Yeremiya 3:21 - Tonga Bible 1986

²¹ Mazu ghavwika pa mapiri ghayumu, kuliya ndi kuŵeyere kwa ŵana ŵaku Yisraele, chifukwa ŵananga nthowa yawo, ŵaruwa Ambuya Chiuta wawo.

Yeremiya 3:21 ပူးပေါင်းရင်းမြစ်များ

Jobu 33:27

ndi ŵatumba paurongo pa ŵanthu, ndi watiti: ‘Ndingulakwa, ndi ndingutimbanizga cho chenga chakurunjika, ndipo kuti chingundanduliya kanthu cha.

Nthanthi 10:9

Mweniyo watenda mu ukongorekwa watenda ndi kuvikirika kweni wanyongoroska nthowa zake wabowozgekenge.

Nthanthi 19:3

Penipo ubeleŵeza wa munthu utole nthowa yake ku phasulu, mtima wake ukalipiya Ambuya.

Yesaya 15:2

Ŵanthu ŵaku Diboni ŵakwere ku malo gha visopo kwachitenje, paku Nebo ndi paku Medeba, Moabu watenje. Pa mutu wose pe phara, mwembe wose wameteka,

Yesaya 17:10

Mwaruwa Chiuta winuyo watimutaskani, ndipo mwaruwa Jalawi linu lakubisamamo; chifukwa chenichi, chingana mungapanda mbeu zakukondweska ndi kundondomeka tumiti twa ŵachiuta ŵalendo,

Yesaya 57:11

Njani yo mungutenthema ndi kopa, po mwakambanga utesi, ndipo mwengavi kundikumbuka, mwengavi kundighanaghana? Kumbi po ndaja ŵaka cheti ine, kwa nyengo yitali, chifukwa cho kuti mutindopa cha?

Yeremiya 12:12

Pa mitunthu yose ya chipalamba mu bozwa paza ŵaphasulu; pakuti lipanga la Ambuya limeza kutuwa ku chigoti chimoza cha charu kwachifika ku chigoti chinyake mu charu chose, kulivi chimangu.

Yeremiya 13:25

Ichi ndichu chigaŵa chinu, phande lo ndakupimiyani imwe, atiti Ambuya, chifukwa mwandiruwa mwakomekezga mu mautesi.

Yeremiya 18:15

Kweni ŵanthu ŵangu ŵandiruwa ine, ŵatoche sembe ku ŵachiuta ŵatesi; ŵaguŵa mu nthowa zawo, mu miseu ya mwaka, ndipo ŵasere mu tunthowa twakudumuwa, ŵareka mseu ukuru,

Yeremiya 2:32

Kumbi mwali wangaruwa vyakujizganga navyo vyake, pamwenga mwali wanthengwa vyakuvwara vyake? Kweni ŵanthu ŵangu ŵandiruwa mazuŵa ghambura maŵerengeka.

Yeremiya 3:2

Yinuskiyani maso ghinu ku mapiri gha majarawi ndipo wonani ndinampha po ŵalivi kugonapo namwe? Mumphepeti mwa zinthowa waja kulindizga mabwezi nge ndi munasara mu bozwa. Mwakazuzga charu ndi uheni wa ureŵi winu.

Yeremiya 31:9

Ŵakazanga ndi kuliya, ndipo ndikaŵarongozganga ndi kuŵapembuzga, ndikaŵendeskanga pafupi pa tumisinji twa maji, mu nthowa yakunyoroka mo kuti ŵakaguŵanga cha, pakuti nde wiske waku Yisraele, ndipo Efraimu ndi mwana wangu wa umwali.

Yeremiya 7:29

Sengani sisi linu ndi mulitaye; soskani chitenje pa mapiri, gha majarawi, pakuti Ambuya akana ndi ajowo mgonezi, mu ukari wawo.’

Ezekiele 23:35

Viyo atiti Ambuya Chiuta; Chifukwa wandiruwa ine ndipo wandipong'a kuvuli kwako, chifukwa cho nyamuwa mphoto yakuturiya mu ukazuzi ndi ureŵi wako.”

Ezekiele 7:16

Ndipo asani ŵajako ŵakuthaŵa, ŵakaŵanga pa mapiri, nge ndi nkhunda za mudambo, wose ŵatenje, we yose pa uheni wake.

Hoseya 13:6

Kweni po ŵangurgha ukongwa, ŵanguguta, ndipo mtima wawo ungujitukumuwa; chifukwa ichi ŵangundiruwa.

Hoseya 8:14

Chifukwa Yisraele waruwa mulengi wake, ndi wazenga nyumba zikuru, ndipo Yuda wandaniska misumba ya malinga; kweni nditumenge moto pa misumba yake, ndipo wamukocha malinga ghake.

Mika 3:9

Vwani ichi, imwe mwaŵarongozgi ŵa nyumba yaku Yakobe, ndi mwa mafumu mwa nyumba yaku Yisraele, imwe mutinkha weruzgi ndi kubendezga urunji wose.

Maŵerengedu 22:32

Mungelo wa Ambuya wangunena nayo, “Chifukwa nchine wapuma mbunda yako nyengo izi zitatu? Ayivwa, ine ndaza kumikana nawe, chifukwa nthowa yako njakunangika paurongo pangu;

2 ŴaKorinte 7:10

Chifukwa chitima chakuchiri kwaku Chiuta chitata chipe chakurata ku utaski, chenicho kuti chilengeska cha kweni chitima cha charu chibara nyifwa.