Yeremiya 21:7 - Tonga Bible 1986

⁷ Pavuli atiti Ambuya, ndikaperekanga Zedekiya karonga waku Yuda, ndi ŵateŵeti ŵake, ndi ŵanthu ŵamu msumba uwu wo ŵakapozomokanga ku chideru, lipanga ndichilala, mu janja laku Nebukadanezara karonga wa Babiloni, ndi mu janja la ŵakupindikana ŵawo, mu janja laku wo ŵapenja kuŵabaya. Ŵakaŵakosonga ndi lipanga; kuti wakaŵafwiyanga lisungu, pamwenga kuŵareka, pamwenga kuŵa ndi chitima cha.’

Yeremiya 21:7 ပူးပေါင်းရင်းမြစ်များ

Yesaya 27:11

Zititi zamira mphanda zake, zifyoka, ŵanthukazi ŵatuza kuzachidewa nkhuni za moto. Pakuti yaŵa mbanthu ŵambura kuteska, chifukwa cho wakiŵalenga yo kuti wakaŵanga nawo ndi lisungu cha, mweniyo wanguŵaumba kuti wakaŵarongonga wezi so cha.

Yesaya 47:6

Ndingukaripa ndi ŵanthu ŵangu wo ndinguŵasankha, ndi ndinguŵakazuzga. Ndinguŵapereka mu janja linu, kuti munguŵarongo lisungu cha; pa makhongwe munguŵikapo goŵa lizitu kwakurutiriya.

Yeremiya 13:14

Ndipo ine ndikaŵabwanyaniskanga uyu ku munyake, ŵauskeu ndi ŵana pamoza, atiti Ambuya. Kuti ndikachitanga chitima pamwenga kuŵareka waka nanga nkhuŵa ndi lisungu nako cha, kuti ndireke kuŵananga.’ ”

Yeremiya 14:12

Chingana ŵangafunga, kuti ndikavwanga kuliya kwawo cha, ndipo chingana ŵangapereka mpasku wakocha ndi mpasku wa ufwa, kuti ndivirondiyenge cha; kweni ndikaŵamaranga ndi lipanga, ndi chilala, ndi chideru.”

Yeremiya 15:5

Njani wakaŵanga ndi lisungu paku iwe, Yerusalemu we, pamwenga njani wakakukhuzanga? Njani wakapatukanga kukufumbani, mulipo uli?

Yeremiya 15:9

Yo wangupapa ŵankhonde ndi ŵaŵi wadengenduka, walakatuka; lumwi lake lasere kweche msana; wachita soni ndipo walengeskeka. Ndipo ŵakujapo ŵaku wo ndikaŵaperekanga ku lipanga, paurongo pa ŵakupindikana wawo, atiti Ambuya.”

Yeremiya 19:7

Ndipo mu malo ghenigha ndikamariskanga vinjeru vyaku Yuda ndi Yerusalemu, ndikabayiskanga ŵanthu ŵawo ndi lipanga paurongo pa ŵakupindikana ŵawo, ndi janja laku wo ŵapenja kuŵabaya. Ndikapaskanga viŵanda vyawo ku viyuni vya mude ndi ku nyama za charu chapasi kuti zirghenge.

Yeremiya 20:4

Pakuti atiti viyo Ambuya, Ehe, ndikakuchitanga chakofya kwaku wamweni ndi ku mabwezi ghako ghose. Ŵakabayikanga ndi lipanga la ŵakupindikana ŵawo, maso ghako ghachilereska. Ndipo ndikaperekanga Yuda yose mu janja la karonga wa Babiloni; ŵakayorekiyanga mu umkoli ku Babiloni, ndipo ŵakaŵabayanga ndi lipanga.

Yeremiya 22:25

ndi kukupereka mu janja laku wo ŵapenja kukubaya, ndikakuperekanga mu janja laku wo utopa, ndi mu janja laku Nebukadanezara karonga wa Babiloni ndi mu janja la ŵaKaldiya.

