Yeremiya 2:15 - Tonga Bible 1986

¹⁵ Nkharamu zamuwurumiya, zamukorome kwakubangula. Zapopeska charu chake; mizi yake njakupasuka, mulivi wakujamo.

Yeremiya 2:15 ပူးပေါင်းရင်းမြစ်များ

Yeremiya 4:7

Nkharamu yatuwa mu thundu lake, wakupasuwa mitundu wasoka; waruta kutuwa ku malo ghake kwachichita mapopa, charu chinu; mizi yinu yikaŵanga yakubwanganduka, yambura wakujamo.

Yeremiya 50:17

“Yisraele ndi mberere yakupenjeka yo yadikiskika ndi zinkharamu, Pakudanga karonga wa Asiriya wangumuparuwa, ndipo sono pa umari Nebukadanezara karonga wa Babiloni waphwanya viwanga vyake.

Yeremiya 9:11

Ndikachitanga Yerusalemu ndundu, ya vyakunangika, mphanji mwakugona ŵakambwe; ndipo ndikayichitanga mizi yaku Yuda kuŵa mapopa, yambura ŵakujamo.”

Yesaya 5:29

Kuuruma kwawo kwe nge nkhwa nkharamu, ŵauruma nge ndi nkharamu zampupuka; ŵajuma ndi kuko nyama yawo, ŵaruta nayo, ndipo palivi yo wangapokeska.

Yesaya 1:7

Charu chinu nchamapopa, mizi yinu yocheka ndi moto; mu maso ghakumwaŵeni ŵalendo ŵaphwanya charu chinu; nchamapopa, nge chatereskeke ndi ŵalendo.

Zefaniya 3:6

“Ndananga mitundu ya ŵanthu; malinga ghawo ghapasuka. Ndaparghang'a miseu yawo, viyo palivi yumoza watendamo; misumba yawo yapasuka, mulivi munthu, mulivi wakujamo.

Zefaniya 2:5

Soka kwaku imwe mwakuja mumphepete mu nyanja, imwe mtundu wa Kerete! Mazu gha Ambuya ghamikana nawe, iwe Kanani, charu cha ŵaFilisti, ndikuparghang'enge mpaka penipo mulive nanga njumoza wakujamo.

Zefaniya 1:18

Chingana ndi siliva pamwenga golide wawo kuti viŵenge ndi nthazi cha kuŵataska mu zuŵa la ukari wa Ambuya. Mu moto wa ukari wa sanji yawo, charu chose chifyenge; ndipo amarizgenge ruŵiruŵi wose wo ŵaja mu charu.

Nahumu 2:11

Mphanji ya nkharamo ye pani, ndi mphanji ya nkharamo zampupuka, ko nkharamo yingutole nyama yake, kweniko kwenga ŵana ŵake, kwambura kofyeka ndi kanthu?

Amosi 3:12

Viyo atiti Ambuya: “Nge ndimliska wapokeska vigha viŵi, pamwenga chipikita cha gutu kutuwa mu mlomo wa nkharamu, viyo ndimo ŵaYisraele wo ŵaja mu Samaria ŵamufwanthamukiya, ndi nyondo ya kachita ndi chita chikuru.”

Amosi 3:8

Nkharamu yichibangula; ndiyani wareka kopa? Ambuya Chiuta wakamba; ndiyani wangareka kuchima?”

Amosi 3:4

Kumbi nkharamu yingabangula mudondo, asani yilivi nyama? Kumbi mwana wa nkharamu wabangula ku mphanji yake asani walivi kurgha kanthu?

Hoseya 11:10

Ŵakarondonga Ambuya, Ambuya akoromenge nge ndi nkharamu, inya akoromenge, ndipo ŵana ŵake ŵakazanga ndi chitenje kutuwa ku zambwe.

Hoseya 5:14

Chifukwa ndiŵenge kwaku Efraimu nge ndi nkharamu, ndi nge ndi nkharamu yimana ku nyumba yaku Yuda. Ine, nadi ine, ndiparuwenge ndi kutuwapo, ndikonge ndipo palivi yo wangataska.

Ezekiele 5:14

Ndipo so ndikakuchitaninga phasulu ndi chinthu chakuwereka mukati mu mitundu yakumuzingirizgani ndi mu maso ghaku wose ŵakujumphapo.

Yeremiya 44:22

Ambuya kuti anguziŵa cha kukiyakiya, kukunthiyapo machitidu ghinu ghaheni, ndi maukazuzi gho munguchita; chifukwa cho charu chinu chaŵa mapopa ndi phasulu, ndi thembo, mwambura wakujamo, ndimo chiliri msana wale.

Yeremiya 34:22

Ehe, ndikalanguranga, atiti Ambuya, ndipo ndikaŵawezgiyanga ku msumba uwu; ndipo ŵazamukurwa nawo, ndi kuwocha ndi moto. Ndikachitanga misumba yaku Yuda kuŵa mapopa mwambura wakujamo.”

