Yeremiya 24:9 - Tonga Bible 1986

⁹ Ndikaŵachitanga kuŵa chakofya ku maufumu ghose gha charu chapasi, kuŵa chakusekeka, chakukambika, kawerere, ndi chakutembeka mu malo ghose ghenigho ndikaŵadikiskiyangako.

Yeremiya 24:9 ပူးပေါင်းရင်းမြစ်များ

1 ŴaKaronga 9:7

po ndipo ndikamudumuwangako Yisraele ku charu chenicho ndikuŵapaska; ndi nyumba yeniyo ndatoweske zina langu ndikayituzgangako ku maso ghangu; ndipo Yisraele wakaŵanga nthanthi ndi mphekuru mu makhamu ghose gha ŵanthu.

2 Mikoka 7:20

nkhakutuzgangamo mu charu cho ndakupaska, ndi nyumba iyi, yo ndayipatuliya ku zina langu, ndiyitayenge kuti yireke kuwoneka so ku maso ghangu, ndiyisanduskenge nthanthi ndi chitozeru mukati mu ŵanthu wose.

Sumu 69:11

Po ndinguvwara vivwalo vya maliro, ndinguŵa nge nchakusekeska kwaku wo.

Yesaya 43:28

Chifukwa chenichi ndikuŵanangiska ŵara ŵa malo ghakupaturika, ndingumupereka Yakobe ku wanangi ku ukuru ndi Yisraele kukunyozeka.

Yesaya 65:15

Mukajowolenga zina linu kuti litembeke ndi ŵakusankhika ŵangu, ndipo Ambuya Chiuta akuperekaninga ku nyifwa; kweni ŵateŵeti ŵake wakaŵadananga zina linyake.

Yeremiya 15:4

Ndipo ndikaŵachitanga chakofya ku maufumu ghose mu charu, chifukwa chaku cho Manase mwana waku Hezekiya karonga waku Yuda, wanguchita mu Yerusalemu.

Yeremiya 19:8

Ndipo ndikasanduskanga msumba uwu kuŵa wakofya, chinthu chakunyozeka; yose wakudumuwapo wakazizwanga ndipo wakafyonyanga mufyonyo chifukwa cha masoka ghake.

Yeremiya 25:18

Yerusalemu ndi mizi yose yaku Yuda; ŵakaronga ŵake ndi mafumu ghake, kuŵasanduska phasulu ndi chakunyozeka, chakusekeka ndi chakutembeka, nge ndimo ŵaliri zuŵa lino.

Yeremiya 26:6

iku sono ndikayichitanga nyumba iyi kuŵa nge ndi Shilo; ndi ndikauchitanga msumba uwu kuŵa thembo ku mitundu yose ya charu chapasi.’ ”

Yeremiya 29:18

Ndikaŵandondoloskanga ndi lipanga, chilala ndi chideru, ndipo ndikaŵawoneskanga nge nchakunyozeka mu maso mwa maufumu ghose gha charu chapasi, kuwa chakutembeka, chakofya, chakuyeyeka, ndi chakusekeka mu mitundu yose mwaku yo ndikuŵadikiskiyamo,

Yeremiya 29:22

Chifukwa chawo thembo ili likazanga pa ŵamikoli wose ŵakutuwa ku Yuda mu Babiloni, “Ambuya ŵakuchiteni kuŵa nge ndi Zedekiya ndi Ahabu, ŵeniwo karonga wa Babiloni wangocha pa moto.”

Yeremiya 34:17

Chifukwa cho, viyo atiti Ambuya: Mulivi kundivwiya ine kumemeza we yose ku mwana munyake ndi ku mzengezgani wake; wanangwa, ehe, nditikupaskani wanangwa waku lipanga, waku chideru, ndi wanangwa waku chilala, atiti Ambuya. Ndikamuchitaninga kuŵa chakofya ku maufumu ghose gha charu chapasi.

Yeremiya 42:18

“Viyo atiti Ambuya ŵa maŵanja, Chiuta waku Yisraele: Mwenimo kukwiya kwangu ndi ukari wangu vingupungulikiya pa ŵakuja mu Yerusalemu, viyo ndimu ukari wangu ukapungulikiyanga paku imwe asani mutiya ku Egipiti. Mukaŵanga kawerere, chakofya, thembo chakunyozeka. Kuti mughawonenge so cha malo yagha.

Yeremiya 44:12

Ndikatonga ŵakujako ŵaku Yuda wo ŵalazga maso ghawo kuzachija ku charu cha Egipiti; ndipo wose ŵakamaranga ŵakawanga mu charu cha Egipiti; ŵakabayikanga ndi lipanga, ndi chilala; kwamba ku mumana kufika ku mura wakamariya, ŵakafwanga ndi lipanga ndi chilala, ndipo ŵakaŵanga chakutukika, chakofya, thembo, ndi chitozeru.

Yeremiya 44:13

Ndikalanganga wo ŵaja mu charu cha Egipiti, uli ndimo ndalangiya Yerusalemu, ndi lipanga, ndi chilala, ndi chideru;

Yeremiya 44:22

Ambuya kuti anguziŵa cha kukiyakiya, kukunthiyapo machitidu ghinu ghaheni, ndi maukazuzi gho munguchita; chifukwa cho charu chinu chaŵa mapopa ndi phasulu, ndi thembo, mwambura wakujamo, ndimo chiliri msana wale.

Ezekiele 23:46

Pakuti viyo atiti Ambuya Chiuta: “Zaninga ndi mzinda kumikana nawo, ndi muŵachite nge nchinthu chakofya ndi chakuskowa.

Ezekiele 25:3

Wanene ŵaAmoni, Vwani mazu gha Ambuya Chiuta: Viyo atiti Ambuya Chiuta, Chifukwa iwe watinge, ‘Oho!’ Po ghangufipiskika malo ghangu ghakupaturika, ndi po charu chaku Yisraele chinguŵa mapopa, ndi pa nyumba yaku Yuda po yinguruta ku umkoli;

Ezekiele 26:2

“Mwana wa munthu, Turo pakukamba gha Yerusalemu wanguti, ‘Aha! Likomo la ŵanthu lafyoka, lajurika le mwazi kwaku ine; sono ndikagutiskikanga pakuti wapasuka,’

Ezekiele 5:8

mu chifukwa cho Ambuya Chiuta: atiti, Awona, ine, inya, ine ndamikana nawe; ndipo ndikachitanga cheruzgu mukati mwako pa maso pa mitundu.

Marangu 28:25

“Ambuya akamuchitaninga kuti mupundike paurongo pa ŵamawongo ŵinu, mukaŵayukiyanga nthowa yimoza ndipo mukathaŵanga nthowa zinkhonde ndi ziŵi paurongo pawo, ndipo mukagwedukiyanga pasi pa maufumu ghose gha charu chapasi.

Marangu 28:37

Ndipo mukaŵanga ŵamantha, ŵantharika ndi ŵakunyozeka, mukati mu ŵanthu wose kweniko Ambuya akamurongozgiyaninga.