Yeremiya 23:9 - Tonga Bible 1986

⁹ Gha pa ŵamchimi: mtima wangu wasweka mukati mwangu viwanga vyangu visukunika; ndakozgana ndi munthu wakulowe, uli ndi munthu wathereskeka ndi vinyo, chifukwa cha Ambuya ndi chifukwa cha mazu ghawo ghakupaturika.

Yeremiya 23:9 ပူးပေါင်းရင်းမြစ်များ

Sumu 60:3

Mwachitiska khamu linu kukomwa vinonono ukongwa; mwatimweska vinyo wakutizendezendeska.

Sumu 69:20

Kusunjizgika kwaswa mtima wangu, ndaguluruka nthazi. Ndingugomezga kuti ndiwonenge ŵalisungu, kweni kwengavi nanga njumoza; ndalereze ŵakusangaruska, kweni kuti ndaŵasaniya cha.

Yesaya 28:1

Soka ku chilemba cha ufumu cha ŵakulowe ŵaku Efraimu, ku luŵa lake lakusanduka la unkhankhu wake wakutowa, lo le pa mutu wa dambo lisambasi laku wo mbakuloŵe vinyo!

Yesaya 29:9

Jipaskeni ubereŵeza ndipo muŵe mu uzereza, jipaskeni uchiburumutiya ndi muburumutizgike! Loŵeni, kweni ndi vinyo cha; muzendezende, kweni ndi vyakuloŵeleska cha!

Yesaya 51:21

Chifukwa cho vwani ichi, imwe musuzgika, imwe mwaloŵe, kweni ndi vinyo cha:

Yesaya 6:5

Ndipo ine ndinguti, “Wasoka ndine! Pakuti ndasoŵa, pakuti nde munthu wa milomo yambura ku photoka, ndipo ndija mukati mu ŵanthu ŵa milomo yambura kuphotoka, pakuti maso ghangu ghawona karonga Ambuya ŵa maŵanja!”

Yeremiya 20:9

Asani ndititi, “Kuti ndikamuzumbuwanga cha, pamwenga kuchima so mu zina lake,” mu mtima wangu muchita nge mwe moto wakukole wo wajarikiya mu viwanga vyangu, ndipo ndavuka kuwusunga mukati, viyo kuti ndingaziŵa kujiko cha.

Yeremiya 36:16

Wanguti ŵavwa mazu ghose, ŵangulereskana yumoza ndi munyake mu mantha; ndi ŵanguti kwaku Baruki, “Titenere kutole mazu yagha ku karonga.”

Yeremiya 5:31

ŵamchimi ŵachima vyautesi, ndipo ŵazukuru ŵateruzga mo ŵakhumbiya iwo; ŵanthu ŵangu ŵatanja vyaviyo, kweni mwazamchitanji utakuti waza umari?

Yeremiya 8:18

Chitima changu nchambura kuchizgika, mtima ngwakutama mukati mwangu.

Yeremiya 9:1

Aha, mphanyi mutu wangu wenga maji, ndi maso ghangu chisima cha masozi alinga kuti ndiliye msana ndi usiku chifukwa cha ŵakubayika ŵa ŵanthu ŵangu!

Chitenje 3:15

Wandizaza ndi vyakuŵaŵa wandigutiska vya nkhanya.

Ezekiele 13:3

Viyo atiti Ambuya Chiuta, Soka lo, ku zinchimi zakupusa zo zirondo mzimu wa ŵeneko, ndipo kuti zawona kanthu cha!

Ezekiele 9:4

Ndipo Ambuya angunena nayo, “Ruta mu msumba, porota mu Yerusalemu, ulembe chisimikizgu pa visku vya ŵanthu wo ŵaliya ndikufwifwinthiya pa maunyakazi ghose gho ghachitika mukati mwake.”

Ezekiele 9:6

kosoni ŵanthu, ŵara, ŵanyamata, ŵamwali, ŵana ndi ŵanthukazi, kweni rekani kukwaska nanga njumoza wa ŵakuŵa ndi chisimikizgu wo. Ndipo mwambe pa malo ghangu ghakupaturika.” Viyo ŵangwamba pa ŵaraŵara wo ŵenga pa khomo la nyumba.

Danyele 8:27

Ndipo ine, Danyele ndingugururuka nthazi ndi ndingutama kwa mazuŵa ghanandi; pavuli ndinguchira, ndingutakataka nchitu ya karonga; kweni ndenga wakuzizwa ndi chiwona ichi, kuti ndinguchiziŵiska cha.

Habakuku 3:16

Ndituvwa, ndi liŵavu langu litenthema, mlomo wangu umbwambwantha pa mazu ghinu; chiwozga chisere mu viwanga vyangu, nditenthema mukati mwangu. Ndirindizgenge kwa chisisi zuŵa la suzgu lo liziya wo ŵasere kwaku ifwe ndi nkhondo.

ŴaRoma 7:9

Ndipo ine kali ndenga wamoyo pade pa chilangulu: kweni, lati laza langulu lo, ulakwi ungusisipuka, ndipo ine ndingufwa;