Yeremiya 26:18 - Tonga Bible 1986

¹⁸ “Mika waku Moreshete wanguchima mu mazuŵa ghaku Hezekiya karonga waku Yuda, ndipo wanguti ku ŵanthu wose ŵaYuda, ‘Viyo atiti Ambuya ŵa maŵanja, Zioni wakalimikanga nge ndi munda; Yerusalemu wakasandukanga chimbumira cha vyakunangika, ndipo phiri la nyumba likaŵanga nge ndi malo gha pachanya gha dondo.’

Yeremiya 26:18 ပူးပေါင်းရင်းမြစ်များ

2 ŴaKaronga 19:25

“Kumbi wenga undavwe kuti ndikuchichita kale ukongwa? Ndikulongoso mu mazuŵa gha mwaka chenicho sono ndifiska kuŵako kuti muyisanduskenge misumba ya malinga kuŵa viza vya phasulu,

2 Mikoka 32:26

Kweni Hezekiya wanguti wajithereska, iyo ndi ŵamu Yerusalemu kandundu kaku chiuta kangureka mu mazuŵa ghose ghaku Hezekiya.

Nehemiya 4:2

Ndipo wanguti paurongo pa ŵabali ŵake ndi paurongo pa liŵanja la nkhondo la Samaria, “Ŵachitanji yaŵa ŵaYuda ŵakutomboloka? Kumbi ŵakawerezgiyangamo vinthu? Kumbi ŵakaperekanga mpasku? Kumbi ŵakamalanga kuchita pa zuŵa limoza? Kumbi ŵakawunjikanga so mya kuyituzga mu zindundu za kuviza, ndi yo yikufya mwenimo?”

Sumu 79:1

A Chiuta, ŵamitundu ŵazinga ŵanthu ŵinu mu charu! Ŵakazuzga nyumba yinu yakupaturika, ŵapasuwa Yerusalemu.

Yeremiya 17:3

pa mapiri gha pa charu chikweru. Usambasi winu ndi mbiku zinu zose ndikaperekanga kukuskoŵeka, nge ndi mtengo wa uheni winu mu chigaŵa cha charu chinu chose.

Yeremiya 51:37

Babiloni wakaŵanga vimbumira vya phasulu, mwakuja ŵakambwe, chakofya, ndi chakusekeka mwambura munthu wakujamo.

Yeremiya 9:11

Ndikachitanga Yerusalemu ndundu, ya vyakunangika, mphanji mwakugona ŵakambwe; ndipo ndikayichitanga mizi yaku Yuda kuŵa mapopa, yambura ŵakujamo.”

Mika 1:1

Mazu gha Ambuya gho ghanguza kwaku Mika waku Moresete mu mazuŵa ghaku Yotamu, Ahazi, ndi Hezekiya, ŵakaronga ŵaku Yuda; ndivyo wanguwona kunena vya Samaria ndi Yerusalemu.

Mika 3:12

Viyo chifukwa chaku imwe Zioni wakalimikanga nge ndi munda; Yerusalemu wakaŵanga ndundu ya vyakupasuka, ndi phiri la nyumba nge ndi miti yitali mulisuwa.

Mika 4:1

Mu mazuŵa ghakumariya phiri la nyumba ya Ambuya likamikikanga kuŵa litali kuruska mapiri ghose, ndipo likatumphuliskikanga kuŵa litali kuruska mapiri ghose; ndipo ŵanthu ŵamundonde kwaku lo,

Zekariya 8:3

Viyo atiti Ambuya: Ndawere ku Zioni ndipo ndijenge mukati mu Yerusalemu, ndipo Yerusalemu wakadanikanga msumba wamagomekezgeka, phiri la Ambuya ŵa maŵanja, phiri lakupaturika.