Yeremiya 26:6 - Tonga Bible 1986

⁶ iku sono ndikayichitanga nyumba iyi kuŵa nge ndi Shilo; ndi ndikauchitanga msumba uwu kuŵa thembo ku mitundu yose ya charu chapasi.’ ”

Yeremiya 26:6 ပူးပေါင်းရင်းမြစ်များ

2 ŴaKaronga 22:19

chifukwa mtima wako wenga wakuzomera, ungujiyuyuwa paurongo pa Ambuya, unguti wavwa mo ndingukambiya kumikana ndi malo yagha, ndi kumikana ndi ŵakujamo mwaku gho, kuti ŵakaŵanga mapopa ndi thembu ndipo iwe unguparuwa vivwaro vyako ndipo unguliya paurongo pangu, Ine nane ndakuvwa, atiti Ambuya.

Yesaya 43:28

Chifukwa chenichi ndikuŵanangiska ŵara ŵa malo ghakupaturika, ndingumupereka Yakobe ku wanangi ku ukuru ndi Yisraele kukunyozeka.

Yesaya 65:15

Mukajowolenga zina linu kuti litembeke ndi ŵakusankhika ŵangu, ndipo Ambuya Chiuta akuperekaninga ku nyifwa; kweni ŵateŵeti ŵake wakaŵadananga zina linyake.

Yeremiya 24:9

Ndikaŵachitanga kuŵa chakofya ku maufumu ghose gha charu chapasi, kuŵa chakusekeka, chakukambika, kawerere, ndi chakutembeka mu malo ghose ghenigho ndikaŵadikiskiyangako.

Yeremiya 25:18

Yerusalemu ndi mizi yose yaku Yuda; ŵakaronga ŵake ndi mafumu ghake, kuŵasanduska phasulu ndi chakunyozeka, chakusekeka ndi chakutembeka, nge ndimo ŵaliri zuŵa lino.

Yeremiya 29:18

Ndikaŵandondoloskanga ndi lipanga, chilala ndi chideru, ndipo ndikaŵawoneskanga nge nchakunyozeka mu maso mwa maufumu ghose gha charu chapasi, kuwa chakutembeka, chakofya, chakuyeyeka, ndi chakusekeka mu mitundu yose mwaku yo ndikuŵadikiskiyamo,

Yeremiya 29:22

Chifukwa chawo thembo ili likazanga pa ŵamikoli wose ŵakutuwa ku Yuda mu Babiloni, “Ambuya ŵakuchiteni kuŵa nge ndi Zedekiya ndi Ahabu, ŵeniwo karonga wa Babiloni wangocha pa moto.”

Yeremiya 42:18

“Viyo atiti Ambuya ŵa maŵanja, Chiuta waku Yisraele: Mwenimo kukwiya kwangu ndi ukari wangu vingupungulikiya pa ŵakuja mu Yerusalemu, viyo ndimu ukari wangu ukapungulikiyanga paku imwe asani mutiya ku Egipiti. Mukaŵanga kawerere, chakofya, thembo chakunyozeka. Kuti mughawonenge so cha malo yagha.

Yeremiya 44:22

Ambuya kuti anguziŵa cha kukiyakiya, kukunthiyapo machitidu ghinu ghaheni, ndi maukazuzi gho munguchita; chifukwa cho charu chinu chaŵa mapopa ndi phasulu, ndi thembo, mwambura wakujamo, ndimo chiliri msana wale.

Chitenje 2:15

Wose ŵakwenda mu nthowa ŵatumba manja paku iwe; ŵajuma ndi kupukung'a mitu yawo, pa msumba wa Yerusalemu; “Kumbi uwu ndi msumba weniwo wadanikanga kutowa kwakufikapo, kukondwa kwa charu chose chapasi?”

Chitenje 2:16

Ŵakupindikana ŵako wose ŵakuyukiya, ŵajuma ŵake kechuwa minyu ghawo, ŵabangula: “Tamubwanganduwa! Oho, zuŵa ili ndilo tanwekanga; sono te nalo; titiliwona!”

Danyele 9:11

Yisraele yose wajumpha dangu linu ndi wapatukako kwaku imwe, wakana kuvwiya mazu ghinu. Thembo, ndi rapu vyo vikurembeka mu dangu laku Mosese muteŵeti waku Chiuta vyapungulikiya paku ifwe.

Zekariya 5:3

Ndipo wanguti kwaku ine, “Ili ndi thembo lakutuwiya pa chisku cha charu chose chapasi, chifukwa yose yo watuba wakadumulikanga, kwamba sono kwakuyana ndilo, ndipo yose yo warapa utesi wakadumulikangako sono kwakuyana ndilo.

Malaki 4:6

ndipo iyo wazamung'anamuwa mitima ya auskeu ku ŵana, ndi mitima ya ŵana ku auskeu, vinu ndingaza ndi kupuma charu ndi thembo.”

Yoswa 18:1

Sono mpingu wose wa ŵaYisraele unguwungana pa Shilo, ndipo ŵangumika hema lakuwunganamo; charu chinguthereskeka paurongo pawo.