Yeremiya 27:9 - Tonga Bible 1986

⁹ Viyo rekani kutegherezga ku nchimi zinu, ŵavyanusi ŵinu, ŵakulota ŵinu, wakombeza ŵinu, pamwenga ŵakuwukwa ŵinu, ŵeniwo ŵatimuneniyani, ‘Kuti mukateŵetiyanga karonga wa Babiloni cha.’

Yeremiya 27:9 ပူးပေါင်းရင်းမြစ်များ

Chituwa 22:18

“Mungazomerezganga chanusi kuŵa wamoyo cha.

Chituwa 7:11

Sono Farao wangudana ŵazeru ndi ŵavyanusi, ndipo so, ŵakuwukwa ŵaEgipiti ŵanguchita kwakukozgana ndi mayera ghawo.

Nthanthi 19:27

Reka, wa mwana wangu, kuvwa kusambizga kweniko kutukupatuwako ku mazu gha zeru.

Yesaya 8:19

Ndipo ŵachikamba kwaku iwe, “Fumba ku ŵamaula ndi ŵakombeza wo ŵajumajuma ndi kubwebweta,” kumbi ŵanthu kuti ŵatenere kufumba Chiuta wawo cha? Kumbi nchakwenere kufumba ŵakufwa mu malo mwa ŵamoyo?

Yeremiya 14:14

Ndipo Ambuya anguti kwaku ine: “Ŵamchimi ŵachima mautesi mu zina langu: ine kuti ndinguŵatuma, chingana nkhuti ndinguŵalanguliya cha, nanga nkhurongoronawo cha. Ŵachima kwaku imwe viwona vya utesi, ŵabwebweta waka, ndi kupisika kwa mu mitima yawo.

Yeremiya 23:16

Viyo atiti Ambuya ŵa maŵanja, “Rekani kutegherezga ku mazu gha ŵamchimi ŵeniwo ŵatimuchimiyani, ŵatukuzazani ndi vyakugomezga vyambura kanthu: ŵakamba viwona vya maghanughanu ghawo, kuti vyakutuwa ku mlomo wa Ambuya cha.

Yeremiya 23:25

Ndavwa vyo ŵakamba ŵamchimi wo ŵachima mautesi mu zina langu, ŵatiti, ‘Ndalota, ndalota!’

Yeremiya 23:32

Inya, ndimikana ndi wo ŵachima maloto ghatesi, atiti Ambuya, ndi ŵeniwo ŵati ŵanene ndi kuŵarongozge ŵanthu ŵangu kwaŵaka ndi mautesi ghawo ndi mphwayi zawo, penipo ine kuti ndinguŵatuma, chingana nkhuŵalanguliya cha; viyo kuti ŵatiŵanduliya ndi keni kamoza ŵanthu yaŵa cha, atiti Ambuya.

Yeremiya 29:8

Pakuti atiti viyo Ambuya ŵa maŵanja, Chiuta waku Yisraele: Mungaŵazomerezanga nga cha ŵamchimi ndi ŵakombeza ŵinu wo ŵe mukati mwinu kukupusikani imwe; ndipo mungategherezganga ku maloto gho ŵalota cha,

Ezekiele 21:29

Penipo ŵawone iwe viwona vya utesi, po ŵatikuwombeze mawula gha utesi kuŵikika pa makhosi gha ŵakufipiskika ŵaheni, wo zuŵa lawo lafika, nyengo yakulangika kwawo kwakumariya.

Danyele 4:7

Viyo ŵaukwi, ŵakombeza, ŵaKaldiya, ndi ŵaziŵi nyenyezi ŵangusere; ndipo ndinguŵanene loto, kweni kuti ŵanguziŵa kundiziŵiska cha kang'anamuridu kake.

Mika 3:7

Ŵawoni ŵazamuchita soni, ndi ŵakuloska nawo ŵazamuchita soni; wose ŵakajaranga milomo yawo, chifukwa kulivi kwamuka kuturiya kwaku Chiuta.

Zekariya 10:2

Pakuti ŵangoza ŵakamba vyawaka, ndi ŵamawula ŵawona utesi; ndi ŵakulota ŵakamba maloto gha utesi, ndi kusangaruska ŵaka. Chifukwa ichi ŵanthu ŵayinga-yinga ŵaka nge ndi mberere; ŵasuzgika chifukwa ŵalivi muliska.

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.

Machitidu gha Ŵakutumika 8:11

Ndipo ŵangumphwere iyo, chifukwa nyengo yitali waŵatondweskanga ndi mayera ghake.

ŴaEfeso 5:6

Wangamfuvyani cha munthu yumoza ndi mazu ghaŵaka: pakuti chifukwa chaku vyenivi katuziya kandundu kaku Chiuta pa ŵana ŵa mtafu.

Marangu 13:2

Ndipo chizindikilo pamwenga chakuziziswa cho watumumukambiyani chituwaku, ndipo asani watiti, ‘Tiyeni tirondo ŵachiuta ŵanyake wo’, kuti mwaŵaziŵa kali cha, ndipo watiti, ‘Tiyeni tiŵateŵete,’

Marangu 18:14

Pakuti iyi mitundu, yeniyo mwe pafupi kwachiwakwamphuwa, yiphwere ŵakombeza ndi ŵa vyanusi; kweni kwaku imwe Ambuya Chiuta winu walivi kumuzomerezgani kuchita viyo.

Yoswa 13:22

Balamu nayo, mwana waku Beori muukwi; ŵangumubaya ndi lipanga ŵaYisraele pamoza ndi ŵakubayika ŵanyake.

Chivumbuzi 18:23

ndipo kungweruka kwa limbuni kuti kukaŵalanga mwako cha; mazu gha mweni-nthengwa chingana nga mwali-nthengwa kuti ghakavwikanga mwako naku cha pe; pakuti ŵamaronda ŵako ŵenga ŵanthu ŵakuvwika ŵa panupasi, ndipo ndi nyanga yako yingurandizgika mitundu yose.

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”

Chivumbuzi 22:15

Kubwaro kwe ŵagaru, ndi vyanusi, ndi ŵareŵi, ndi ŵambanda, ndi ŵakusopa-ngoza, ndi yose wakwanja ndi wakuchita utesi.

Chivumbuzi 9:21

ndipo kuti ŵangubezga cha ku maumbanda chingana nkhu vyanusi, chingana nkhu ureŵi, chingana nkhu maunkhungu ghawo.