Yeremiya 2:19 - Tonga Bible 1986

¹⁹ Uheni winu ukudikiskeninga, ndipo kureka kusopa kukakuchenyaninga. Ziŵani, ndi wonani, kuti imwe pakureka Ambuya Chiuta winu mbuheni ndi kuŵaŵa kwaku imwe; kundopa ine mulivi mwaku imwe, atiti Ambuya Chiuta wa maŵanja.

Yeremiya 2:19 ပူးပေါင်းရင်းမြစ်များ

1 ŴaKaronga 18:18

Ndipo wangwamuka, “Ine ndirivi kusuzga Yisraele, kweni iwe ndiwe wachita ichi, ndi nyumba ya ausu, chifukwa mukujowo malangulu gha Ambuya, mukurondo ŵa Bala.

2 Mikoka 12:5

Shemaya mchimi wanguza kwaku Rehoboamu ndi ku ŵana ŵa karonga ŵaku Yuda wo ŵanguwungana ku Yerusalemu chifukwa chaku Sheshaki, ndi wanguti kwaku wo, “Ambuya atiti, ‘Mwandijowo ine, nane so ndamrekani mu janja laku Sheshaki.’ ”

2 Mikoka 21:10

Kweni ŵaEdomu ŵangugaruka mbwenu kuti ŵareke kuwa pasi paku Yuda mpaka kunu kule. Nyengo yo Libina nayo wangugaruka kutuwa mu muwusu wake, chifukwa iyo wangujo wo Ambuya Chiuta wa ŵambuyake.

2 Mikoka 25:16

Kweni weche kukamba, karonga wanguti kwaku iyo, “Kumbi takumika kuŵa mpangi-fundu wa karonga? Chetama! Vinu ungabayika?” Viyo mchimi wanguchetama, kweni wanguti, “Ndaziŵa kuti Chiuta wadumuwa kukubaya chifukwa wachita ichi ndipo kuti wavwiya fundu yangu cha.”

Sumu 36:1

Kwananga kwa wamphurupuru kukamba mukati mu mtima wake; palivi kopa Chiuta paurongo pa maso ghake.

Chituwa 33:6

Viyo ŵaYisraele ŵanguzuwa vyakujinozgeska vyawo, kwamba pa phiri Horebe kuya kuurongo.

Nthanthi 1:31

chifukwa cho ŵakarghanga chipasi cha nthowa yawo ndi kuŵa ŵakuguta ndi fundu za ŵeneko.

Nthanthi 1:32

Pakuti ŵanamana ŵabayika ndi nthowa yawo yachiwerevuli, ndipo kujikhorwa kwaŵakupusa kutuŵananga ŵeneko;

Nthanthi 5:22

Mphurupuru za muheni zitumuthya ndipo wawira mu kuchita kwa uheni wake.

Yesaya 3:9

Ŵakaboni ŵawo ŵatesi ŵachita ukaboni paku wo, ŵamemeza uheni wawo nge ndi Sodomu, kuti ŵatiwubisa cha. Owe kwaku iwo! Pakuti ŵajitole uheni pa ŵeneko.

Yesaya 5:5

Sono ndikakuneniyaninga, cho ndikachitanga ku munda wangu wa mphereska. Ndikapasuwanga lisitu lake, ndipo ukaliwanga: ndibwanganduliyenge pasi linga lake, ndipo ukaphwatikiyanga pasi.

Yesaya 50:1

Viyo atiti Ambuya, “Wepani karata wa chipata wa anyoko, mweniyo ndinguŵapatiyapo? Pamwenga nkhu wamateu nunju yo ndingukuguliskako? Ehe, unguguliskika chifukwa cha maulakwi ghako, chifukwa cha mautimabanizi ghako reka anyoko angupatika.

Yeremiya 1:16

Ndipo ndikakambanga vyeruzgu vyango pako wo, pa mauheni ghawo ghose pakundireka ine; ŵawoche vya chema ŵa chiuta ŵanyake ndipo ŵasopa nchitu za manja gha ŵeneko.

Yeremiya 13:22

Ndipo asani mukakambanga mu mitima yinu, ‘Chifukwa chine vyatiziya vinthu ivi?’ Nchifukwa cha ukuru wa utimbanizi winu, viketi vinu vya kungunikiya muchanya, ndipo mutuvwa kupwetekeka kukuru.

Yeremiya 2:17

Asi ndimwe mwaŵeni mwajidaniya uheni uwo kuti ukuziyeni pakureka Ambuya Chiuta winu, penipo wangukurongozgani mu nthowa?

Yeremiya 3:22

“Weniko mwa ŵana ŵambura magomezgeka mwe, ndikakuchizganinga kuti muŵe ŵamagomezgeka.” “Ehe, tituza kwinu; pakuti imwe ndimwe Ambuya Chiuta widu.

