Yeremiya 22:2 - Tonga Bible 1986

² ukati, ‘Avwani mazu gha Ambuya, Karonga we waku Yuda, iwe uja pa chitengo chaku Davidi, iwe ndi ŵateŵeti ŵako, ndi ŵanthu ŵako wo ŵasere pa malikomo yagha.

Yeremiya 22:2 ပူးပေါင်းရင်းမြစ်များ

1 ŴaKaronga 22:19

Ndipo Mikaya wanguti, “Chifukwa cho vwani mazu gha Ambuya: ndinguwona Ambuya akuja pa chitengo chawo cha ufumu, ndi liŵanja lose la kuchanya lakuma pafupi nawo ku janja lawo la marghe ndi la maze;

Yesaya 1:10

Avwani mazu gha Ambuya, mwa ŵeruzgi ŵa Sodomu! Tegherezgani gutu ku kurunguchizga kwaku Chiuta widu, mwa ŵanthu ŵaku Gomora!

Yesaya 28:14

Chifukwa cho vwani mazu gha Ambuya, mwa ŵankharghi, imwe muteruzga ŵanthu mu Yerusalemu!

Yesaya 9:7

Kukuwa kwa ufumu wake ndi chimangu kuti kukaŵanga ndi umari cha, pa chitengo chaku Davidi, ndi pa ufumu wake, kuujarika ndi kuukhozga ndi cheruzgu chirunji ndi ukongorekwa, kwamba pa nyengo iyi kurutiriya ndi ku muyaya. Phamphu la Ambuya ŵa maŵanja likachitanga ichi.

Yeremiya 13:18

Kamba ku karonga ndi fumukazi nyina: “Jani pa mpando wakujiyuyuwa, pakuti chisoti chinu cha ufumu chatuwako ku mutu winu.”

Yeremiya 19:3

Wamkuti, ‘Avwani mazu gha Ambuya, mwa ŵakaronga ŵaku Yuda ndi mwa ŵakuja mu Yerusalemu. Viyo atiti Ambuya ŵa maŵanja, Chiuta waku Yisraele, Ehe, ine ndikatolenga uheni pa malo yagha weniwo po ŵanthu ŵakauvwanga, ŵakazizwanga nawo.

Yeremiya 22:1

Viyo atiti Ambuya, “Ruta usikiye ku nyumba ya karonga waku Yuda, ndipo ukakambe mazu yagha,

Yeremiya 22:4

Pakuti asani mukavwiyanga mazu yagha, po ndipo ŵakaronga ŵakuja pa chitengo chaku Davidi, ŵakaserenga pa malikomo gha nyumba iyi, ŵakukwera mu magareta ndi pa ŵakavalo; iwo, ndi ŵateŵeti ŵawo; ndi ŵanthu ŵawo.

Yeremiya 29:20

Avwani mazu gha Ambuya, imwe mose mwa ŵamikoli ndikudikiska mu Yerusalemu kuya ku Babiloni:

Yeremiya 34:2

“Viyo atiti Ambuya, Chiuta waku Yisraele: Ruta, ukakambe ndi Zedekiya karonga waku Yuda, ukati viyo kwaku iyo, ‘Viyo atiti Ambuya: Ehe, ndipereka msumba uwu mu janja la karonga wa Babiloni, ndipo wakawuwochanga ndi moto.

Yeremiya 36:30

Chifukwa cho atiti Ambuya gha paku Yehoyakimu karonga waku Yuda: ‘Kuti wakaŵangupu nayo cha wakuja pa chitengo cha ufumu waku Davidi, ndipo chiŵanda chake chikapong'ekanga kubwalo, ku chifundizi ndi msana ndi ku chiuli ndi usiku.

Yeremiya 7:2

“Ima wa likomu la nyumba ya Ambuya, ndipo penipo memeza mazu yagha, uti, Vwani mazu gha Ambuya, imwe mwa ŵanthu mose ŵaku Yuda imwe musere muno kwachisopa Ambuya.

Ezekiele 34:7

“Chifukwa cho, mwa ŵaliska imwe, avwani mazu gha Ambuya:

Amosi 7:16

Viyo sono, uvwi mazu gha Ambuya. Iwe utiti, ‘Ungachimanga cha ku mikana ndi Yisraele, ndi ungasambizganga cha kususka nyumba yaku Yisaki.’

Luka 1:32

Mweniyo wakaŵanga mura, ndipo wakadanikanga Mwana wa Wamdengwendi: ndipo Mbuya Chiuta wakampaskanga chitengu chaku Davidi awiske: