Yeremiya 2:30 - Tonga Bible 1986

³⁰ Ndaŵapuma ŵana ŵinu kwambura kakwanduwapo, ŵalivi kuphwere kuwere ku umampha. Lipanga laku wamweni labaya ŵamchimi ŵako, uli ndi nkharamu yakurazuka.

Yeremiya 2:30 ပူးပေါင်းရင်းမြစ်များ

1 ŴaKaronga 19:10

Wanguti, “Ndachitiya sanje weniukongwa Ambuya, Chiuta wa maŵanja; pakuti ŵaYisraele ŵajowo phanganu linu, ŵabwangandukiya pasi viguŵa vinu vya sembe, ŵabaya ŵamchimi ŵinu ndi lipanga, ndipo ine, ine pe ndija ndajako, ndipo ŵapenja umoyo wangu, kuti akoso.”

1 ŴaKaronga 19:14

Wanguti, “Ndachitiya sanje Ambuya, Chiuta wa maŵanja weni ukongwa; pakuti ŵaYisraele ŵajowo phanganu linu, ŵataya pasi viguŵa vinu vya sembe, ŵabaya ŵamchimi ŵinu ndi lipanga, ndipo ine, ine pe ndija, ndajako, ndipo ŵapenja umoyo wangu, kuti ŵakoso.”

2 Mikoka 24:21

Kweni ŵangumuchitiya chiŵembo pakuronde langulu la karonga ŵangumudina ndi mya mu khonde mwa nyumba ya Ambuya.

2 Mikoka 28:22

Mu nyengo ya suzgu yake wanguŵa wakunangiya-nangiya ukongwa ku Ambuya mweniyo karonga Ahazi.

2 Mikoka 36:16

Kweni ŵanguseka ndi kuyuyuwa mathenga ghaku Chiuta ndi kuyeya mazu ghake, ŵanguŵa nyoza ŵamchimi ŵake, mpaka kandundu kaku Chiuta kanguŵayukiya ŵanthu ŵake, mpaka kungusoŵa chakupozge.

Nehemiya 9:26

“Ndipuuli ŵenga ŵa mtafu ndi ŵangukugalukiyani ndi ŵangutaya dangu linu ku msana kwawo ndi ŵangubaya ŵamchimi ŵinu, ŵeniwo ŵaŵachenjezganga kuti ŵaweriyenge kwinu, ndipo ŵangutukana ukongwa.

Yesaya 1:5

Chifukwa chine mukapumikiyanga-pumikiyanga, pakuti mugarukiya-garukiya? Mutu wose ngwakutama, mtima wose utufwa chipoyo.

Yesaya 59:3

Pakuti manja ghinu ghakazuzgika ndi ndopa ndi minwe yinu ndi uheni; milomo yinu yirondoro mautesi, lilime linu ling'ung'uta utimbanizi.

Yesaya 9:13

Ŵanthu kuti ŵangung'anamukiya kwake cha kwaku yo wanguŵakoso, chingana nkhupenja Ambuya nako cha.

Yeremiya 31:18

Ndamuvwa Efraimu wachichita chitima, ‘Mungundidikiska ndipo ndingudikiskika, nge ndi thole lambura kusambizgika; ndiwezgeni alinga kuti ndiŵe nge ndi kali pakuti imwe ndimwe Ambuya Chiuta wangu.

Yeremiya 46:14

“Ziŵiskani mu Egipiti, memezani mu Migidoli, memezani mu Mempisi ndi Tapanesi; nenani, ‘Mume ndipo murongosoleke, pakuti lipanga likarghanga kwakuzunguliya imwe!’

Yeremiya 5:3

Ambuya mwe, asi maso ghinu ghapenja uneneska? Imwe munguŵapuma, kweni kuti ŵanguvwa kuŵaŵa cha; imwe munguŵamara, kweni kuti ŵangukhumba kususkikacha. Ŵalimbiska visku vyawo kwakuruska jarawi ŵakana kung'anamuka mtima.

Yeremiya 7:28

Ndipo wamkuti kwaku wo, ‘Uwu ndi mtundu weniwo wengavi kuvwiya mazu gha Ambuya Chiuta wawo, ndipo kuti ŵanguronde langulu cha; uneneska wamara; ukudumulikako ku milomo yawo.

Chitenje 4:13

Ichi chenga chifukwa cha mauheni gha ŵamchimi ŵake ndi kunanga kwa ŵazukuru ŵake, ŵeniwo ŵangudiska mukati mwake, ndopa za ŵanthu ŵarunji.

Ezekiele 22:24

“Mwana wa munthu, kamba kwaku iyo kuti, Iwe ndiwe charu chambura kutozgeka, pamwenga kuwiyapo vuwa mu zuŵa la ukari.

Ezekiele 24:13

Uloso wake nkhufipiskika kwa ukazuzi wako. Chifukwa ndingwesa kukusuka kuti ungutozgeka cha kukufipirwa kwako, ndipo kuti ukatozgekanga so cha mpaka penipo ine ndakhorwa ndi kukara kwangu paku iwe.

Danyele 9:13

Nge ndimo kukurembeke mu dangu laku Mosese, soka lose ili laza paku ifwe, kweni tilivi kuromba lisungu la Ambuya Chiuta widu, kujiwezga ku uchikana marangu widu, ndi kuvwiya uneneska winu.

Zefaniya 3:2

Kuti uvwiya mazu cha, ukana kususkika. Ugomezga mwa Ambuya cha, kuti undere kwaku Chiuta wake cha.

Mateyu 23:29

“Owe kwaku imwe, mwa ŵalembi ndi mwa ŵaFarisi mwaŵakufuvya! Pakuti muzenga miunda ya ŵamchimi, ndipo mudghoŵeska masano gha ŵarunji,

Machitidu gha Ŵakutumika 7:52

Nunju wa ŵamchimi auskemwe ŵengavi kumndondoloska? Ndi ŵanguŵabaya wo ŵangutauliya limu ndi kazidu ka Murunji yo; mweniyo sono imwe mwakombo ndi mwabaya.

1 ŴaTesalonika 2:15

Wo nawo ŵangubaya Ambuya Yesu ndi ŵamchimi, ndipo ŵangutidikiska ifwe, ŵambura kumkondweska Chiuta, ndipo mbakumikirana ndi ŵanthu wose;

Chivumbuzi 16:9

Ndipo ŵanguŵawuka ŵanthu ndi chifundizi chikuru: sono ŵangulituka zina laku Chiuta, mweniyo wenga ndi mtufu pa videru vyenivyo; ndipo kuti ŵangubezga ndi kumpaska iyo unkhankhu cha.