Yeremiya 2:8 - Tonga Bible 1986

⁸ Ŵazukuru ŵengavi kukamba, ‘Ambuya ŵepani?’ Ŵakuko dangu kuti ŵangundiziŵa cha ine; ŵakuwusa ŵangundichimwiya; ŵamchimi ŵanguchimiya paku Bala, ndipo ŵangundondoloska mu vinthu vyambura kwanduwa kanthu.

Yeremiya 2:8 ပူးပေါင်းရင်းမြစ်များ

1 ŴaKaronga 18:22

Eliya wanguti ku ŵanthu, “Ine, ndipo ine pe, ndine ndajapo mchimi wa Ambuya; kweni ŵa mchimi ŵaku Bala mbanthu wo ŵe machumi pe chumi ghanayi ndi machumi ghankhonde (450).

1 ŴaKaronga 18:29

Unguti waruta msana pakati, ŵangurutiliya kujikweŵeska mpaka nyengo yakupereke visopo, kweni kwengavi limazu; pengavi yumoza wangwamuka, pengavi yo wanguphwereko.

1 ŴaKaronga 18:40

Ndipo Eliya wanguti kwaku wo, “Ŵakoni ŵamchimi ŵaku Bala, mungarekapo yumoza kuti wathaŵa cha.” Ndipo ŵanguŵako; sono wangusikiya nawo ku kamsinji ka Kishoni, ndipo ŵanguŵabayiya kwenikuwa.

Jobu 35:10

Kweni palivi yo watiti, ‘Wepani Chiuta Mlenge wangu, mweniyo wapaska sumu pa usiku pakati,

Yesaya 28:7

Yaŵa nawo ŵazendazenda ndi vinyo ŵazendazenda ndi vyakumwa vyakuloŵereska; mzukuru ndi mchimi ŵazendazenda ndi vyakuloŵereska, ŵatimbanizgika ndi vinyo, ŵazendazenda ndi vyakuloŵereska, ŵananga mu chiwona, ŵaguŵa pakupaska cheruzgu.

Yesaya 29:10

Pakuti Ambuya apunguliya paku imwe mzimu wa tulo tuzitu, ndipo ajara maso ghinu, mwa ŵamchimi, ŵavimba mitu yinu mwa ŵakuwukwa imwe.

Yesaya 30:5

we yose watuza ku chilengesku chakutuliya mu ŵanthu wo kuti ŵatiŵanduliya kanthu cha, wo kuti ŵatuza ndi chovyu pamwenga chanduwu cha, kweni chilengesku ndi soni.”

Yeremiya 10:21

Pakuti ŵaliska mbakupusa, kuti ŵafumbiriya ku Ambuya cha; chifukwa cho ŵalivi kwanduwa, ndipo viŵetu vyawo vyose vyaparghanika.

Yeremiya 12:10

Ŵaliska ŵanandi ŵabwanganduwa munda wangu wa mphereska, ŵapwatiya pasi chigaŵa chinga, charu changu cha kukondweska ŵachisanduska bozwa la uyiku.

Yeremiya 16:19

Ambuya mwe, nthazi yangu ndi linga langu lakukho, nchakudingang'amo changu, muzuŵa la suzgu, kwaku imwe mitundu yikazanga kutuwa ku vigoti vya charu ŵazamunena kuti, “Auskefwe kuti ŵaharapo so kanthu kanyake cha kweni mautesi pe, tunthu twambura ndi kanthu mwaku twenito mulivi kakwanduwamo.

Yeremiya 18:18

Sono iwo ŵanguti, “Tiyeni, timuchitiye vya chiŵembo Yeremiya, pakuti dangu kuti likamaranga cha ku mzukuru, chingana ndi fundu ku wazeru, chingana ndi mazu kutuwa ku mchimi. Tiyeni, timupume ndi lilime, ndipo tireke kuphwereko mazu ghake chingana ngamoza.”

Yeremiya 2:11

Kumbi mtundu ukusinthapo ŵachiuta ŵake, chingana iwo kuti mbachiuta ŵeneko cha? Kweni ŵanthu ŵangu ŵakusinthiskana unkhankhu wawo ndi cho kuti chitanduwa cha.

