereska mu mapopa. Nge nchipasi chakudanga cha mkuyu, pa nyengo yake yakwamba, ndinguŵawona auskemwe. Kweni ŵanguza ku Bala-peori, ndi ŵangujipatuliya kwaku Bala, ŵanguŵa ŵakutinkhika nge nchinthu cho ŵangwanja.

Zefaniya 1:17

Ndiŵaziyenge ŵanthu ndi suzgu, mwakuti ŵendenge nge mbachiburumutiya, chifukwa ŵanangiya Ambuya; ndopa zawo zipungulikenge nge ndi fuvu, ndi munofu wawo nge ndi mtawi.

ŴaRoma 6:21

Viyo mwenga ndi chipasi chakutinji kali mwaku vyenivyo sono mulenga soni navyo? Chifukwa umari waku viya ndi nyifwa.

Ŵeruzgi 2:2

ndi kuti imwe mungachitanga phanganu cha ndi ŵakuja mu charu ichi; mubwanganduliyenge pasi viguŵa vyawo vya sembe, kweni mulivi kuvwiya dangu langu. Nchine ichi mwachita?