Yeremiya 33:10

“Viyo atiti Ambuya: Mu malo yagha ghenigho mutighanena kuti, ‘Ndi mapopa mwambura munthu pamwenga nyama,’ mu misumba yaku Yuda ndi miseu ya Yerusalemu yeniyo nja uyiku, yambura munthu, pamwenga wakujamo, pamwenga nyama, mwazamuvwika so

Yeremiya 26:9

Chifukwa chine wachimiya mu zina la Ambuya kuti, ‘Nyumba iyi yikaŵanga uli ndi Shilo, ndipo msumba uwu ukaŵanga mapopa, mwambura munthu wakujamo?’ ” Ndipo ŵanthu wose ŵanguunjikana kwakuzunguliya Yeremiya mu nyumba ya Ambuya.

Yeremiya 25:30

“Viyo iwe, ukachimanga paku iwo mazu yagha ghose, ndipo ukanenanga kwaku wo. ‘Ambuya akaurumanga kutuliya kuchanya kutuwa ku malo ghawo ghakujamo ghakupaturika, ŵakakambanga mazu ghawo; ŵakaurumanga ndi nthazi kumikana ndi khora lawo, kubangula, nge ndiwo ŵakanda mphereska, paku wo mbakuja mu charu chapasi.

Yeremiya 5:6

Chifukwa chenichi nkharamu yakutuwa ku dondo yazakuŵabaya, mphumphi yakutuwa ku bozwa yazakuŵamara. Nyalubwe wakhazga mu mizi yawo, we yose wakutuwa mwaku yo wakaparurikanga tumanatumana; chifukwa vyakulakwa vinandi; kuwere vuli kwawo nkhukuru.

Yesaya 24:1

Ehe, Ambuya akachitanga mapopa charu chapasi ndikuchisanduska phasulu, kushigadabuwa kapingizgori kumbininiska ŵakujamo.

Yesaya 6:11

Sono ine ndinguti, “Mpaka zuŵanje, Ambuya?” Ndipo iwo anguti: “Mpaka penipo mizi yaŵa mapopa mwambura ŵakujamo, ndi zinyumba zambura ŵanthu, ndipo charu chaŵiya limu uyiku.

Yesaya 5:9

Ambuya ŵa maŵanja arapa mu makutu ghangu: “Kwakuneneska nyumba zinandi zikaŵanga makunthu, nyumba zikuru ndi zamanyanda, mwambura munthu wakujamo.

Sumu 57:4

Ndigona mukati mu zinkharamu zo zendi chirghoko chakuthwazuwa ŵana ŵa ŵanthu; minyu ghawo ndi mikondo ndi mivwi, malilime ghawo ndi malipanga ghakuthwa.

Jobu 4:10

Kukoroma kwa nkharamu, mazu gha nkharamu yakofya, minyu ghankharamu zampupuka ghafyoka.

Ŵeruzgi 14:5

Sono Samsoni, awiske ndi anyina wanguruta ku Timina, ŵanguza ku minda ya mphereska yaku Timna. Ndipo ehe nkharamu ya mpupuka yingumukorome;

Yeremiya 51:38

“Ŵakakoromiyanga pamoza uli ndi nkharamu; ŵakaliyanga nge mbana ŵa nkharamu.

Ezekiele 36:3

chifukwa cho, chima, unene kuti, viyo atiti Ambuya Chiuta: Chifukwa, inya chifukwa chakuti ŵangukuchitani phasulu, ŵangukubwanganduwani kose kose, mwakuti mungusanduka chihara cha ŵamitundu wo ŵakujako, ndipo munguŵa mu mlomo ndi kunyozeka kuheni ndi ŵanthu,

Zekariya 11:3

Ivwa, kuliya kwa ŵaliska, chifukwa unkhankhu wawo wapasuka! Ivwa kubangula kwa nkharamu, chifukwa matundu gha pa Yordane ghaŵa chiparamba.

Yeremiya 6:8

Uchenjezgeke, Yerusalemu we, vinu ndingatuwako ine kwako; vinu ndingakuchita kuŵa mapopa, charu chambura ŵanthu.”

Yeremiya 9:10

“Dangani kuliya ndi kwenjerwa chifukwa cha mapiri, tenjeni chifukwa cha mauliska gha mubozwa, chifukwa ghachitika mapopa palivi yo waporotamo, ndipo kubama kwa ng'ombe kuti kuvwika cha; vyose viyuni vya mude ndi nyama za mudondo vyathaŵa kuti viwoneka so cha.

Yeremiya 10:22

Avwani lumbiri! Ehe, chituza! Chimtimbaheka chikuru kutuwa ku charu chaku nkhonde, kuzachichita mapopa mizi yaku Yuda, mphanji za ŵakambwe.

Yeremiya 25:9

ehe, ndikadananga mitundu yose yaku nkhonde atiti Ambuya, ndi Nebukadanezara karonga wa Babiloni, mteŵeti wangu, ndikaŵatoliyanga kuzachilimbana ndi charu ichi ndi ŵakujamo ŵake, kulimbana ndi mitundu yose iyi yakuchizingiriya. Ndikaŵamaranga tetete ndi kuŵachita chakofya, cha kusekeka, ndi chakuyeyeka muyaya.