Yeremiya 22:3 - Tonga Bible 1986

³ Viyo atiti Ambuya: Chitani cheruzgu chirunji ndi ukongorekwa, taskani ŵakuskoŵeka mu janja la wakumusuzga yo. Ndipo rekani kunangiya pamwenga ku chitiya phuzu mlendo, wambura awiske, ndi choko, chingana nkhudira ndopa zambura kalema mu malo yagha.

Yeremiya 22:3 ပူးပေါင်းရင်းမြစ်များ

2 Samuele 23:3

Chiuta waku Yisraele wakamba, Jarawi laku Yisraele landinene: Po yumoza wausa pachanya pa ŵanthu kwakurunjika, kuwusa mukopa Chiuta,

2 ŴaKaronga 24:4

ndipo so pa chifukwa cha ndopa zambura mlando, paku vyo Ambuya kuti angukhumba kugowoke cha.

Jobu 22:9

Wavituma vyoko kuruta ŵaka kwambura kuvipaska kanthu, ndipo manja gha ŵambura auskeu ghanguphwanyika.

Jobu 24:9

Ŵakwamphuwa mwana wambura awiske ku be, ndi ŵaphanga mwana wa mkavu kuŵa chikoli.

Sumu 68:5

Uskeu wa ŵaranda, muvikiriyi wa vyoko, ndi Chiuta wakuja munyumba yake yakupaturika.

Sumu 82:4

Pozomoskani ŵakusauka ndi ŵa umphaŵi ŵataskeni ku nthazi ya ŵanthu ŵaheni.”

Sumu 94:21

Wo ŵapangana kumikana ndi ŵanthu ŵarunji, kweruzgiya ŵambura kunanga ku kubayika.

Sumu 94:6

Ŵabaya vyoko ndi ŵamasiya, ŵabaya ndi ŵalendo wo ŵaja mu charu chidu.

Chituwa 22:21

“Munganangiyanga mlendo pamwenga kumuyuzga, pakuti imwe mwenga ŵalendo mu charu cha Egipiti.

Chituwa 22:22

Mungayuzganga choko che chose cha, pamwenga wamasiya.

Nthanthi 23:10

Unganderezganga cha mphaka yacharu ya kale pamwenga kusere mu minda ya ŵambura auskeu;

Nthanthi 6:17

maso ghakujikuzga, lilime lakupusika, ndi manja ghakudiska ndopa zambura kalema,

Yesaya 1:23

Ŵaraŵara ŵinu ŵaŵa vigaruka ndi mabwezi gha ŵankhungu. We yose watanja vinda ndipo ŵaunukiya vyaulera. Kuti ŵavikiriya ŵana ŵaranda cha, ndipo makani gha choko ŵatighaphwere cha.

Yesaya 58:6

“Kumbi kufunga ko ine ndisankha asi ndi uku: kufwatuwa vimangiru vya uheni, kufwatuwa mikoŵa ya gori, kupaska wanangwa ku ŵakuyuzgika, ndi kuswa gori le lose?

Yesaya 58:7

Kumbi asi nkhusangana chakurgha ndi wa nja, ndi kutole ŵasauchi ŵambura nyumba mu nyumba yinu; asani muwona wankhuli kumuvwalika, kureka kujibisa mwaŵeni ku mwanasi winu?

Yeremiya 19:4

Pakuti ŵanthu ŵandisiya ine, ndipo ŵakazuzga malo yagha pakochiyapo sembe zakusunkhizga ku ŵachiuta ŵanyake, ŵeniwo chingana ndiwo, chingana mbauskeu chingana mbakaronga ŵaku Yuda ŵalivi kuŵaziŵa, ndipo pakuti ŵazaza malo gho ndi ndopa za ŵambura kalema,

Yeremiya 21:12

wa nyumba yaku Davidi! Atiti viyo Ambuya: Chitani cheruzgu chirunji ndi mlenji, ndipo umutaske ku janja la wakumukandirizga yo wakwamphulika vyake, vinu ukari wangu ungatuwa uli ndi moto, ndi kocha, po paulengevi wakuwuzimwa, chifukwa cha machitidu ghinu ghaheni.’ ”

Yeremiya 22:17

Kweni iwe wendi maso ndi mtima ivi vyakuchitiya chanduwu chakupusika waka, pakudiska ndopa zambura kalema, ndi pakuchita vya kusuzga ndi chiwawa.”

Yeremiya 26:16

Sono ŵaraŵara ndi ŵanthu wose ŵanguti ku ŵazukuru ndi ŵamchimi, “Uyu munthu kuti watenere chilangu cha nyifwa cha, pakuti warongorore mu zina la Ambuya Chiuta wide kwakuifwe.”

Yeremiya 5:28

ŵakuwa ndi kututuŵa, ŵali bwitubwitu. Kuti ŵaziŵa po ŵamurekezga nchitu zawo za mphurupuru cha; kuti ŵateruzga ndi urunji cha mlando wa ŵaranda ŵatuwendeska mwakwenere cha, ndipo kuti wavikiriya vyakurunjika ku ŵasauchi cha.