Yeremiya 4:18

Nthowa zinu ndi machitidu ghinu ndivyo vyatore ivi paku imwe Iyi ndi suzgu yako, ndipo njakuŵaŵa.”

Yeremiya 5:22

Kumbi kuti mutindopa cha ine? atiti Ambuya; Kumbi kuti mumbwambwanthiya cha paurongo pangu? Ndinguŵikapo mchenga nge ndi mphaka ya nyanja, ndi dangu la muyaya kuti yireke kurutiliyapo, chingana mayigha ghapumeko, kuti ghangayijumpha cha, nanga ghawuruma, kweni kuti ghangarutiliya yapa cha.

Yeremiya 5:24

Kuti ŵakamba cha mu mitima yawo, ‘Tiyeni topenge Ambuya Chiuta widu, mweniyo wapaska vuwa mu nyengo yake, vuwa yamtumbuku ndi ya chipwepwe, ndipo watitiŵikiya ŵasabata ŵakupaturikiya kuvuna.’

Yeremiya 5:6

Chifukwa chenichi nkharamu yakutuwa ku dondo yazakuŵabaya, mphumphi yakutuwa ku bozwa yazakuŵamara. Nyalubwe wakhazga mu mizi yawo, we yose wakutuwa mwaku yo wakaparurikanga tumanatumana; chifukwa vyakulakwa vinandi; kuwere vuli kwawo nkhukuru.

Yeremiya 7:19

Kumbi ndine mweniyo ŵasosomo atiti Ambuya? Kumbi kuti ndiwo ŵeneko cha, wo ŵatijitimbanizga?

Yeremiya 8:5

Na chifukwa chine ŵanthu yaŵa ŵapatukiya kunyake, ŵawere vuli kwambura kuweko? Ŵakoreska kupusika, ŵakana kuweko.

Ezekiele 23:30

ndivyo vyakutore iwe vinthu ivi, chifukwa unguchita ureŵi ndi mitundu, ndi kujikazuzga iwe wamweni ndi ŵangoza ŵawo.

Ezekiele 39:24

Ndinguŵachitiya kwakuyana ndi kufipiskika kwawo ndi majumphu ghawo, inya ndingubisa chisku changu kwaku iwo.

Hoseya 11:7

Ŵanthu ŵangu ŵaŵika mitima yawo pakutuwako kwaku ine; viyo ŵarongozgeke ku goŵa, ndipo palivi yumoza walituzgengeko.

Hoseya 13:9

Ndikuparghang'enge iwe, Yisraele; ndiyani wangakovya?

Hoseya 14:1

Yisraele uwere kwa Ambuya, Chiuta wako, pakuti waguŵa chifukwa cha ubendezi wako.

Hoseya 4:16

Yisraele wangangamika nge ndi ng'ombe yinthukazi yimana; kumbi sono Ambuya angaziŵa kuŵaliska nge ndi mwana wa mberere mu dambo lisani?

Hoseya 5:5

Kujikuzga kwaku Yisraele kusimikizga pa maso pake; Efraimu waguŵenge mu kwananga kwake; Yuda nayo waguŵenge pamoza nayo.

Hoseya 7:2

Kweni ŵaghanaghana cha kuti ndikumbuka nchitu zawo zose ziheni. Sono milimu yawo yaŵazinga, ye pa maso pangu.

Hoseya 9:1

Ungasakeriyanga cha, Yisraele! Ungajikuzgana nge mba mitundu chifukwa wachita ureŵi, pakusiya Chiuta wako. Wanja mphoto ya munthukazi mureŵi pa chitanthali chose cha trigu.

Amosi 8:10

Ndisanduskenge madghera ghinu kuŵa chitenje, ndi sumu zinu zose kuŵa chitenje; ndivwalikenge viwunu vinu vyose ndi vigudulu, ndi phara pa mutu wose; nkhachichitanga nge nchitenje chapa mwana yumoza pe munthurumi, ndi umari wake nge ndi zuŵa la urwirwi.

Mika 1:5

Ivi vyose vyaŵako chifukwa cha ulakwi waku Yakobe ndi mauheni gha nyumba yaku Yisraele. Kumbi ulakwi waku Yakobe ngune? Kumbi kuti ndi Samaria cha? Ndipo ulakwi wa nyumba yaku Yuda ngune? Kumbi kuti ndi Yerusalemu cha?

Zekariya 7:11

Kweni wangukana kuvwiya, ŵangusukung'a maphewa, ndi kujara makutu mwakuti ŵareke kuvwa.

ŴaRoma 3:18

“Palive chopu chaku Chiuta pa maso pawo.”

Ŵeruzgi 10:13

Kweni imwe mwandijowo ndi kutataliya ŵachiuta ŵanyake; chifukwa cho kuti ndikamupozomoskaninga so cha.