Yeremiya 20:4 - Tonga Bible 1986

⁴ Pakuti atiti viyo Ambuya, Ehe, ndikakuchitanga chakofya kwaku wamweni ndi ku mabwezi ghako ghose. Ŵakabayikanga ndi lipanga la ŵakupindikana ŵawo, maso ghako ghachilereska. Ndipo ndikaperekanga Yuda yose mu janja la karonga wa Babiloni; ŵakayorekiyanga mu umkoli ku Babiloni, ndipo ŵakaŵabayanga ndi lipanga.

Yeremiya 20:4 ပူးပေါင်းရင်းမြစ်များ

2 ŴaKaronga 25:7

Ŵangubaya ŵana ŵaku Zedekiya paurongo pake, iyo mweneko ŵangumukolowo maso, ndi kumumanga mu matangaja wanguya nayo ku Babiloni.

Sumu 73:19

Ruŵi-ruŵi ŵabwanganduka; ŵasikiya ku umari wakofya!

Yeremiya 13:10

Ŵanthu ŵaheni yaŵa ŵeniwo ŵakana kuvwa mazu ghangu, wo ŵarondo mu unonono wa mtima wawo ndipo watataliya ŵachiuta ŵanyake, ŵakaŵangauli ndi lamba ili, lo kuti ndamampha ku kanthusocha.

Yeremiya 13:19

Mizi yaku Negebu yajarika, palivi yo wangayijura; Yuda yose wayoreke ku umkoli Ku umkoli wakufikapo.

Yeremiya 19:15

“Viyo atiti Ambuya ŵa maŵanja Chiuta waku Yisraele, Ehe, ndikatolenga pa msumba uwu ndi pa mizi yose uheni wose weniwo ndapataula paku wo, chifukwa ŵangangamiska khose lawo, ŵakana kuvwa mazu ghangu.”

Yeremiya 20:6

Ndipo iwe Pashuru, ndi wose ŵakuja mu nyumba yako, mukayanga mu umkoli mukarutanga ku Babiloni, ndipo mwamufwiya kwenikuwa ndi kuŵikika kwenikuwa, iwe ndi mabwezi ghako ghose, kwaku wo iwe wachima vyautesi.”

Yeremiya 25:9

ehe, ndikadananga mitundu yose yaku nkhonde atiti Ambuya, ndi Nebukadanezara karonga wa Babiloni, mteŵeti wangu, ndikaŵatoliyanga kuzachilimbana ndi charu ichi ndi ŵakujamo ŵake, kulimbana ndi mitundu yose iyi yakuchizingiriya. Ndikaŵamaranga tetete ndi kuŵachita chakofya, cha kusekeka, ndi chakuyeyeka muyaya.

Yeremiya 29:21

‘Ambuya atiti, Chiuta waku Yisraele, gha paku Ahabu mwana waku Kolaya ndi Zedekiya mwana waku Maseya, ŵeniwo ŵachima utesi kwaku imwe mu zina langu; Ehe, ndikaŵaperekanga mu janja laku Nebukadanezara karonga wa Babiloni, ndipo wakabayanga paurongo pa maso ghinu.

Yeremiya 46:5

Chifukwa chine ndachiwona? Ŵachita mantha ndi ŵawere vuli. Ŵankhondo ŵawo ŵawiskikiya pasi ndipo ŵathaŵa kwakutunthimika; kuti ŵalereska kulivi cha mantha ghe kose! atiti Ambuya.

Yeremiya 52:24

Ndipo nduna ya ŵakuvikiriya yinguto Seraya mzukuru mura, ndi Zefaniya mzukuru wachiŵi, ndi ŵalonda ŵatatu ŵapa mbuli,

Yeremiya 52:27

Karonga wa Babiloni wanguŵakoso, ndi kuŵabaya pa Ribla mu charu chaku Hamati. Viyo Yuda wangutoleka umkoli kumutuzga mu charu chake.

Yeremiya 6:25

Mungarutanga kwachisere mu minda, chingana nkhwenda mu museu cha; pakuti wakupindikanga wendi lipanga, mantha ghe posepose.

1 Samuele 2:33

Munthu yo ndikamusiyangako wamoyo kuteŵete jochero langu, maso ghake ghakachitanga chidima kudiska masozi ndi kusuzgika mtima, ndipo usambasi wose wa nyumba yako ukafwanga ndi lipanga la ŵanthu.