Yeremiya 3:13 - Tonga Bible 1986

¹³ Zomera waka kulakwa kwako, kuti ungugarukiya Ambuya Chiuta wako ndipo unguparghaniya mwaŵi wako mu ŵalendo pa sina pa muti wose uŵisi, ndi kuti ulivi kuvwiya mu mazu ghangu, atiti Ambuya.

Yeremiya 3:13 ပူးပေါင်းရင်းမြစ်များ

Nehemiya 9:2

Ndipo ŵaYisraele ŵangujipatuwako ku ŵalendo wose, ndipo ŵanguma kuzomera maulakwi ghawo ndi maubudi gha auskeu.

Nthanthi 28:13

Mweniyo wabisa mautimbanizi ghake kuti wakasakatanga cha, kweni mweniyo wazomera ndi kughareka wakarondiyanga lisungu.

Yesaya 57:5

imwe mukore ndi malikhumbira mukati mu miti musina mu muti wose uŵisi; imwe mubaya ŵana ŵinu mu madambo, kusi ku malijengwajengwa gha majarawe?

Yeremiya 14:10

Viyo atiti Ambuya ghapa ŵanthu yaŵa: “Ŵanja kuyingayinga kwa viyo, ŵalivi kukanizga marundi ghawo; chifukwa cho Ambuya kuti ŵati ŵaronde cha. Sono ŵakakumbukanga mautimbanizi ghawo, ndi kulanga mauheni ghawo.”

Yeremiya 14:20

Tizomera maulakwi ghidu, Ambuya mwe, ndi uheni wa auskefwe pakuti takulakwiyani imwe.

Yeremiya 2:20

“Pakuti ndikale ukongwa mungufyo gori linu ndipo munguphwatuwa vimangiro vinu, ndipo munguti, ‘Kuti nditataliyenge cha!’ Inya, pa phiri lose litali ndi msina muti wose uŵisi mungujikaniya nge ndi munthukazi mureŵi.

Yeremiya 2:25

Kanizga maphazi ghako kuŵa ghambura skapato ndi chigolomelo chinu chambura nyota cha. Kweni imwe munguti, ‘Palivi kakulindizga, pakuti ndanja ŵalendo, ndirutenge kuŵalondo.’

Yeremiya 3:2

Yinuskiyani maso ghinu ku mapiri gha majarawi ndipo wonani ndinampha po ŵalivi kugonapo namwe? Mumphepeti mwa zinthowa waja kulindizga mabwezi nge ndi munasara mu bozwa. Mwakazuzga charu ndi uheni wa ureŵi winu.

Yeremiya 3:25

Tiyeni tigone pasi mu kulengeskeka kwidu, ndipo kujiyuyuwa kwidu kutivimbe; pakuti talakwiya Ambuya Chiuta widu, ifwe pamoza ndi auskefwe kutuwa ku uhurwa widu inya mpaka msana wale; ndipo tilive kuvwiya mazu gha Ambuya Chiuta widu.”

Yeremiya 3:6

Ambuya anguti kwaku ine, mu mazuŵa ghaku Josiya: “Kumbi wawona chenicho wanguchita Yisraele, wambura magomekezgeka, mwenimo wangukwere pa mapiri ghose ghatali, mo wangujariya pasi musina mu muti wose uŵisi, ndi mwenimu wanguchita ureŵi?

Yeremiya 7:24

Kweni kuti ŵanguchita vyo ndinguŵalanguliya pamwenga kundivwiya cha, ŵangwenda mu vipangu vya ŵeneko ndi mu unonono wa mitima yawo yiheni, ndipo ŵanguwere vuli, kuti ŵanguya kunthazi cha.

Yeremiya 7:26

kweni kuti ŵangutegherezga, pamwenga kundivwa cha, ŵangunonopeska mitima yawo. Wangunanga kurutizga pa auskeu.

Ezekiele 16:15

“Kweni iwe ungugomekezga mu utozi wako, chifukwa cha mbiri yako unguchita ureŵi, ungujipereka ku maureŵi ghako ndi munthu we yose yo wangujumphapo.

Hoseya 5:15

Ndiwerenge so ku malo ghangu, mpaka ŵazomere kwananga kwawo, ndipo ŵapenge chisku changu. Ndipo mu suzgu yawo ŵatindipenja, ŵatiti,

Marangu 12:2

Mutenere kubwanganduwa malo ghose ghenigho mitundu yo mwakuyironda yateŵeti yangamo ŵachiuta ŵawo, pachanya pa mapiri ghatali ndi pachanya pa mapiri ghamana ndi musina mwa muti wose uŵisi.