Yeremiya 22:6 - Tonga Bible 1986

⁶ Pakuti viyo atiti Ambuya gha pa nyumba ya karonga waku Yuda; Ukozgana ndi Gileada kwaku ine, uli ndi malo ghakukwera gha Lebanoni, ndipuuli ndikakuchitanga kuŵa bozwa, msumba wambura ŵanthu.

Yeremiya 22:6 ပူးပေါင်းရင်းမြစ်များ

Chiyambo 37:25

Sono ŵanguteka pasi ŵarghanga, ndipo ŵati ŵayunuska maso ŵanguwona mpingu wa ŵamaronda ŵa ŵaYishumaele ŵakuturiya ku Gileada pamoza ndi ŵagamila ŵawo ŵakupinga vyema, maziu, ndi muro ŵarutanga navyo ku Egipiti.

Sumu 107:34

Achitiska charu cha nyata kuŵa charu cha mche wakusukuruka, chifukwa cha uheni waŵakujamo.

Sumu ya Zisumu 4:1

Ehe, ndiwe wakutowa, chanju changu, awona, ndiwe wakutowa. Maso ghako ghenge nga nkhunda, musina mwa chivwinkhu chako. Sisi lako lenge ndi muskambu wa mbuzi, wakusika pa vinkhwawu vya Gileada.

Sumu ya Zisumu 5:15

Marundi ghake ghenge ndi mya yakuzirwa yakuwurungikana, yakumikika pa mphanjizgu za golide. Kawonekedu kake kenge ndi Lebanoni, wakusankhika ngendi milanje.

Yesaya 27:10

Pakuti muzi wa malinga we pakuwija, malo ghakuthaŵika ndi kupatika, uli ndi bozwa; mwenimuwa ndimo thole liturgha uteka, muwa ndimo ligona pasi, ndi kupanthuwa mphanda zake.

Yesaya 37:24

Mu ŵateŵeti wako wayeyiyamo Ambuya, ndipo wanena kuti, Ndi magareta ghangu ghanandi ndakwera pachanya pa mapiri, ku malo gha kutali gha Lebanoni. Ndingudumuliya pasi milanji yake yitali ukongwa, ndi miti yake yinyake yakunozga; ndinguza ku songo yake yakuruska zose mu utali, lisuwa lake lakukho miti kwakuruska.

Yesaya 6:11

Sono ine ndinguti, “Mpaka zuŵanje, Ambuya?” Ndipo iwo anguti: “Mpaka penipo mizi yaŵa mapopa mwambura ŵakujamo, ndi zinyumba zambura ŵanthu, ndipo charu chaŵiya limu uyiku.

Yeremiya 21:11

“Ndipo ku nyumba ya karonga waku Yuda ukambe kuti, ‘Avwani mazu gha Ambuya,

Yeremiya 21:14

Ndikamulanganinga kwakuyana ndi nchitu zinu, atiti Ambuya; ndikakozganga moto mu lisuwa lake, ndipo ukananganga vyose vyenivyo vikumzingiliya iyo.”

Yeremiya 22:24

“Mo ndiliri wamoyo, atiti Ambuya, chingana Konia mwana waku Yehoyakimu, karonga waku Yuda, wanguŵa mphete ya kuzighiriya pa janja langu lakurghiya, kweni ndipuuli ndikakuparuwanga mbwenu,

Yeremiya 26:18

“Mika waku Moreshete wanguchima mu mazuŵa ghaku Hezekiya karonga waku Yuda, ndipo wanguti ku ŵanthu wose ŵaYuda, ‘Viyo atiti Ambuya ŵa maŵanja, Zioni wakalimikanga nge ndi munda; Yerusalemu wakasandukanga chimbumira cha vyakunangika, ndipo phiri la nyumba likaŵanga nge ndi malo gha pachanya gha dondo.’

Yeremiya 4:20

Phasulu lindondoloska ndi nthazi pa phasulu, charu chose chapopeskeka. Mahema ghangu ndi saru zangu zakuchinga vyanangika kwamabuchibuchi.

Yeremiya 4:7

Nkharamu yatuwa mu thundu lake, wakupasuwa mitundu wasoka; waruta kutuwa ku malo ghake kwachichita mapopa, charu chinu; mizi yinu yikaŵanga yakubwanganduka, yambura wakujamo.

Yeremiya 50:12

nyinamwe wakalengeskekanga kwakufikapo, ndipo yo wangukupapani wakakanyalanga. Awonani, wakaŵanga wakumariya wa mitundu, bozwa liyumu ndi mapopa.

Yeremiya 7:34

Ndipo ndikakanizganga mu mizi yaku Yuda ndimu miseu ya Yerusalemu, mazu gha kadara ndi mazu ghakukondwa kuti ghakavwikanga cha, mazu ghamweni nthengwa ndi mazu ghamwali wanthengwa; pakuti charu chikasandukanga mapopa.

Yeremiya 8:22

Kumbi mulivi munkhwala mu Gileada? Kumbi ng'anga mulivi mwenimuwa? Na chifukwa nchine umoyo wa ŵanthu ŵangu ulivi kuweremo?

Yeremiya 9:11

Ndikachitanga Yerusalemu ndundu, ya vyakunangika, mphanji mwakugona ŵakambwe; ndipo ndikayichitanga mizi yaku Yuda kuŵa mapopa, yambura ŵakujamo.”

Mika 3:12

Viyo chifukwa chaku imwe Zioni wakalimikanga nge ndi munda; Yerusalemu wakaŵanga ndundu ya vyakupasuka, ndi phiri la nyumba nge ndi miti yitali mulisuwa.

Zekariya 11:1

Jura makhomo ghako iwe Lebanoni, kuti moto woche milanji yako!

Maŵerengedu 32:1

Sono ŵina Rubene ndi ŵina Gadi ŵanguŵa ndi vyakuweta vinandi ukongwa; ndipo ŵanguwona kuti charu cha Jazere ndi cha Gileada, vyenga vyaru vya vyakuŵeta.

Marangu 3:25

Ndimurombani imwe mundizomerezge ndimbuke, nkhawone charu chamampha cho che kusirgha la Yordane, vifya viya vyamampha, ndi Lebanoni.’