Yeremiya 3:17 - Tonga Bible 1986

¹⁷ Pa nyengo yo Yerusalemu wakadanikanga chitengo cha Ambuya, ndipo mitundu yose yikawungananga kweniko, paurongo pa Ambuya mu Yerusalemu, ndipo kuti ŵakanonopiyanga kulondo so mtima wawo uheni cha.

Yeremiya 3:17 ပူးပေါင်းရင်းမြစ်များ

Chiyambo 8:21

Ndipo penipo Ambuya angunuska fungu la kukondweska, Ambuya anguti mu mtima wawo, “Kuti ndiwerezgengepo so cha kutemba charu chifukwa cha munthu, chifukwa cha maghanaghano ghaheni ghamu mtima wa munthu kuturiya ku uhurwa wake; ndipo so kuti ndikawerezgangapo cha kumara chinthu chose chamoyo uli ndimo ndachitiya.

1 ŴaKaronga 8:41

“Kwakuyana so ndi mlendo, yo kuti ngwa khamu la ŵanthu ŵinu ŵaYisraele cha, asani watuwa kucharu chakutali chifukwa cha zina linu,

Sumu 102:23

Nthazi yangu afyore munthowa ndenga ndi ndakote; afupikiska mazuŵa ghangu.

Sumu 78:8

Ŵareke kuŵa nge mba uskeu, ŵanthu ŵakupuruka ndi ŵakutwanga, mgonezi wo chigomekezgu chawo kuti chingukho mwaku Chiuta cha, wo kuti ŵangujaririya ŵachivwanu mwaku iyo cha.

Sumu 87:3

Ayivwa, wamsumba waku Chiuta, vinthu vyakuziziswa vyo wakamba paku iwe.

Yesaya 26:8

Mu nthowa ya vyeruzgu vinu, Ambuya, titumulindizgani, zina linu lakukumbukika ndilo linweka la mzimu widu.

Yesaya 56:6

“Ndipo ŵalendo wo ŵatijibatika ŵeneko ku Ambuya, kuŵatataliya, kwanja zina la Ambuya, ndi kuŵa ŵateŵete ŵawo, we yose yo wasunga sabata, ndipo kuti watilikazuzga cha, wakoreska phanganu langu

Yesaya 59:19

Viyo ŵakawopanga zina la Ambuya kutuwa ku zambwe, ndi unkhankhu wake kwamba kukutuliya dazi, pakuti wakazanga nge nkhamsinji ka mweza, ko kadikiskika ndi mphepo ya Ambuya.

Yesaya 6:1

Mu chirimika cho karonga Uziya wangufwiya ndinguwona Ambuya akuja ndeku pa chitengo cha ukaronga, pachanya ndi akukwezgeka, ndipo vivwalo vyawo vinguzaza kasopi.

Yesaya 66:1

Viyo atiti Ambuya: “Kuchanya nchitengo changu charu chapasi ndi mpando wa marwayo ghangu; ndi nyumba uli yo mungandizenge ine, ndipo ndi malo uli gha chipumulu changu?

Yesaya 66:18

“Pakuti ndiziŵa nchitu ndi maghanaghanu ghawo, ndipo ndituza kuzachiwunjika mitundu yose ndi malilime; ndipo ŵakazanga ndi ŵakawonanga unkhankhu wangu,

Yesaya 66:20

Ndipo ŵakazanga ndi ŵabali ŵinu wose kutuwa ku mitundu yose nge ndi mpasku ku Ambuya, pa ŵakavalo, mu magareta, mu machila, pa nyulu, ndi pa ŵagamila, kuza ku phiri langu lakupaturika Yerusalemu, atiti Ambuya, nge ndimo ŵa Yisraele ŵatuziya ndi mpasku wowo wa ufwa mu chiyaŵi chakutowa ku nyumba ya Ambuya.

Yeremiya 11:8

Ndipuuli kuti ŵanguvwiya pamwenga kutegherezga cha; kweni yose wangwenda mu unonono wa mtima wake uheni. Chifukwa cho ndingutole paku wo mazu ghose gha phanganu ili, lenilo ndinguŵalanguliya kulichita, kweni ŵengavi kulichita.”

Yeremiya 12:15

Ndipo nditakuti ndaŵazuwa, ndikaŵanga so ndi chifundu paku iwo, ndipo ndikaŵatolenga so yumoza ndi yumoza ku chihara chake ndi we yose ku charu chake.

Yeremiya 12:16

Ndipo kukaŵanga kuti asani ŵakasambiranga ndi phamphu nthowa za ŵanthu ŵangu, kurapiya ndi zina langu, ‘Achiŵa amoyo Ambuya,’ uli ndimo ŵangusambizgiya ŵanthu ŵangu kurapa paku Bala, po ndipo wakazengekanga mukati mu ŵanthu ŵangu.

Yeremiya 14:21

Rekani kutitaya, chifukwa cha zina linu; rekani kuyuyuwa chitengo chinu cha unkhankhu; kumbukani phanganu linu ndi ifwe, rekani kuliswa.

Yeremiya 16:12

Ndipo chifukwa imwe mwananga kwakuruska auskemwe, pakuti ehe, mose mwandondoloska khumbu linu linonono liheni, mukana kutegherezga kwangu.

Yeremiya 16:19

Ambuya mwe, nthazi yangu ndi linga langu lakukho, nchakudingang'amo changu, muzuŵa la suzgu, kwaku imwe mitundu yikazanga kutuwa ku vigoti vya charu ŵazamunena kuti, “Auskefwe kuti ŵaharapo so kanthu kanyake cha kweni mautesi pe, tunthu twambura ndi kanthu mwaku twenito mulivi kakwanduwamo.

