Yeremiya 27:18 - Tonga Bible 1986

¹⁸ Asani iwo mbamchimi, ndipo asani mazu gha Ambuya ghemwaku iwo, rekani ŵaŵeyere Ambuya ŵa maŵanja, kut viyaŵi vyo vikujamo mu nyumba ya Ambuya, mu nyumba ya karonga waku Yuda, ndi mu Yerusalemu vireke kutoreke ku Babiloni.

Yeremiya 27:18 ပူးပေါင်းရင်းမြစ်များ

Chiyambo 20:17

Sono Abrahamu wanguromba kwaku Chiuta, ndipo Chiuta wanguchizga Abimeleke, ndipo wanguchizga so muwoli wake ndi ŵaŵanda ŵanthukazi viyo kuti wangupapa ŵana.

1 ŴaKaronga 18:24

Ndipo mudane pa zina laku chiuta winu, ine ndikadananga pa zina la Ambuya, ndipo Chiuta yo wamukenge ndi moto, ndiyo ndi Chiuta.” Ndipo ŵanthu wose ŵangwamuka kuti, “Ghakambika umampha.”

1 ŴaKaronga 18:26

Ndipo ŵanguto nkhuzi yo ŵangupaskika ŵanguyirongoso, ndi ŵangudana pa zina laku Bala kwamba ndi mlenji mpaka msana pakati, “Bala we, utamuke!” Kweni pengavi mazu, ndipo pengavi yo wangwamuka. Ndipo ŵanguganthiyaganthiya pa chiguŵa cha sembe cho ŵanguchita.

2 Mikoka 32:20

Pa chifukwa ichi karonga Hezekiya ndi mchimi Yesaya mwana waku Amozi ŵanguromba ndi kuririya kuchanya.

Yeremiya 15:1

Sono Ambuya anguti, kwaku ine, “Chingana Mosese ndi Samuele ŵanguma paurongo pangu, kweni ndipuuli mtima wangu kuti watinge ung'anamukiyenge ku ŵanthu yaŵa cha. Ŵatuzgeko ku maso ghangu, ŵarutenge!

Yeremiya 18:20

Kumbi uheni ndi mphoto ya umampha? Kweni iwo ŵakumbiya mbuna umoyo wangu. Kumbukani mo ndingumiya paurongo pinu kuŵakambiya umampha iwo, kutuzgako ukari winu kwaku iwo.

Yeremiya 42:2

ndi ŵanguti kwaku Yeremiya mchimi, “Zomerezga kuŵeyere kwidu kuvwike paurongo pako, ndipo utirombe ku Ambuya Chiuta wako, pa ŵakujapo yaŵa wose (pakuti nge ndimo utitiwone tajapo ŵamanavi chingana kali tinguŵa ŵanandi),

Yeremiya 7:16

“Iwe ungaŵarombiyanga cha yaŵa ŵanthu, pamwenga kukwezga kuliya pamwenga rombu chifukwa chawo, ndipo ungandiŵerenga cha, pakuti nditukuvwa cha.

Ezekiele 14:14

inya, chingana yaŵa ŵanthu ŵatatu. Nowa, Danyele, ndi Jobu ŵenga mwenimo ŵatine ŵataskenge maumoyo ghaku iwo ŵeneko pe kwakulingana ndi urunji wawo, atiti Ambuya Chiuta.

Ezekiele 22:30

Ndipo ndingupenjapenja munthu mukati mwawo yo wangwenere kuzenga linga ndi kuma mwakupasuka paurongo pangu chifukwa cha charu, mwakuti ndireke kuchipasuwa; kweni ndengavi kumusaniya.

Malaki 1:9

“Ndipo sono ŵeyeriyani ulemu waku Chiuta mwakuti waŵe nafwe ndi lisungu. Kumbi walongonge lisungu kwaku we yose waku imwe yo wapereka cha wanangwa chaviyo? Atiti Ambuya ŵa maŵanja.

1 Samuele 12:19

Sono ŵanthu ŵangunena ndi Samuele, “Tirombe taŵateŵeti ŵako ku Ambuya Chiuta wako, kuti tireke kufwa; pakuti tasazgiyako uheni uwu nawo ku mauheni ghidu ghanandi, pakujipemphe karonga.”

1 Samuele 12:23

Ndipo nge nkhwaku ine, chindiŵiyi kutali kuti ndi lakwi kumikana ndi Ambuya pa kureka ku murombiyani; ndipo ndimusambizgeninge nthowa yamampha ndi yakurunjika.

1 Samuele 7:8

Ndipo ŵangunena ndi Samuele, “Rekani kurekezga kuliya ifwe ku Ambuya Chiuta widu, kuti watipozomoske ku ŵaFilisti.”