Yeremiya 3:23 - Tonga Bible 1986

²³ Kwakuneneska tumapiri nthwakupusika, vyakupuruska pa mapiri. Kwakuneneska mu Ambuya Chiuta widu mwe utaski waku Yisraele.

Yeremiya 3:23 ပူးပေါင်းရင်းမြစ်များ

Sumu 3:8

Utaski weku Ambuya; chitumbiku chiŵe pa ŵanthu ŵinu!

Sumu 62:7

Chipozomosko changu ndi unkhankhu wangu vye paku Chiuta; ngwakuvikiriya wangu wanthazi; Chiuta nchakundingang'amo changu.

Nthanthi 21:31

Kavalo warongosoleke zuŵa lankhondo, kweni kupunda nkhwa Ambuya.

Yesaya 10:20

Mu zuŵa leniliya ŵakujapo ŵa ŵaYisraele ndi ŵakujapo ŵa nyumba yaku Yakobe kuti ŵakayegamiyanga so paku yo wanguŵakoso cha, kweni wakayegamiyanga pa Ambuya, mtuŵa Yumoza waku Yisraele, mu uneneska.

Yesaya 12:2

“Ehe, Chiuta ndi mtaski wangu; ndikagomekezganga, ndipo kuti ndipenge cha; pakuti Ambuya Chiuta ndi nthazi yangu ndi sumu yangu, ndipo iyo waŵa utaksi wangu.”

Yesaya 43:11

Ine, ndine Ambuya ndipo pade paku ine palive mtaski.

Yesaya 44:9

Wose wo ŵachita ŵangoza ŵe kanthu cha, ndipo vinthu vyo ŵakondweremo vitanduwa kanthu cha; ŵakaboni ŵawo kuti ŵawona nanga nkhuziŵa cha, kuti ŵangalengeskeka.

Yesaya 45:15

Kwakuneneska, ndiwe Chiuta mweniyo watijibisa, Chiuta mwe waku Yisraele Mtaski.

Yesaya 45:17

Kweni Yisraele wataskika ndi Ambuya ndi utaski wa muyaya; kuti ukalengeskekanga cha chingana rikhutimbanizgika ku mgonezi wa muyaya.

Yesaya 45:20

“Mujiwungang'e ndi muzenge, ndereni pafupi pamoza, mwa ŵakujapo ŵa mitundu! Kuti ŵawamo cha wo ŵanyamuwa-nyamuwa ŵangoza ŵawo ŵa miti ndipo wakiyakiya kuromba kwa ku chiuta yo kuti waziŵa kutaska cha.

Yesaya 63:1

Njani uyu yo watuwa ku Edomo, mu vivwalo vyakuchesama vyakutuwa ku Bozra, ndi mweniyo ngwa unkhankhu mu kuvwara wakwenda mu ukuru wa nthazi zake? “Ndine, nditaula uneneska, ndawanthazi kutaska.”

Yesaya 63:16

Pakuti imwe ndimwe Auskefwe, chingana Abrahamu wareka kutiziŵa ifwe, ndipo Yisraele kuti watitipanikizga cha; imwe Ambuya, ndimwe mwe Auskefwe, Muwombozi widu ndilo zina linu kutuliya ku mwaka.

Yeremiya 14:8

Imwe ndimwe Yisraele wagomezga, wakumutaska mu nyengo ya suzgu, chifukwa chine imwe muŵenge nge ndi mlendo mu charu chidu, ulaka ndi mwenda nthowa yo wapatuka kugone waka usiku?

Yeremiya 17:14

Ndichizgeni, Ambuya, ndipo ndikachizgikanga; ndipozomoskeni, ndipo ndikapozomokanga; pakuti imwe ndimwe rumbu langu.

Yeremiya 17:2

ndipo ŵana ŵawo ŵakumbuka majochero ghawo gha sembe ndi vyakumika vyawo vyakusope Ashera ku muti wose uŵisi, ndi pa mitunthu yitali;

Yeremiya 3:6

Ambuya anguti kwaku ine, mu mazuŵa ghaku Josiya: “Kumbi wawona chenicho wanguchita Yisraele, wambura magomekezgeka, mwenimo wangukwere pa mapiri ghose ghatali, mo wangujariya pasi musina mu muti wose uŵisi, ndi mwenimu wanguchita ureŵi?

Yeremiya 31:7

Pakuti atiti viyo Ambuya: “Kamburiyani Yakobe ndi chimwemwe, ndipo yuskiyani kukamburiya fumu ya mitundu; memezani, paskani rumbu, ndipo munene, ‘Ambuya ataska ŵanthu ŵawo, ŵakujapo ŵa ŵaYisraele.’

Ezekiele 20:28

Pakuti po ndinguti ndaŵatore ku charu cho ndinguŵarapiya kuŵapaska, sono iwo po pose ŵanguwona mtunthu wose utali pamwenga muti wose uŵisi ŵanguperekapo sembe zawo penipa, ndikupereka mpasku wawo wakundisosomole; penipa wangukwezga vya fungu lawo lamampha, ndipo penipa wangudira mipasku yawo yakumwa.

Hoseya 1:7

Kweni nkhaŵanga ndi lisungu ndi nyumba yaku Yuda, ndipo ndiŵataskenge ndi nthazi ya Ambuya Chiuta wao; kuti nkhaŵataskanga ndi uta cha, pamwenga lipanga, pamwenga nkhondo, pamwenga ŵakavalo, pamwenga ŵakukwera pa ŵakavalo.”

Yohane 4:22

Imwe musopa cho mulive kuziŵa: ifwe tisopa cho tiziŵa: pakuti utaski ngwakutuwa ku ŵaYuda.