Yeremiya 3:24 - Tonga Bible 1986

²⁴ “Kweni kwamba ku uhurwa widu chinthu cha soni chananga vyose vyo auskefwe ŵangugomekezga, viŵetu vyawo ndi ŵaliska ŵawo, ŵana ŵawo ŵanthurumi ndi ŵanthukazi.

Yeremiya 3:24 ပူးပေါင်းရင်းမြစ်များ

Yeremiya 11:13

Pakuti ŵachiuta ŵinu ŵandana nge ndi mizi yinu, Yuda we; ndipo viguŵa vya sembe vyo mwazenge ku chilengesku vyandana nge ndi miseu ya Yerusalemu, viguŵa vyakochiyapo sembe kwaku Bala.

Yeremiya 22:21

Ndingurongoro nawe mu kusakata kwako, kweni iwe unguti, ‘Kuti ndivwengeko cha.’ Umu ndimu yaŵiya nthowa yako kutuwa ku uhurwa wako, kuti wavwiya mazu ghangu cha.

Yeremiya 44:7

Ndipo sono atiti Ambuya Chiuta wa maŵanja, Chiuta waku Yisraele, Chifukwa chine muchita uheni ukuru uwu paku mwaŵeni, kudumuwako kwaku imwe munthurumi ndi munthukazi, litema ndi, mwana, kutuwa mukati mwaku Yuda; kwambura kumusiyiyani wakujako?

Yeremiya 8:16

“Kututa kwakukoroma kwa ŵakavalo ŵawo kuvwika kutuwa mu Dani, pakuvwa kuliya kwa ŵakavalo ŵanthurumi charu chose chiyaghayika. Ŵatuza kunanga charu ndi vyose, vyakuzaza mwaku cho, muzi ndi wose ŵakuja mwaku wo.

Yeremiya 9:18

ŵatinthimike, ŵabuske chitenje paku ifwe, mwakuti maso ghidu ghapopome masozi, ndi nkhope zidu zidike maji.

Ezekiele 16:19

Ndi chiŵande changu cho ndingukupaska, ndingukurghiska ufwa wakung'ibuka wa trigu, mafuta ndi uchi, ivi navyo unguŵajarikiya nge ndi mpasku wa fungu lamampha, atiti Ambuya Chiuta.

Ezekiele 16:20

Ndipo ŵana ŵanthurumi ndi ŵana ŵanthukazi wo ungupapiya ine, iwe ukuŵato kuŵapereka sembe kwaku wo kuti ŵarghike. Kumbi chifukwa cha maureŵi ghako kenga kanthu kawana-wana,

Ezekiele 16:61

Penipo ukakumbukanga nthowa zako, ukachitanga soni ndichito ŵana ŵanyako, wose ŵaŵi, muku wako ndi muhurwa wako ndi kuŵapereka kwako nge mbana ŵanthukazi, kweni kuti mpha chifukwa cha phanganu ndi iwe cha.

Ezekiele 16:63

mwakuti ukumbukenge ndi kuchita soni, ndipo kuti ukajuranga so mlomo wako cha chifukwa cha kulengeskeka kwako, penipo nditikugowoke paku vyose vyo wachita, atiti Ambuya Chiuta.”

Hoseya 10:6

Inya, chikozgu chitolekiyenge ku Asiriya, kuŵa munthulu ku karonga mukuru. Efraimu walengeskekenge, ndipo Yisraele walengenge soni chifukwa cha ngoza wake.

Hoseya 2:8

Chifukwa wengavi kuziŵa kuti ndine ndingumupaska trigu, vinyo ndi mafuta, ndi kumwandaniskiya siliva, ndi golide, lenilo wanguchitiya Bala.

Hoseya 9:10

Ndingumusaniya Yisraele nge ndi mphereska mu mapopa. Nge nchipasi chakudanga cha mkuyu, pa nyengo yake yakwamba, ndinguŵawona auskemwe. Kweni ŵanguza ku Bala-peori, ndi ŵangujipatuliya kwaku Bala, ŵanguŵa ŵakutinkhika nge nchinthu cho ŵangwanja.