Yeremiya 26:16 - Tonga Bible 1986

¹⁶ Sono ŵaraŵara ndi ŵanthu wose ŵanguti ku ŵazukuru ndi ŵamchimi, “Uyu munthu kuti watenere chilangu cha nyifwa cha, pakuti warongorore mu zina la Ambuya Chiuta wide kwakuifwe.”

Yeremiya 26:16 ပူးပေါင်းရင်းမြစ်များ

Estere 4:14

Chifukwa asani ujenge chete nyengo iyi utaski ndi chipozomosku cha ŵaYuda vituriyenge kunyake, kweni iwe ndi ŵamunyumba ya ausu mukabayikanga. Kumbi njani waziŵa vinu iwe waza ku ufumu uwu chifukwa cha nyengo nge ndi iyi?”

Sumu 94:16

Njani yo wangundisoke kumikana ndi ŵaheni? Njani yo wenga kuchiri kwangu kumikana ndi ŵakuchita mphurupuru?

Nthanthi 16:7

Asani nthowa za munthu zikondwereska Ambuya, iwo ŵachitiska ŵakupindikana ŵake nawo kuŵa nayo ndi chimangu.

Yeremiya 26:11

Sono ŵazukuru ndi ŵamchimi ŵanguti ku ŵaraŵara ndi ku ŵanthu wose, “Uyu munthu watenere kubayika, chifukwa wachimiya vyakwananga msumba uwu, nge ndimo mwavwiya ndi makutu ghinu.”

Yeremiya 34:10

Ndipo ŵanguvwiya, ŵaraŵara wose ndi ŵanthu wose ŵeniwo ŵangusere mu phanganu lo lakuti we yose wafwatuwenge ku uŵanda, muŵanda wake, munthurumi pamwenga munthukazi, kuti wareke kuchitika so uŵanda; ŵanguvwiya ndi ŵanguŵafwatuwa.

Yeremiya 36:19

Sono ŵaraŵara ŵanguti kwaku Baruki, “Rutanga mukabisami, iwe ndi Yeremiya, ndipo mungaziŵiskangapo nanga njumoza cha kweniko muli.”

Yeremiya 36:25

Inya nanga Elenatani, Delaya, ndi Gemariya ŵanguchichizga karonga kuti wareka kocha buku lo, kuti wangukhumba kuŵavwiya cha.

Yeremiya 37:15

Ndipo ŵakaronga ŵangumukalipiya Yeremiya, ndi ŵangumpuma ndi ŵangumserezga mu ukaidi, mu nyumba yaku Jonafani mlembi, pakuti yingusanduskika kuŵa nyumba ya ukaidi.

Mateyu 27:54

Kweni kenturione yo, ndi wo ŵapamoza nayo ŵakulindizga Yesu, wachiwona chiyeuyeu ndi vyo vinguŵapo ŵangopa ukongwa, ndipo ŵanguti, “Nadidi mwenuyu ndi Mwana waku Chiuta.”

Luka 23:41

Ndipo ifwe nadi nchakutenere pakuti tironde vyakwenere vyenivyo tachita: kweni uyu walive kuchita kanthu kakusovya.”

Luka 23:47

Ndipo nduna yo, yichiona cho chinguŵapo, yamkankhuskanga Chiuta, yakuti, “Nadidi munthu mwenuyu wenga murunji.”

Machitidu gha Ŵakutumika 23:29

ndingumsiskiya ku upu wawo; ndipo ndingusaniya wasumulikiya iyo mafumbo gha langulu lawo, ndikweni wambura kusumulikiya kanthu kakwenere nyifwa pamwenga magoŵa.

Machitidu gha Ŵakutumika 23:9

Ndipo chinguŵapo chiwawa chikuru: ndipo ŵalembi ŵanyake ŵa chigaŵa cha ŵaFarisi ŵangusoka, ndipo ŵalimbalimbanga, ŵakuti, “Tirive kusaniya kanthu kaheni mu munthu mwenuyu: ndipo, na kwati, asani mzimu pamwenga mungelo wakamba nayo?”

Machitidu gha Ŵakutumika 25:25

Kweni ndingusaniya kuti wengavi iyo kuchita kanthu kakwenere nyifwa: ndipo po mweneko wangujipazgiya mphara yaku Augusto, ndingupimakumtuma.