Yeremiya 20:6 - Tonga Bible 1986

⁶ Ndipo iwe Pashuru, ndi wose ŵakuja mu nyumba yako, mukayanga mu umkoli mukarutanga ku Babiloni, ndipo mwamufwiya kwenikuwa ndi kuŵikika kwenikuwa, iwe ndi mabwezi ghako ghose, kwaku wo iwe wachima vyautesi.”

Yeremiya 20:6 ပူးပေါင်းရင်းမြစ်များ

Yesaya 9:15

Mura ndi munthu wa ulemu ndiyo mutu, ndipo mchimi yo wasambizga utesi ndiyo mchiya;

Yeremiya 14:13

Sono ndinguti, “Na, Ambuya Chiuta, ehe, ŵamchimi ŵatiti kwaku wo, ‘Kuti mukawonanga lipanga cha, chingana nkhuti mukaŵanga ndi chilala cha, kweni ndikakupaskaninga chimangu chakuneneska mu malo ghenighano.’ ”

Yeremiya 14:16

Ndipo ŵanthu, kwaku ŵeniwo ŵachimiya, ŵakapong'ekanga kubwalo mu miseu ya Yerusalemu, ŵakubayika ndi chilala ndi lipanga, pakaŵangavi ndi wakuŵaŵika, iwo, ŵawoli ŵawo, ŵana ŵawo ŵanthurumi ndi ŵana ŵawo ŵanthukazi. Pakuti ndikadiranga utimbanizi wawo paku iwo ŵeneko.

Yeremiya 20:1

Pashuru mzukuru, mwana waku Imere yo wenga wanchitu mura mu nyumba ya Ambuya, wanguvwa Yeremiya wachichima vinthu ivi.

Yeremiya 20:4

Pakuti atiti viyo Ambuya, Ehe, ndikakuchitanga chakofya kwaku wamweni ndi ku mabwezi ghako ghose. Ŵakabayikanga ndi lipanga la ŵakupindikana ŵawo, maso ghako ghachilereska. Ndipo ndikaperekanga Yuda yose mu janja la karonga wa Babiloni; ŵakayorekiyanga mu umkoli ku Babiloni, ndipo ŵakaŵabayanga ndi lipanga.

Yeremiya 23:32

Inya, ndimikana ndi wo ŵachima maloto ghatesi, atiti Ambuya, ndi ŵeniwo ŵati ŵanene ndi kuŵarongozge ŵanthu ŵangu kwaŵaka ndi mautesi ghawo ndi mphwayi zawo, penipo ine kuti ndinguŵatuma, chingana nkhuŵalanguliya cha; viyo kuti ŵatiŵanduliya ndi keni kamoza ŵanthu yaŵa cha, atiti Ambuya.

Yeremiya 29:32

chifukwa cho atiti Ambuya: Ehe, ndikalanganga Shemaya waku Nehelamu ndi mphapu yake: kuti wakaŵangapo wamoyo cha mukati mu ŵanthu yaŵa, wakuti wawone chamampha chenicho ine ndikachitiyanga ŵanthu ŵangu, atiti Ambuya, chifukwa warongoro chigaruka pa Ambuya.’ ”

Yeremiya 5:31

ŵamchimi ŵachima vyautesi, ndipo ŵazukuru ŵateruzga mo ŵakhumbiya iwo; ŵanthu ŵangu ŵatanja vyaviyo, kweni mwazamchitanji utakuti waza umari?

Chitenje 2:14

Ŵamachimi ŵako ŵakuwone iwe vyakuwona vyakupusika ndi vitesi; ŵalivi kuvumbuwa uheni wako, alinga kuti ŵawezge umampha wako, kweni ŵakuwone iwe vyakuwona vyakupusika ndi vyakukurandizga.

Ezekiele 22:28

Ŵamchimi ŵake ŵaŵapaka iwo ndi utotu utuŵa, ŵati ŵawone viwona vya kupusika ndi kuŵawombeze mawula gha utesi, ŵatiti, ‘Viyo atiti Ambuya Chiuta,’ penipo Ambuya kuti arongoro kanthu cha.

ŴaLevi 26:17

Ndikapindikananga namwe, ndipo mukapumikanga paurongo pa ŵamawongo ŵinu; ŵanthu ŵakumutinkhani ndiwo ŵakakuwusaninga, inya mwazamuthaŵa ndi penipo palivi wakumudikiskani.

Mika 2:11

Asani munthu wangenda ndi mtima wakupusika ndi kukamba utesi, ndi kuti, “Nkhataulanga kwaku iwe ndiza vinyo ndiso ndi vyakumwa vyakuloŵeleska,” ndiyo wangaŵa wakutaula wa ŵanthu yaŵa!

Zekariya 13:3

Ndipo asani munthu yumoza wawonekenge so nge ndi mchimi awiske ndi anyina wo ŵakumupapa ŵatenere kumenene kuti, ‘Uŵenge wa moyo cha, chifukwa ukamba utesi pa zina la Ambuya,’ ndipo awiske ndi anyina wo ŵakumupapa ŵamugwazi asani wachima.

Marangu 28:25

“Ambuya akamuchitaninga kuti mupundike paurongo pa ŵamawongo ŵinu, mukaŵayukiyanga nthowa yimoza ndipo mukathaŵanga nthowa zinkhonde ndi ziŵi paurongo pawo, ndipo mukagwedukiyanga pasi pa maufumu ghose gha charu chapasi.