Yeremiya 20:2 - Tonga Bible 1986

² Sono Pashuru wangupuma Yeremiya mchimi yo, ndipo wangumumanga mu matangaja ghenigho ghenga mu Likomo laku Benjamini la panena la nyumba ya Ambuya.

Yeremiya 20:2 ပူးပေါင်းရင်းမြစ်များ

1 ŴaKaronga 13:4

Penipo karonga wanguvwa kakambidu ka munthu waku Chiuta, ko wangubongole pa chiguŵa cha sembe pa Betele, Yeroboamu wangutambaruwa janja lake kutuwa ku chiguŵa cha sembe wanguti, “Mukoni.” Ndipo janja lake, lo wangutambaruliya pake, lingumila gwa viyo kuti wangutondeka kuliwezge ku mweneko.

1 ŴaKaronga 22:27

Mukanene kuti, ‘Viyo ndimu wanene karonga, “Uyu munthu mumuŵike mu nyumba ya magoŵa, ndipo mumurghiske kurgha kumanavi ndi maji ghamanavi, mpaka po ine ndaza mu chimangu.” ’ ”

2 Mikoka 16:10

Penipo ndipo Asa wangukaripa ndi muwona wangumuŵika mu nyumba ya magoŵa, wangutundiya nayo pa chifukwa cha chinthu ichi. Ndipo Asa wangusuzga ŵanthu ŵanyake pa nyengo yeniyo.

2 Mikoka 18:23

Zedekiya mwana waku Kenani wangundere kufupi wangu mpuma ku dakama, wanguti, “Kumbi mzimu wa Ambuya ungwenda mu nthowa niyi kutuwa kwangu kwachirongoro ndi iwe?”

2 Mikoka 24:21

Kweni ŵangumuchitiya chiŵembo pakuronde langulu la karonga ŵangumudina ndi mya mu khonde mwa nyumba ya Ambuya.

Jobu 13:27

Muserezga marundi ghangu mumatangaja ndi mulereska nthowa zangu zose, ukuŵika chisimikizgu ku phazi la rundi langu.

Jobu 33:11

waŵika marundi ghangu mu matangaja, ndi walereska kenderu kangu kose.’

Yeremiya 1:19

Ŵakarwananga nawe kweni kuti ŵakakupundanga cha pakuti ine nde nawe pamoza kukupozomoska,” atiti Ambuya.

Yeremiya 26:10

Penipo ŵarawara ŵaku Yuda ŵanguvwa vinthu ivi, ŵanguza kutuliya ku nyumba ya karonga kuza ku nyumba ya Ambuya, ndipo ŵanguja pasi pa kuserere pa likomo Lifya la nyumba ya Ambuya.

Yeremiya 26:8

Ndipo penipo Yeremiya wanguti wamara kukamba vyose vyenivyo Ambuya angumulanguliya ku ŵanthu, ŵazukuru, ndi ŵamchimi, ndi ŵanthu wose ŵangumuko, ŵanguti, “Ukafwanga!

Yeremiya 29:26

‘Ambuya akukuŵika kuŵa mzukuru mu malo ghaku Yehoyada mzukuru, kuŵa ndi mtufu mu nyumba ya Ambuya pa munthu yose wakufuntha mweniyo wachima, kumuŵika mu gori ndi mu matangaja.

Yeremiya 36:26

Ndipo karonga wangulanguliya Yeramelu mwana wakaronga, ndi Seraya mwana waku Azariele ndi Shelemiya mwana waku Abdeli kwachiŵako Baruki mlembi ndi Yeremiya mchimi yo, kweni Ambuya anguŵabisa.

Yeremiya 37:13

Penipo wenga pa chipata chaku Benjamini, mulinda yo wanguŵapo wakudanika Irija mwana waku Shelemiya, mwana waku Hananiya, wangumuko Yeremiya mchimi, wanguti, “Upatuka iwe ku ŵaKaldiya.”

Yeremiya 37:21

Viyo karonga Zedekiya wangurangura, kuti ŵamuŵike Yeremiya mu bwalo la nyumba ya ukaidi; ndipo chimbanduka cha chingwa chiperekeke kwaku iyo zuŵa ndi zuŵa chakutuliya ka mseu wa ŵakubika, mpaka chingwa chose cha mu msumba chimari. Viyo Yeremiya wanguja mu bwalo la nyumba ya ukaidi.

Zekariya 14:10

Charu chose chiŵenge chidika kutuwa ku Geba kwachifika ku Rimoni ku mwera kwa Yerusalemu. Kweni Yerusalemu wajenge wakutumphuka pa malo ghake, kutuwa ku Likomo laku Benjamini kwachifika ku malo gha likomo la kale, ku Likomo laku chi Ngodya ndi kutuwa ku Msumba waku Hamanele kwachifika ku vyakupondiyamo mphereska vya karonga.

Mateyu 21:35

ŵalimi wo ŵanguko ŵaŵandaŵake, ŵangumpuma yumoza, munyake ŵangupong'a mya.

Machitidu gha Ŵakutumika 4:3

Ndipo ŵanguŵako, ŵanguŵaŵika mu ulinda mpaka mlenji, chifukwa sono kwenga mazulo.

Machitidu gha Ŵakutumika 5:18

wanguŵako ŵakutumika ndipo wanguŵataya mu ulinda wamasanga.

Machitidu gha Ŵakutumika 5:40

Ndipo ŵangukopeka ndi iyo: ndipo ŵati ŵadana ŵakutumika ndi ŵati ŵaŵakwechuwa, ŵanguŵakanizga kukamba mu zina lo laku Yesu, ndipo ŵanguŵafwatuwa.

Machitidu gha Ŵakutumika 7:52

Nunju wa ŵamchimi auskemwe ŵengavi kumndondoloska? Ndi ŵanguŵabaya wo ŵangutauliya limu ndi kazidu ka Murunji yo; mweniyo sono imwe mwakombo ndi mwabaya.

Chivumbuzi 17:6

Ndipo ndingumuwona munthukazi yo wakuloŵe ndopa za ŵakupaturika ndi ndopa za ŵakaboni ŵaku Yesu. Ndipo pakumuwona ndingurwita ndi chirwita chikuru.

Chivumbuzi 2:10

Ungopanga cha vyo ukomwenge. Awonani, diabolo yo wakhumba kupong'a ŵanyake ŵa mwaku imwe mu ulinda, alinga kuti mweseke; ndipo mukasuzgikanga mazuŵa chumi. Uŵe wamagomekezgeka mpaka nyifwa, ndipo nkhakupaskanga ndumbu ya umoyo.