Yeremiya 27:6 - Tonga Bible 1986

⁶ Sono ndapaska vyaru vyose ivi mu janja laku Nebukadanezara, karonga wa Babiloni, mteŵeti wangu, ndipo ndamupaska so vinyama vya mudondo kumutataliya.

Yeremiya 27:6 ပူးပေါင်းရင်းမြစ်များ

2 ŴaKaronga 25:28

wakambanga nayo kwaulemu ndipo wangumupaska chitengo cha pachanya pa vitengo vya ŵakaronga wo ŵenga nayo pamoza mu Babiloni.

2 Mikoka 36:23

“Ndimo wakambiya Sirusi karonga waku Perese, ‘Ŵakaronga wose ŵamu charu chapasi ŵandipaska Ambuya Chiuta wakuchanya: ndipo wandinene kuti ndimange nyumba mu Yerusalemu, mwaku Yuda. Yose yo we mukati mwinu wa ŵanthu ŵake wose, Ambuya Chiuta wake waŵenge nayo, warutenge.’ ”

Yesaya 44:28

mweniyo watiti gha paku Sirusi. ‘Ndi mliska wangu, ndipo wakafiskanga chose cho ndikhumba’; watiti gha paku Yerusalemu, ‘Wakazengekanga,’ ndi gha nyumba yakupaturika, ‘Chiŵanji chako chikamikikanga.’ ”

Yeremiya 21:7

Pavuli atiti Ambuya, ndikaperekanga Zedekiya karonga waku Yuda, ndi ŵateŵeti ŵake, ndi ŵanthu ŵamu msumba uwu wo ŵakapozomokanga ku chideru, lipanga ndichilala, mu janja laku Nebukadanezara karonga wa Babiloni, ndi mu janja la ŵakupindikana ŵawo, mu janja laku wo ŵapenja kuŵabaya. Ŵakaŵakosonga ndi lipanga; kuti wakaŵafwiyanga lisungu, pamwenga kuŵareka, pamwenga kuŵa ndi chitima cha.’

Yeremiya 22:25

ndi kukupereka mu janja laku wo ŵapenja kukubaya, ndikakuperekanga mu janja laku wo utopa, ndi mu janja laku Nebukadanezara karonga wa Babiloni ndi mu janja la ŵaKaldiya.

Yeremiya 24:1

Pavuli Nebukadanezara karonga wa Babiloni wanguti wato, Yekoniya mwanawaku Yehoyakimu karonga waku Yuda, mu Yerusalemu pamoza ndi ŵanangwa ŵaku Yuda, ŵamisiri ndi ŵakusura, kuza nawo ku Babiloni, Ambuya angundiwoneska chiwona ichi: Awonani, sokora ziŵi zingujarikika paurongo pa kasopi wa Ambuya.

Yeremiya 25:9

ehe, ndikadananga mitundu yose yaku nkhonde atiti Ambuya, ndi Nebukadanezara karonga wa Babiloni, mteŵeti wangu, ndikaŵatoliyanga kuzachilimbana ndi charu ichi ndi ŵakujamo ŵake, kulimbana ndi mitundu yose iyi yakuchizingiriya. Ndikaŵamaranga tetete ndi kuŵachita chakofya, cha kusekeka, ndi chakuyeyeka muyaya.

Yeremiya 28:14

Pakuti atiti viyo Ambuya ŵa maŵanja, Chiuta waku Yisraele: Ine ndaŵika pakhosi la mitundu iyi yose gori la chisulo la uŵanda kwaku Nebukadanezara karonga wa Babiloni, ndipo ŵakamutataliyanga; ndamupaska so ndivinyama vya mu dondo.’ ”

Yeremiya 43:10

ndipo ukanene kwaku wo, ‘Viyo atiti Ambuya ŵa maŵanja, Chiuta waku Yisraele: Ehe, ndikatumanga ndi kuto Nebukadanezara karonga wa Babiloni, mteŵeti wangu, ndipo wazamumika chitengo chake pachanya pa mya iyi yeniyo ndabisa, ndipo wazamtandika saru yake ya ukaronga pachanya pake.

Yeremiya 49:30

Thaŵani, kayingeni kutali, kajeni mu zindimba, mwa ŵakuja mu Hazoro imwe! atiti Ambuya. Pakuti Nebukadanezara karonga wa Babiloni walongoso chakuchita ndi imwe; ndipo wanozga fundu paku imwe.

Ezekiele 29:12

Ndipo ndikachitiskanga charu cha Egipiti phasulu mukati mu vyaru vya phasulu; ndi mizi yake yikaŵanga mapopa mukati mu mizi ya mapopa kwa virimika machumi ghanayi, ndimbininiskiyenge ŵaEgipiti mukati mu mitundu, ndikuŵaparghang'iya mukati mu vyaru.

Ezekiele 30:24

Ndikalimbiskanga manja gha karonga waku Babiloni, ndiŵikenge lipanga langu mu janja lake; kweni manja ghaku Farao ndikafyonga, ndipo wakatamanthanga nge ndi munthu yo walasika kwa nyifwa.

Danyele 4:12

Mani ghake ghenga ghamampha ndi vipasi vyake vyenga vinandi, ndipo mwaku cho mwenga chakurgha chaku wose. Nyama zamu dondo zingusaniya mduzi musi mwake, ndi viyuni vya mude vyajanga mu mphanda zake, ndipo nyama yose yinguleleka mwaku cho.

Danyele 4:22

ndimwe, karonga, mwakuwa ndi mwaŵa wanthazi. Ukuru winu wakuwa kufika kuchanya, ndi muwusu winu wafika ku mpherekezgu za charu chose chapasi.’