Yeremiya 2:6

Wengavi kukamba, ‘Ŵepani Ambuya ŵeniwo angutituzga mu charu cha Egipiti, ŵeniwo ŵangutirongozga mu bozwa, mu charu cha uyiku ndi mabuwu, mu charu cha chiparantha ndi cha mdima uzitu, mu charu chambura kuporotamo nanga njumoza, mwenimo kuti muja munthu cha?’

Yeremiya 4:22

“Pakuti ŵanthu ŵangu mbakupusa kuti ŵatindiziŵa cha; mbana ŵakupusa, ŵalivi kuwamo. Mbakuchenje mu kuchita uheni, kweni kuchita umampha kuti ŵaziŵa cha.”

Yeremiya 5:31

ŵamchimi ŵachima vyautesi, ndipo ŵazukuru ŵateruzga mo ŵakhumbiya iwo; ŵanthu ŵangu ŵatanja vyaviyo, kweni mwazamchitanji utakuti waza umari?

Yeremiya 7:8

“Ehe, imwe mugomekezga mu mazu ghakupusika ghambura kovya.

Yeremiya 9:14

kweni ŵangangamika kurondo mitima yawo; ndipo ŵandondoloska ŵaBala, nge ndimo anguŵarunguchizgiya auskeu.

Ezekiele 22:26

Ŵazukuru ŵake ŵatimbanizga dangu langu ndipo ŵakazuzga vinthu vyangu vituŵa; kuti ŵarongo kupambana pakati pa vituŵa ndi vyabura utuŵa cha, nanga nkhuti ŵasambizge kupambana kwa vyambura kutozgeka ndi vyakutozgeka ndipo ŵayuyuwa masabata ghangu, mwakuti ndapepulika mukati mwawo.

Ezekiele 34:2

“Mwana wa munthu, uchimi kumikana ndi ŵaliska ŵaku Yisraele, chima, uŵanene kuti, inya ku ŵaliska, Viyo atiti Ambuya Chiuta: Owe, ŵaliska ŵaku Yisraele imwe mwajiriska mwaŵeni! Kumbi asi ŵaliska ŵatenere kuliska mberere?

Hoseya 4:6

Ŵanthu ŵangu ŵanangika chifukwa chakuŵavi zeru, chifukwa mwapata zeru, ine nane nditukupata kuŵa mzukuru wangu. Chifukwa waruwa dangu laku Chiuta wako, nane ndiruwenge ŵana ŵako.

Habakuku 2:18

Kumbi chikozgo chakusema chitanduwa chine pa wachichita wakusema, chikozgo chakusongono, musambizgi wa mautesi? Chifukwa wakupanga wagomekezga mwaku cho wachipanga, penipo wapanga ŵangoza ŵambuwu!

Mateyu 16:26

Chifukwa kumovyengenji munthu, asani wanganduwa charu chose, kweni wataye umoyo wake? Pamwenga munthu wapaskenge chine nge ndi maronda gha umoyo wake?

Luka 11:52

Owe kwaku imwe, ŵachilangulu! Pakuti mwatuzgapo chakujuriya mziŵiru: mwaŵeni kuti munguseremu cha, ndi ŵakuseremu wo munguŵamika.”

Yohane 16:3

Ndipo vyenivi ŵachitenge chifukwa kuti ŵaziŵa Dada cha, chingana ndi ine.

Yohane 8:55

ndipo kuti mwaŵaziŵa cha; kweni ine ndituŵaziŵa, asani ndinganena kuti ndirive kuŵaziŵa ndiŵenge wakukozgana ndi imwe, mutesi, kweni ndituŵaziŵa, ndipo ndisunga mazu ghawo.

2 ŴaKorinte 4:2

Kweni takana vyachibisibisi vyasoni, taŵakwendaendamu uchenjezi cha, pamwenga ŵakuchitiya kwafuzi ndi mazu ghaku Chiuta cha, kweni mu karongoroledu ka uneneska wakujirongo ku njuŵi za munthu yose paurongo paku Chiuta.

Marangu 33:10

Ŵakarunguchizganga Yakobe vyeruzgu vinu ndi Yisraele dangu linu, wakaperekanga vya chema paurongo pinu ndi sembe yose yakocha pa jochero linu.

1 Samuele 12:21

rekani kupatukiya ku vinthu vyawaka vyo vilivi chanduwu nanga mbutaski, pakuti vyawaka.

1 Samuele 2:12

Ŵana ŵaku Eli ŵenga ŵanthu ŵambura kwenere; ŵengavi kuchitiya ulemu Ambuya.