Yeremiya 2:25 - Tonga Bible 1986

²⁵ Kanizga maphazi ghako kuŵa ghambura skapato ndi chigolomelo chinu chambura nyota cha. Kweni imwe munguti, ‘Palivi kakulindizga, pakuti ndanja ŵalendo, ndirutenge kuŵalondo.’

Yeremiya 2:25 ပူးပေါင်းရင်းမြစ်များ

2 Mikoka 28:22

Mu nyengo ya suzgu yake wanguŵa wakunangiya-nangiya ukongwa ku Ambuya mweniyo karonga Ahazi.

2 Mikoka 28:23

Pakuti wangupereka sembe ku ŵachiuta ŵaku Damasko wo ŵangumuthereska, ndi wanguti, “Chifukwa chakuti ŵachiuta ŵa ŵakaronga ŵaku Siriya ŵanguwovya, nkhaperekanga sembe kwaku wo mwakuti ŵandovye ine.” Kweni ŵanguŵa phasulu kwaku iyo ndi kwaku Yisraele yose.

Yesaya 2:6

Pakuti imwe mwajowo ŵanthu ŵinu nyumba yaku Yakobe, chifukwa ŵazazika ndi ŵavyanusi ŵakutuwa ku vuma, ndi ŵakuwukwa uli mba ŵa Filisti, ndipo ŵazomerezgana ndi ŵalendo.

Yesaya 57:10

Munguvuka ndi utali wa nthowa yinu, kweni mwengavi kukamba, kuti, “Palivi gomezgu”; nthazi yinu munguyisaniliya umoyo ufya, chifukwa cho kuti mungulakatuka cha.

Yeremiya 13:21

Mukakambanganji asani ŵamika kuŵa nge ndi mutu paku imwe ŵeniwo imwe mwaŵeni mungusambizga kuŵa ŵakovwana namwe? Asi kuŵaŵa kukamukukaninga, uli nkhwamunthukazi wakupapa?

Yeremiya 13:22

Ndipo asani mukakambanga mu mitima yinu, ‘Chifukwa chine vyatiziya vinthu ivi?’ Nchifukwa cha ukuru wa utimbanizi winu, viketi vinu vya kungunikiya muchanya, ndipo mutuvwa kupwetekeka kukuru.

Yeremiya 14:10

Viyo atiti Ambuya ghapa ŵanthu yaŵa: “Ŵanja kuyingayinga kwa viyo, ŵalivi kukanizga marundi ghawo; chifukwa cho Ambuya kuti ŵati ŵaronde cha. Sono ŵakakumbukanga mautimbanizi ghawo, ndi kulanga mauheni ghawo.”

Yeremiya 18:12

“Kweni iwo ŵatiti, ‘Palivi kanthu! Tikarondonga vyo tighanaghana taŵeni, ndipo we yose wakachitanga nge ndimo mtima wake uheni wangangamikiya.’

Yeremiya 2:31

Ndipo imwe mwa ŵale phwereni mazu gha Ambuya. Kumbi ine ndaŵa bozwa kwaku Yisraele, pamwenga charu cha mdima uzitu? Na chifukwa nchine ŵanthu ŵangu ŵatiti, ‘Te ŵanangwa tizengeko so cha kwinu’?

Yeremiya 22:20

“Ruta kwera ku Lebanoni, ukabongo, ndi ukasoske mazu ghako mu Bashani; ukabongo mu Abarimi, pakuti mabwezi ghako ghose ghaphwanyika.

Yeremiya 22:21

Ndingurongoro nawe mu kusakata kwako, kweni iwe unguti, ‘Kuti ndivwengeko cha.’ Umu ndimu yaŵiya nthowa yako kutuwa ku uhurwa wako, kuti wavwiya mazu ghangu cha.

Yeremiya 3:13

Zomera waka kulakwa kwako, kuti ungugarukiya Ambuya Chiuta wako ndipo unguparghaniya mwaŵi wako mu ŵalendo pa sina pa muti wose uŵisi, ndi kuti ulivi kuvwiya mu mazu ghangu, atiti Ambuya.

Yeremiya 44:17

Kweni tikachitanga chose cho tikupangana ndi rapu, koche vyachema fumukazi ya kuchanya, ndi kumpaska chisopo chakudira, nge ndimo tachitiyanga tose ifwe, auskefwe, ŵakaronga ŵidu ndi ŵaraŵara ŵidu, mu misumba yaku Yuda ndi mu miseu ya Yerusalemu. Pakuti pa nyengo ndipo tengavi kuwona kaheni.

Chitenje 1:2

Uliya kwakuŵala ndi usiku, masozi pa matama ghake. Mu ŵakwanjiwa ŵake wose palivi nanga njumoza, waku wusangaruska; mabwezi ghake ghose ghaŵa ghakumutinkha, ghasanduka ŵamawongo ŵake.

Chitenje 4:4

Lilime la wakonkha likaniriya ku chavu cha mlomo wake, chifukwa cha nyota; ŵana wapempha kurgha, kweni palivi yo watuŵapaska.

Ezekiele 20:32

“Cho chemu mtima winu kuti chikaŵangako cha pa kughanaghana kuti, ‘Tiŵe nge ndi mitundu, nge ndi mafuku gha vyaru, tisopenge muti ndi mwa.’

Hoseya 2:3

Vinu ndingamuzuwa saru ndi wangaja nkhuli ndi kumumika nge ndi zuŵa la kawi kake. Ndingamusanduska nge ndi lisuwa, ndi kumusanduska nge ncharu cha chiparamba, ndi kumubaya ndi nyota.

Hoseya 2:5

Chifukwa nyinawo wachita ureŵi; yo wanguŵapapa wachita chilengesku. Chifukwa wanguti, ‘Ndirondonge ŵakundanja, wo ŵandipaska vyakurgha vyangu ndi maji ghagu, weya wangu ndi thonji langu, mafuta ghangu ndi chakumwa changu.’

Malaki 3:14

Mwakati, ‘Nchaŵaka kuteŵete Chiuta. Kumbi umampha ngune kuti tisungi marangu ghake, pamwenga ŵakwenda nge tiliya pa maso pa Ambuya ŵa maŵanja?

Luka 15:22

Kweni wiske wanguŵanene ŵaŵanda ŵake, ‘Ruŵi tonipo munjirira wakuruska, ndi mvwalikeni; ndipo ŵikani ndandati pa janja lake, ndi viyatu pa marundi ghake;

Luka 16:24

Ndipo iyo wangukuta, wanguti, ‘Ada Abrahamu, ndifwiyeni lisungu, tumani Lazaro, alinga kuti wabizge songu ya munwi wake mu maji, ndi waziziriske lilime langu; pakuti ndirumwiskika mu mlipu uwu.’

ŴaRoma 8:24

Chifukwa ndi chigomekezgu cho tataskika: kweni chigomekezgu chakuwoneka kuti nchigomekezgu cha: chifukwa njani wagomekezga chenicho wawona?

Marangu 28:48

chifukwa ichi mukatewetiyanga ŵamawongo ŵinu ŵeniwo Ambuya akatumanga kurwana namwe, mu nja, mu nyota, mu ukavu, ndi mu usauchi wa vinthu vyose; akaŵikanga goli la chisulo mu khosi linu, mpaka penipo amuparghang'ani.

Marangu 32:16

Ŵangumuyuska kuŵa ndi sanji ndi ŵachiuta ŵalendo, ndi machitidu ghaukazuzi ŵangumukalipiska.