Yeremiya 17:12

Chitengo cha unkhankhu chakujarikika pachanya kutuwa ku mtendeko ndi malo ghidu ghakupaturika.

Yeremiya 18:12

“Kweni iwo ŵatiti, ‘Palivi kanthu! Tikarondonga vyo tighanaghana taŵeni, ndipo we yose wakachitanga nge ndimo mtima wake uheni wangangamikiya.’

Yeremiya 3:19

“ ‘Ndingughanaghana mo ndingakumikiyani mukati mu ŵana ŵangu, ndi kukupaskani charu chakukondweska, chiŵe chihara chakutowa kwakuruska cha mitundu yose. Ndipo ndingughanaghana kuti mukandidananga, Ada, ndi kuti mukarekanga cha kundilondo.

Yeremiya 31:23

Viyo atiti Ambuya ŵa maŵanja, Chiuta waku Yisraele: “Ŵazamuwerezgapo so kukamba mazu yagha mu charu chaku Yuda ndi mu mizi yake, po ndikaŵawezgiyanga umampha: ‘Ambuya akutumbike wa nyumba yirunji, Wa phiri lakupaturika!’

Yeremiya 33:9

Ndipo msumba uwu ukaŵanga kwaku ine zina la chimwemwe rumbu ndi unkhankhu paurongo pa mitundu yose ya charu chapasi yeniyo yikavwanga vya umampha wose weniwo ndikaŵachitiyanga iwo; ŵakawopanga ndi kunjenjeme chifukwa cha umampha wose ndi kusakata kose kweniko ndituwupaska.

Yeremiya 4:2

ndipo asani mukarapanga, ‘Mo ŵajaliya Ambuya ŵamoyo,’ mu uneneska, mu urunji, ndi mu kunyoroka, sono ndipo mitundu yikatumbikikiyanga mwaku imwe, ndipo mwaku imwe yikatumbwiyanga.”

Yeremiya 7:24

Kweni kuti ŵanguchita vyo ndinguŵalanguliya pamwenga kundivwiya cha, ŵangwenda mu vipangu vya ŵeneko ndi mu unonono wa mitima yawo yiheni, ndipo ŵanguwere vuli, kuti ŵanguya kunthazi cha.

Yeremiya 9:14

kweni ŵangangamika kurondo mitima yawo; ndipo ŵandondoloska ŵaBala, nge ndimo anguŵarunguchizgiya auskeu.

Ezekiele 1:26

Ndipo pachanya pa mtambo wapa mitu yawo penga chikozgu cha chitengo, cha kawonekedu ulaka ndi mwa wa satire; ndipo wakuja pachanya pa chikozgu cha chitengo cho wangukozgana ulaka ndi munthu.

Ezekiele 43:7

wakuti, “Mwana wa munthu, yagha ndigho malo gha chitengo changu ndi gha chitambaliro cha marundi ghangu, mwenimo nkhajanga mukati mu ŵaYisraele muyaya. Ndipo ŵaYisraele kuti ŵakafipiskanga so zina langu lituŵa cha, iwo, nanga ndi mafumu ghawo, chifukwa cha maubendezi ghawo, ndipo ndi viŵanda vya ŵakaronga ŵawo,

Ezekiele 48:35

Kupima msumba wose zingirizgi ukaŵanga mikono vikwi chumi ndi vinkhonde ndi vitatu, (18,000), ndipo zina la msumba kutuwa zuŵa lino mpaka ku muyaya likaŵanga, Ambuya ŵe mwenimuwa.”

Zekariya 2:11

Ndipo mitundu yinandi yiwunganenge kwa Ambuya mu zuŵa lo, ndipo ŵakaŵanga ŵanthu ŵangu; Ine ndijenge mukati mwako, ndipo uziŵenge kuti Ambuya ŵa maŵanja andituma kwako.

Zekariya 8:8

ndizenge nawo ndipo ŵajenge mukati mu Yerusalemu; ŵaŵenge ŵanthu ŵangu, Ine ndiŵenge Chiuta wawo, mu uneneska ndi mu urunji.”

Maŵerengedu 15:39

mphonje yikakukumbuskaninga marangu ghose gha Ambuya, kuti mughavwe pa mukayidaŵiranga, mureke kupenja vyamu mtima ndi vyamu maso ghinu, vyo mwaziŵiriya kuvirondo ndi kuzerezeka navyo.

ŴaRoma 1:21

Chifukwa pakumziŵa Chiuta ŵengavi kumkankhuska uli ndi Chiuta, chingana nkhuti ŵangumwonga cha; kweni ŵangupusa mu maghana-ghanu ghawo ndi mtima wawo wauzereza ungufipiskika,

ŴaRoma 6:14

Chifukwa kuti ulakwi utufuliyenge paku imwe cha: chifukwa kuti mwe pasi pa chilangulu cha, kweni pasi pa wezi.

ŴaGalatia 4:26

Kweni Yerusalemu wakuchanya ngwanangwa, ndipo ndiyo nyinafwe.

Marangu 29:29

“Vinthu vyaku ubende vya Ambuya Chiuta widu; kweni vinthu vyo vyavumbulika vidu ndi vya ŵana ŵidu muyaya, aling kuti tichitenge mazu ghose gha dangu ili.

Ŵeruzgi 2:19

Kweni penipo pose wangufwa mweruzgi yo, iwo ŵanguwere vuli, ŵangutimbanizga kujumpha pa auskeu kundondoloska ŵachiuta ŵanyake, kuŵatataliya, ndi kuŵalambiya; ŵengavi kutaya pasi nanga nchimoza cha vyakuchita vyawo pamwenga nthowa zawo zinonono.