Yeremiya 3:2 - Tonga Bible 1986

² Yinuskiyani maso ghinu ku mapiri gha majarawi ndipo wonani ndinampha po ŵalivi kugonapo namwe? Mumphepeti mwa zinthowa waja kulindizga mabwezi nge ndi munasara mu bozwa. Mwakazuzga charu ndi uheni wa ureŵi winu.

Yeremiya 3:2 ပူးပေါင်းရင်းမြစ်များ

Chiyambo 38:14

wanguzuwa vivwaro vyake vya uchoko, ndipo wanguvwinkha chivwinkhu ndi kujiburumutizga; ndipo wanguja pa likomo la Enaimi, chenicho che pa museu wakuya ku Timina; pakuti wanguwona kuti Shela ndi mura kweni wengavi kupaskika kwaku iyo kutorana nayo.

1 ŴaKaronga 11:3

Wenga ndi ŵawoli machumi pe chumi ghankhonde pachanya ghaŵi (700), ŵana ŵa mafumu, ndi machumi pe chumi ghatatu (300); mabwezi ghanthukazi.

2 ŴaKaronga 23:13

Karonga wangupasuwa malo gha pachanya gho ghenga ku vuma kwa Yerusalemu, ku malaŵi kwa Yerusalemu, ku malaŵi kwa phiri la ukazuzi, ghenigho Solomoni karonga waku Yuda wanguzenge Ashatoreti ukazuzi wa ŵina Sidoni, wanguzenge Kemochi ukazuzi wa ŵaMoabu, ndi wanguzenge Milkomu ukazuzi wa ŵaAmoni.

Sumu 106:38

Ŵangudiska ndopa zambura kafukwa, ndopa za ŵana ŵawo ŵanthurumi ndi ŵanthukazi, kuŵa sembe ku ŵangoza ŵaku Kanani; viyo charu chingukazuzgika ndi ndopa.

Nthanthi 23:28

Wabisama ndi kukhazga uli ngwakupoka ndipo watandaniska ŵambura chivwanu mukati mu ŵanthurumi.

Nthanthi 7:11

Wabangula ndi wanyenga, marundi ghake kuti ghaja pasi pa nyumba cha;

Yeremiya 12:12

Pa mitunthu yose ya chipalamba mu bozwa paza ŵaphasulu; pakuti lipanga la Ambuya limeza kutuwa ku chigoti chimoza cha charu kwachifika ku chigoti chinyake mu charu chose, kulivi chimangu.

Yeremiya 2:20

“Pakuti ndikale ukongwa mungufyo gori linu ndipo munguphwatuwa vimangiro vinu, ndipo munguti, ‘Kuti nditataliyenge cha!’ Inya, pa phiri lose litali ndi msina muti wose uŵisi mungujikaniya nge ndi munthukazi mureŵi.

Yeremiya 2:23

Kumbi mungakamba uli kuti, ‘Ndakazuzgika cha, kuti ndandondoloska ŵaBala cha.’? Lereskani pa nthowa yinu muchidika, ziŵani cho mwachita, gamila mu mana wa mtafu wakwendayenda kosekose.

Yeremiya 2:7

Ndipo ndingumutoliyani mu charu cha vyakuzala, kurgha vipasi vyake ndi vyamampha vyake. Kweni munguti mwaseremo imwe mungukazuzga charu changu, ndipo mungukazuzga ŵanthu ŵangu.

Yeremiya 3:1

“Asani munthu wapata muwoli wake ndipo watumsiya, ndipo sono watuŵa muwoli wa munthu munyake, kumbi munthu yo waweriyenge ku munthukazi yo? Kumbi kuti chikazuzgikenge weni ukongwa cha charu cho? Iwe wareŵa ndi mabwezi ghanandi; kumbi ukaweriyanga kwangu? atiti Ambuya.

Yeremiya 3:13

Zomera waka kulakwa kwako, kuti ungugarukiya Ambuya Chiuta wako ndipo unguparghaniya mwaŵi wako mu ŵalendo pa sina pa muti wose uŵisi, ndi kuti ulivi kuvwiya mu mazu ghangu, atiti Ambuya.

Yeremiya 3:21

Mazu ghavwika pa mapiri ghayumu, kuliya ndi kuŵeyere kwa ŵana ŵaku Yisraele, chifukwa ŵananga nthowa yawo, ŵaruwa Ambuya Chiuta wawo.

Yeremiya 3:9

Chifukwa kuchita ureŵi kwaku iyo chenga chinthu chipusu, wangukazuzga charu pakuchita ureŵi ndi mwa ndi muti.

Yeremiya 7:29

Sengani sisi linu ndi mulitaye; soskani chitenje pa mapiri, gha majarawi, pakuti Ambuya akana ndi ajowo mgonezi, mu ukari wawo.’

Ezekiele 16:16

Unguto ghanyake gha maraya ghako, ungutozge nyumba za ŵakavuŵa, mwenimo ndimo wachitiyanga ureŵi; weniwo kuti ukuchitikiyapo cha kalikose, ndipo kuti ukachitikiyangapo so cha.

Ezekiele 20:28

Pakuti po ndinguti ndaŵatore ku charu cho ndinguŵarapiya kuŵapaska, sono iwo po pose ŵanguwona mtunthu wose utali pamwenga muti wose uŵisi ŵanguperekapo sembe zawo penipa, ndikupereka mpasku wawo wakundisosomole; penipa wangukwezga vya fungu lawo lamampha, ndipo penipa wangudira mipasku yawo yakumwa.

Hoseya 2:5

Chifukwa nyinawo wachita ureŵi; yo wanguŵapapa wachita chilengesku. Chifukwa wanguti, ‘Ndirondonge ŵakundanja, wo ŵandipaska vyakurgha vyangu ndi maji ghagu, weya wangu ndi thonji langu, mafuta ghangu ndi chakumwa changu.’

Luka 16:23

Ndipo mu Hadesi wanguti wayinuska maso ghake, pakuŵa mu maurwirwi, wanguwona Abrahamu kutari, ndi Lazaro mu chipakatu chake.

Marangu 12:2

Mutenere kubwanganduwa malo ghose ghenigho mitundu yo mwakuyironda yateŵeti yangamo ŵachiuta ŵawo, pachanya pa mapiri ghatali ndi pachanya pa mapiri ghamana ndi musina mwa muti wose uŵisi.