Yeremiya 24:7 - Tonga Bible 1986

⁷ Ndikaŵapaskanga mtima wakuziŵa kuti ine ndine Ambuya; ndipo ŵakaŵanga ŵanthu ŵangu, ine ndikaŵanga Chiuta wawo, pakuti ŵakaweriyanga kwangu ndi mtima wawo wose.

Yeremiya 24:7 ပူးပေါင်းရင်းမြစ်များ

2 Mikoka 6:38

asani ŵang'anamuka ndi vinjeru vyawo vyose ndi mtima wawo wose mu charu cha umkoli wawo kweniko ŵakutoreke umkoli, ndi ŵaromba kurata ku charu chawo cho imwe mukupaska ku asukeu, msumba wo mwasankha, ndi nyumba yo ndazenge zina linu,

Sumu 119:2

Ŵakutumbikika mbeniwo ŵasunga visimisimi vyawo, wo ŵati ŵapenja ndi mtima wawo wose.

Yesaya 51:16

Ndipo ndaŵika mazu ghangu mu mlomo winu, ndakubisa mu chiduzi cha janja langu, nditambaruwa machanya ndi kutandika viŵanja vya charu chapasi, ndipo ndititi kwaku Zioni, ‘Mwe ŵanthu ŵangu.’ ”

Yeremiya 11:4

lenilo ndingulanguliya auskemwe pa nyengo yo ndinguŵatuzgiya mu charu cha Egipiti, kutuwa mu ng'anjo ya chisulo, ndinguti, Tegherezgani ku mazu ghangu, ndipo chitani chose cho nditumulanguliyani. Po ndipo mukaŵanga ŵanthu ŵangu, ndipo ine ndikaŵanga Chiuta winu,

Yeremiya 29:10

“Pakuti Ambuya atiti: Penipo virimika machumi ghankhonde ndi ghaŵi (70) vya Babiloni vitakuti vyamara, ine ndikachezganga namwe, ndipo ndikafiskanga kwaku imwe phanganu langu ndi kukuwezgiyani ku malo yagha.

Yeremiya 3:10

Kweni paku vyose ivi Yuda mzichi wake phula kuti wanguwere kwangu ndi mtima wake wose cha, kweni ndi chiphamaso, atiti Ambuya.”

Yeremiya 30:22

Imwe mukaŵanga ŵanthu ŵangu, ine ndikaŵanga Chiuta winu.”

Yeremiya 7:23

Kweni langulu lo ndinguŵapaska ndi ili, ‘Muvwiyenge mazu ghangu, ndipo ine ndikaŵanga Chiuta winu, imwe mukaŵanga ŵanthu ŵangu; mwendenge mu nthowa yose yo ndikulanguliyani alinga kukuŵiyeninga umampha.’

Ezekiele 11:17

Chifukwa ichi unene kuti, ‘Viyo atiti Ambuya Chiuta: Ndikawunjikanga imwe kutuwa mu ŵanthu, ndi kuwungang'iska imwe kutuwa mu vyaru vyo mungumbininikyamo, ndipo ndikakupaskaninga charu cha Yisraele.’

Ezekiele 14:11

Alinga kuti nyumba yaku Yisraele yireke kupatukako so kwangu, nanga nkhujikazuzga so ndi uchikanamarangu wowo wose, kweni kuti ŵaŵe ŵanthu ŵangu ndipo ine ndiŵe Chiuta wawo, atiti Ambuya Chiuta.”

Ezekiele 16:62

Ndimikenge phanganu langu ndi iwe, ndipo ukaziŵanga kuti ine ndine Ambuya,

Ezekiele 37:23

Kuti ŵakajikazuzganga ndi ŵangoza ŵawo nanga ndi vinthu vya maunyakazi ghawo so cha, pamwenga ndikanthu kose ka majumphu ghawo, kweni ndiŵataskenge mu vyakuwerevuli vyawo vyose mwaku vyenivyo ŵananga, ndikaŵaphotonga; ŵakaŵanga ŵanthu ŵangu, ndipo ine ndikaŵanga Chiuta wawo.

Ezekiele 37:27

Malo ghangu ghakujamo ghakaŵanga ndi iwo; iwo ŵakaŵanga ŵanthu ŵangu, ndipo ine ndikaŵanga Chiuta wawo.

Ezekiele 39:22

Nyumba yaku Yisraele yikaziŵanga kuti Ine ndine Ambuya Chiuta wawo, kutuwa pa zuŵa liya mpaka kunthazi.

Hoseya 2:22

Ndipo charu chapasi chimukenge trigu, vinyo, ndi mafuta, ndipo ivi vimukenge Yezerele;

Zekariya 13:9

Ndipo ndiŵikenge chigaŵa chachitatu ichi mu moto, ndi kuchisongono mo munthu wasongonore siliva, ndi kuchesa mo golide liteseke. Ŵadanange zina langu, ndipo ndiŵamukenge. Ndinenenge kuti, ‘Mbanthu ŵangu’; ndipo ŵanenenge kuti, ‘Ambuya ndi Chiuta widu.’ ”

Zekariya 8:8

ndizenge nawo ndipo ŵajenge mukati mu Yerusalemu; ŵaŵenge ŵanthu ŵangu, Ine ndiŵenge Chiuta wawo, mu uneneska ndi mu urunji.”

ŴaRoma 6:17

Kweni wawongeke Chiuta, kuti chingana mwaŵanga ŵaŵanda ŵa ulakwi, ndikweni munguvwiya mu mtima kasambizgidu ko kakuperekeka kwaku imwe;

ŴaHebere 11:16

Kweni sono ŵanweke chamamphako, ndicho chakuchanya: ndiviyo Chiuta walive soni nawo, kutamulika Chiuta wawo: chifukwa waŵarongosole msumba.

ŴaHebere 8:10

Pakuti chenichi nchipanganu chenicho ndichitenge ndi nyumba yaku Yisraele pavuli pa mazuŵa yagha, atiti Ambuya: ndiŵikenge marangu ghangu mu vinjeru vyawo, ndipo pa mitima yawo ndighalembenge; ndipo ndiŵaŵiyenge Chiuta, ndipo iwo ŵandiŵiyenge khamu:

1 Samuele 7:3

Penipo Samuele wangunena ndi nyumba yaku Yisraele, “Asani mung'anamukiya ku Ambuya ndi mtima winu wose, iku tuzgani ŵachiuta ŵachilendo ndi Ashitaroto mukati, rongozgiyani mitima yinu ku Ambuya, mteŵetiyeni iyo, ndipo wakamupozomoskaninga mu janja la ŵaFilisti.”