Yeremiya 2:18 - Tonga Bible 1986

¹⁸ Ndipo sono mutanduwapunji pakuya ku Egipiti kwachimwa maji gha mu Nile? Pamwenga mutanduwapunji pakuya ku Asiriya kwachimwa maji mu Efrate?

Yeremiya 2:18 ပူးပေါင်းရင်းမြစ်များ

2 Mikoka 28:16

Pa nyengo yiya karonga Ahazi wangutuma mazu ku karonga waku Asiriya kupempha chovyo.

Yesaya 23:3

Kuza kwauromba winu kwenga kurgha kwa Shihora, vuna wa Nile, mwenga ŵamalonda ŵa mitundu.

Yesaya 31:1

Soka kwaku wo ŵasikiya ku Egipiti kupenja chovyu ndipo ŵagomekezga mu ŵakavalo, wo ŵagomekezga mu unandi wa magareta ndi mu ŵakukwera pa ŵakavalo pakuti mba nthazi ukongwa, kweni kuti ŵalereska ku Mtuŵa Yumoza yo waku Yisraele cha, pamwenga kufumba Ambuya!

Yesaya 7:20

Mu zuŵa lo Ambuya akametanga ndi lwembe lo labwerekeka pa sirgha la msinji wo pamoza ndi karonga wa Asiriya mutu ndi cheya cha mu marundi, ndipo likametanga ndi mwembe viyo.

Yeremiya 2:36

Kwa muyaya mutachikamba ndi mphwayi kusintha nthowa yinu! Mukalengeskekanga ndi Egipiti uli ndimo mungulengeskeke ndi Asiriya.

Yeremiya 31:22

Mpaka zuŵanji ukayingangayinganga, wa mwana munthukazi wambura magomezgeka? Pakuti Ambuya achita chinthu chifya, pa charu chapasi: munthukazi ndiyo wavikiriya munthurumi.”

Chitenje 4:17

Maso ghidu ghatondeka talindizga chovyo nyengo yose kweni kwawaka; mu kulindizga kwidu tingulindizga, mtundu weniwo kuti unguziŵa kutaska cha.

Chitenje 5:6

Tichita kuko rundi ku ŵaEgipiti ndiku Asiriya, kuti tiŵe ndi kurgha kwakuguta.

Ezekiele 16:28

Asiriya nawo unguchita nawo so ureŵi, chifukwa wengavi kuguta; inya, unguchita nawo ureŵi, ndipuuli kuti ungukhorwa cha.

Ezekiele 17:15

Kweni wangumugarukiya pakutuma ŵamirizi ku Egipiti, kuti ŵamupaske ŵakavalo ndi nkhondo yinandi. Kumbi wakaruskanga? Kumbi wangapozomoka munthu wakuchita ivi? Waswe phanganu ndi kupozomoka?

Ezekiele 23:30

ndivyo vyakutore iwe vinthu ivi, chifukwa unguchita ureŵi ndi mitundu, ndi kujikazuzga iwe wamweni ndi ŵangoza ŵawo.

Hoseya 5:13

Po Efraimu wanguwona utenda wake, ndi Yuda wanguwona chironda chake, Efraimu wanguruta ku Asiriya ndi kutuma mazu ku karonga mkuru. Kweni iyo kuti waziŵa kumuchizgani cha pamwenga kuchizga chironda chinu.

Hoseya 7:11

Efraimu wenge ndi nkhunda, yakupusa ndi yambura zeru; wadana ku Egipiti, watiya ku Asiriya.

Yoswa 13:3

(kutuwa ku Shihono, ko nkhuvuma kwa Egipiti kurata ku nkhonde ku mphaka ya Ekroni wo uziŵikwa nge ndi Kanani; kwe ŵeruzgi ŵankhonde ŵa ŵaFilisti, wo ŵaku Gaza, Ashidodi, Ashikeloni, Gata, ndi Ekroni), ndi wo ŵaku Avimu,