Yeremiya 21:4 - Tonga Bible 1986

⁴ “Mukakambe viyo kwaku Zedekiya, ‘Viyo atiti Ambuya, Chiuta waku Yisraele: Ehe, ndikawezgiyanga vuli vidya vya nkhondo vyo vye mu manja ghinu, vyenivyo imwe murwiya navyo pa karonga wa Babiloni ndi pa ŵaKaldiya wo ŵakuzingani kubwalo ku malinga; ndipo ndikaŵawunjikanga wose mukati mu msumba uwu.

Yeremiya 21:4 ပူးပေါင်းရင်းမြစ်များ

Yesaya 10:4

Palivi chakujako kweni kusindama pasi mukati mu ŵamagoŵa pamwenga kuwa mukati mu ŵakubayika. Mu chifukwa chose ichi, kukara kwake kuti kwarata kunyake cha ndipo janja lake leche kutambaruka.

Yesaya 13:4

Avwani, chiwawa pa mapiri, uli ncha chimpingu chikuru! Avwani, chimtimbaheka cha maufumu, cha mitundu yakuunjikana pamoza! Ambuya ŵa maŵanja aungang'a liŵanja la nkhondo.

Yesaya 5:5

Sono ndikakuneniyaninga, cho ndikachitanga ku munda wangu wa mphereska. Ndikapasuwanga lisitu lake, ndipo ukaliwanga: ndibwanganduliyenge pasi linga lake, ndipo ukaphwatikiyanga pasi.

Yeremiya 20:4

Pakuti atiti viyo Ambuya, Ehe, ndikakuchitanga chakofya kwaku wamweni ndi ku mabwezi ghako ghose. Ŵakabayikanga ndi lipanga la ŵakupindikana ŵawo, maso ghako ghachilereska. Ndipo ndikaperekanga Yuda yose mu janja la karonga wa Babiloni; ŵakayorekiyanga mu umkoli ku Babiloni, ndipo ŵakaŵabayanga ndi lipanga.

Yeremiya 21:3

Sono Yeremiya wanguti kwaku wo:

Yeremiya 32:24

Ehe, vidya vya ŵakuzinga vyafika ku msumba kuti ŵauthereske; ndipo chifukwa cha lipanga ndi chilala ndi chideru, msumba waperekeka ku ŵaKaldiya ŵeniwo ŵarwana ndi msumba wo. Chenicho imwe mungukamba chafiskika, ndipo ehe, mutichiwona.’

Yeremiya 32:3

Zedekiya karonga waku Yuda wangumujariya mu ukaidi, wanguti, “Chifukwa chine uchima ndi kunena kuti, ‘Viyo atiti Ambuya: Ehe, ndiperekenge msumba uwu mu janja la karonga wa Babiloni, ndipo wakautonga;

Yeremiya 32:5

wakarutanga nayo Zedekiya ku Babiloni, ndipo wamuja kwenikuwa mpaka penipo ndaruta kwachimuwona, atiti Ambuya; chingana ukarwanga ndi ŵaKaldiya, kuti ukaŵapundanga cha.’?”

Yeremiya 33:5

ŴaKaldiya ŵakazanga kuzachirwa ndi kuzizaza ndi viŵanda vya ŵanthu ŵeniwo ndikakosonga mu kukwiya kwangu ndi ukari wangu; pakuti ndabisa chisku changu ku msumba uwu chifukwa cha mautimbanizi ghawo ghose.

Yeremiya 35:17

Chifukwa cho, atiti Ambuya, Chiuta wa maŵanja, Chiuta waku Yisraele: Ehe, nditoliyenge paku Yuda ndi wose ŵakuja mu Yerusalemu uheni wose weniwo ndikuzumbuwa paku wo; chifukwa ndikurongoro nawo ndipo ŵalivi kutegherezga, ndaŵadanirizga kweni ŵalivi kwamuka.”

Yeremiya 39:3

Penipo Yerusalemu wangutoreka, ŵaraŵara wose ŵa karonga ŵa Babiloni ŵanguza ndi ŵanguja pasi mu likomo la pakati: Nergala-sharezere, Samagaranebo, Serasekimu mlonda mura, Nergalasharezere, mchimi mura, pamoza ndi nduna zose za karonga wa Babiloni.

Yeremiya 52:18

Ndipo ŵanguto mimphika, mafocholo, mbano, mabeseni, mbale za vyachema, ndi viyaŵi vyose vya mkuŵa vyakutataliya mu kasopi;

Chitenje 2:3

Adumuliya pasi mu kukara kwawo kwakofya nthazi zose za ŵaYisraele; awezgako kwaku wo janja lawo lamarghe mu maso gha ŵakupindikana nawo; awocha uli ndi moto wakukole mwaku Yakobe, kocha kuzunguliya kose.

Chitenje 2:5

Ambuya asanduka nge mbakupindikana, abwanganduwa Yisraele; abwanganduwa nyumba zake zose za ufumu, malinga ghake ghose apasuwa, ndi andaniska kutenje ndi kuliya mu charu chaku Yuda.

Chitenje 2:7

Ambuya ayeya chigaŵa chawo cha sembe, apata malo ghawo ghakupaturika; apereka vimati vya nyumba zake za ufumu mu janja la wakupindikana; kuliya kukuru kunguchitika mu nyumba ya Ambuya, nge mpha zuŵa la dghera lakutemeka.

Ezekiele 39:3

penipo ndikapumanga uta wako kujanja lako la maze, ndipo ndikawiskanga mivwi yako ku janja lako la marghe.

Hoseya 9:12

Chingana ŵangalera ŵana, kweni ndiŵabayenge pakuti paŵengevi yumoza wakuja ndi umoyo, chitima kwaku iwo po nkhapatukangako kwaku iwo!

Zekariya 14:2

Chifukwa ndiwunjikenge mitundu yose ya ŵanthu kurwana ndi Yerusalemu, ndipo msumba urondekenge ndi nyumba ziskoŵekenge, ndi ŵanthukazi ŵachichizgikenge; chigaŵa charwande cha msumba chiyorekenge kuruta ku uŵanda, kweni ŵanthu ŵakujako kuti ŵabayikenge cha mu msumba.

Mateyu 22:7

Karonga wangukalipa; ndipo wati watuma nkhondu zake, wangwananga ŵambandaŵa, ndipo wangocha muzi wawo.