Yeremiya 27:6

Sono ndapaska vyaru vyose ivi mu janja laku Nebukadanezara, karonga wa Babiloni, mteŵeti wangu, ndipo ndamupaska so vinyama vya mudondo kumutataliya.

Yeremiya 32:4

Zedekiya karonga waku Yuda kuti wakathaŵanga cha ku janja la ŵaKaldiya, kweni wakaperekekangadi mu janja la karonga wa Babiloni, ndipo wakarongoronga nayo pa maso ndi pa maso ndi kuwonana jiso ku jiso;

Yeremiya 34:3

Kuti ukapozomokanga cha ku janja lake, kweni nadi ukakolekanga ndi kuperekeka mu janja lake; ukamuwonanga karonga wa Babiloni maso ndi maso ndi kurongoro nayo mlomo ndi mlomo; ndipo ukarutanga ku Babiloni.’

Yeremiya 36:29

Ndipo gha paku Yehoyakimu karonga waku Yuda unenenge kuti, ‘Viyo atiti Ambuya, Wawocha buku ili ndipo utiti, “Chifukwa chine walemba kuti karonga wa Babiloni wakazanga kubwanganduwa charu ichi, ndi kutuzgamo ŵanthu ndi nyama?”

Yeremiya 37:17

karonga Zedekiya wangutuma kwachimutuzga ndipo wangumuronde. Karonga wangumufumba ku udeke mu nyumba yake, wanguti, “Kumbi ghaliko mazu ghatuwa kwa Ambuya?” Yeremiya wanguti, “Ghaliko.” Sono wanguti, “Ukaperekekanga mu janja la karonga waku Babiloni.”

Yeremiya 50:17

“Yisraele ndi mberere yakupenjeka yo yadikiskika ndi zinkharamu, Pakudanga karonga wa Asiriya wangumuparuwa, ndipo sono pa umari Nebukadanezara karonga wa Babiloni waphwanya viwanga vyake.

Chitenje 2:20

Awonani Ambuya ndipo alereskani! Ndiyani yo mwachitiya ichi? Kumbi nkhwamampha kuti ŵanthukazi ŵarghenge ŵana ŵawo, ŵana ŵeniwo ŵanguŵaphwere? Kumbi nkhwamampha kuti mzukuru ndi mchimi ŵabayikenge viyo, mu malo ghakupaturika gha Ambuya?

Chitenje 2:22

Mungudana ulaka mpha zuŵa ladghera lakutemeka, ŵakundofya zingirizgi; ndipo pa zuŵa la ukari la Ambuya pengavi wakuthaŵa pamwenga wakujapo wamoyo; ŵeniwo ndingupakata ndi kuŵalera ŵakupindikana ŵangu ŵaŵamara wose.

Ezekiele 23:28

Pakuti viyo atiti Ambuya Chiuta: Awona, ndikakuperekanga ku manja ghakuwo iwe utinkha, ku manja ghaku wo iwe unguŵapata ndi kuŵanyoza;

Ezekiele 7:9

Ndipo jiso langu kuti likarekeliyanga, nanga nkhuŵa ndi lisungu cha; ndikakulanganinga kwakulingana ndi nthowa zinu, po maunyakazi ghinu ghe mukati mwinu. Sono mukaziŵanga kuti ine ndine Ambuya, wo apuma.

Ezekiele 8:18

Muchifukwa ichi ndikachitanga mwa ukari; jiso langu kuti likasiyangapo cha, nanga nkhuchita chitima; ndipo nanga ŵaliya mu makutu ghangu ndi kubangura kukuru, kuti ndikaŵavwanga cha.”

Ezekiele 9:10

Ine nane, jiso langu kuti likasiyangako kanthu cha, nanga nkhuti ndiŵi ndi lisungu naku so cha, kweni nkhawezgiyanga nchitu zawo pa muti yawo.”

Marangu 28:50

mtundu wa chisku cha kofya weniwo kuti ukaphwerenga unthu wa mura cha pamwenga kuchita lisungu ku mumana cha,