Yeremiya 27:8 - Tonga Bible 1986

⁸ “ ‘ “Kweni asani mtundu we wose, pamwenga ufumu, ukarekanga kutataliya Nebukadanezara, karonga wa Babiloni, ndi kureka kuŵika khosi lake mu gori la karonga wa Babiloni; ine ndikawulanganga mtundu wo ndi lipanga, ndi chilala, ndi chideru, mpaka penipo ndawumara ndi janja lake, atiti Ambuya.

Yeremiya 27:8 ပူးပေါင်းရင်းမြစ်များ

Yeremiya 24:10

Ndipo ndikatumanga lipanga, chilala, ndi chideru paku wo, mpaka ŵakamaranga tetete mu charu chenicho ndinguŵapaska iwo ndi auskeu.”

Yeremiya 25:9

ehe, ndikadananga mitundu yose yaku nkhonde atiti Ambuya, ndi Nebukadanezara karonga wa Babiloni, mteŵeti wangu, ndikaŵatoliyanga kuzachilimbana ndi charu ichi ndi ŵakujamo ŵake, kulimbana ndi mitundu yose iyi yakuchizingiriya. Ndikaŵamaranga tetete ndi kuŵachita chakofya, cha kusekeka, ndi chakuyeyeka muyaya.

Yeremiya 27:11

Kweni mtundu we wose weniwo ukaŵikanga khose lake mu gori la karonga wa Babiloni ndi kumutataliya, ndikawusiyanga pa charu chake, kulima, ndi kuja mwenimo, atiti Ambuya.” ’ ”

Yeremiya 27:13

Chifukwa chine kuti iwe ndi ŵanthu ŵako mubayike ndi lipanga, chilala, ndi chideru nge ndimo Ambuya akukambiya pa mtundu wose wo ukalekanga kutataliya karonga wa Babiloni?

Yeremiya 28:14

Pakuti atiti viyo Ambuya ŵa maŵanja, Chiuta waku Yisraele: Ine ndaŵika pakhosi la mitundu iyi yose gori la chisulo la uŵanda kwaku Nebukadanezara karonga wa Babiloni, ndipo ŵakamutataliyanga; ndamupaska so ndivinyama vya mu dondo.’ ”

Yeremiya 28:4

Ndikawezgiyanga so Yekoniya mwana waku Yehoyakimu, karonga waku Yuda, ku malo yagha ndi ŵamikoli wose ŵakutuwa mwaku Yuda wo ŵanguruta ku Babiloni atiti Ambuya, pakuti ndikafyonga gori la karonga wa Babiloni.”

Yeremiya 29:17

‘Viyo atiti Ambuya ŵa maŵanja, Ehe, ndituma paku wo lipanga, chilala, ndi chideru, ndipo ndikaŵachitanga kuŵa nge ndi nkhuyu ziheni, ziheni nadi zambura kurghika.

Yeremiya 29:18

Ndikaŵandondoloskanga ndi lipanga, chilala ndi chideru, ndipo ndikaŵawoneskanga nge nchakunyozeka mu maso mwa maufumu ghose gha charu chapasi, kuwa chakutembeka, chakofya, chakuyeyeka, ndi chakusekeka mu mitundu yose mwaku yo ndikuŵadikiskiyamo,

Yeremiya 40:9

Gedaliya mwana waku Ahikamu, mwana waku Shafani wangurapa kwaku wo ndi ŵanthu ŵawo, wakuti, “Mungopanga cha kutataliya ŵaKaldiya. Janinga mu charu, tataliyani karonga wa Babiloni, ndipo kukamuŵiyaninga umampha.

Ezekiele 14:21

“Pakuti viyo atiti Ambuya Chiuta: Kuŵenge uli ukongwako asani ndituma vyeruzgu vyangu vinayi pa Yerusalemu lipanga, chailala, vikoko viheni, ndi chideru, kudumuwamo munthu ndi chakuŵeta!