Yeremiya 7:23

Kweni langulu lo ndinguŵapaska ndi ili, ‘Muvwiyenge mazu ghangu, ndipo ine ndikaŵanga Chiuta winu, imwe mukaŵanga ŵanthu ŵangu; mwendenge mu nthowa yose yo ndikulanguliyani alinga kukuŵiyeninga umampha.’

Yeremiya 9:24

kweni yo watumbwa watumbwiye mwaku ichi, chakuti wawamo ndi watindiziŵa ine, kuti ndine Ambuya akuchita chifundu, cheruzgu ndi urunji mu charu, pakuti mu vinthu ivi ndimu ine ndikondwere, atiti Ambuya.”

Chitenje 3:36

kunyongolo mlando wa munthu, Ambuya kuti azomerezga cha.

Ezekiele 18:12

wakandirizgiya pasi mukavu ndi musauchi, ngwakuphanga, kuti wawezga ngongori cha, wasoske maso ghake ku ŵangoza, wachita unyakazi,

Ezekiele 18:7

kuti wakandirizgiya pasi nanga njumoza cha, kweni wawezga ngongori kwaku yo wangutewuwako, kuti ngwakuphanga cha, wakupaska kurgha ku wanja, ndi kuvwarika wankhuli,

Ezekiele 22:7

Mwaku iwe wiske ndi nyina ŵapepulika ukongwa; mlendo wakuja mukati mwako wakomwa ndi suzgu; muranda ndi choko mwaku iwe ŵanangika.

Ezekiele 45:9

“Viyo atiti Ambuya Chiuta: Mbwenu, mwa ŵaKaronga ŵaku Yisraele! Rekani chiwawa ndi nkhaza, chitani cheruzgu ndi urunji; rekani kudikiska ŵanthu ŵangu, atiti Ambuya Chiuta.

Yoele 3:19

“Egipiti waŵenge phasulu ndi Edomu mahame ghakupasuka, chifukwa cha nkhaza zakuchitika ku ŵanthu ŵaku Yuda, chifukwa ŵadiska ndopa zambura kafukwa mu charu chawo.

ŴaLevi 19:15

“Mungapenevyanga mu cheruzgu. Mungayeyanga mukavu; pamwenga kupayika mrando wa wakuzirwa kweni mu ukongorekwa ndimo mweruzgiyenge muzengezgani winu.

Amosi 5:15

Tinkhani uheni, ndi yanjani umampha, ndi mumike urunji mulikomo; pamwenga Ambuya, Chiuta wa maŵanja, wangaŵa ndi lisungu, ndi ŵakujako ŵaku Yosefe.

Amosi 5:24

Kweni rekani uneneska wendi nge ndi maji, ndi urunji nge ndi msinji wakupopoma mazuŵa ghose.

Mika 3:11

Ŵarongozgi ŵake ŵateruzgiya chimbundi, ŵazukuru ŵake ŵasambizgiya mphoto, ŵamchimi ŵake ŵaloska chifukwa cha ndrama; ndipuuli ŵayegeme ku Ambuya ndi ŵatiti, “Kumbi Ambuya ŵe mukati mwidu cha? Uheni kuti ukatiwiyanga cha.”

Mika 6:8

Iyo wakurongo wa munthu, cho nchamampha, ndi cho Ambuya akhumbiya iwe, kweni kuchita urunji, ndi kwanja ulemu, ndi kwenda kwakujiyuyuwa ndi Chiuta wako?

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.

Mateyu 23:23

“Owe, mwa ŵalembi ndi mwa ŵaFarisi imwe, mwaŵakufuvya, pakuti cha chichumi nge ndi maŵe, mapira, ndi chitoŵe mupereka, kweni mureka vizitu vyakuzirwa vya langulu, cheruzgu, lisungu, ndi chivwanu: ivi ndivyo mungwenere kuchita, sono pavuli musazgiyeko vinyake vyo.

Marangu 10:18

Wafiska umampha cheruzgu cha wambura wiske ndi choko. Watanja mlendo wamupaska kurgha ndi vyakuvwala.

Marangu 24:17

“Mungatimbanizganga cheruzgu chakurunjikiya mlendo pamwenga wamasiya, pamwenga kuto chivwalo cha choko kuŵa chikoli,

Marangu 24:7

“Asani munthu wasanirika wachiba yumoza wa ŵabali ŵake, ŵanthu ŵaku Yisraele, ndipo asani watumuko kuŵa muŵanda pamwenga watimuguliska, sono yuwa munkhungu watenere kufwa. Viyo mukapeyangamo uheni mukati mwinu.

Marangu 25:1

“Asani pe suskanu pakati pa ŵanthurumi, ndipo ŵatuza ku bwaro la mirandu, ŵeruzgi ŵateruzga pakati pawo, kufwatuwa wambura kalema ndi kususka wakulakwa.

Marangu 27:19

“ ‘Watembeke yo watimbanizga kweruzgika kwa mlendo, kwa wambura awiske, ndi kwa choko.’ Ndipo ŵanthu wose ŵanenenge, ‘Ameni.’

Yakobe 1:27

Chisopa chikhovu ndi chambura banga paurongo paku Chiuta Auskefwe nchenichi, kulereze ŵamasiya ndi vyoko mu suzgu yawo ndi kujisunga wambura donthu ku charu.