Yeremiya 2:13 - Tonga Bible 1986

¹³ pakuti ŵanthu ŵangu ŵachita mauheni ghaŵi: ŵandireka ine, ndachisima cha maji gha umoyo, ndipo ŵajikumbiya visima, visima vyaku sweka, vyo kuti visunga maji cha.

Yeremiya 2:13 ပူးပေါင်းရင်းမြစ်များ

2 ŴaKaronga 22:17

Chifukwa ŵandijowo ine ndikuwoche vya chema kuŵachiuta ŵanyake, mwakuti ŵandisosomole ine ku ukari ndi nchitu zose za manja ghawo, chifukwa cho ukari wangu ukakolenga pa malo yagha, ndipo kuti ukazimwikanga cha.

Sumu 36:9

Pakuti chisima cha umoyo che ndi imwe; mu kungweruka kwinu ifwe tiwona ukweru.

Wakutaula 1:14

Ndawona chinthu chose cho chachitika panu pasi, ndipo ehe, chose nchawaka ndi suzgu ya mtima.

Wakutaula 1:2

Chawaka vyawaka, watiti Wakutaula, chawaka vyawaka! Chose nchawaka.

Wakutaula 12:8

Nchaŵaka, vyaŵaka watiti wakutaula chose nchaŵaka.

Wakutaula 2:11

Sono ndingupima vyose vyo manja ghangu ghanguchita ndi nchitu zo ndingusuzghika nazo kuchita, ndipo ehe, chose chenga chawaka ndi suzgu ya mtima, ndipo kwengavi chanduwu pa charu chapasi.

Wakutaula 2:21

chifukwa panyake munthu yo wachita nchitu mu vinjeru ndi kuwamo ndi ung'ombwa watenere kusiya vyose mwakuti munthu yo walivi kusuzgikiyapo ndiyo wakondwenge navyo. Ichi nachu so nchawaka ndipo mbuheni ukuru.

Wakutaula 2:26

Chifukwa ku munthu yo watimukondweska, Chiuta wapaska vinjeru, kuwamo, ndi chimwemwe; kweni ku mulakwi wapaska suzgu ya kuwunjika ndi kuyereka, mwakuti wapereke kwaku mweniyo Chiuta wakondwa nayo. Ichi nachu so nchawaka ndi suzgu ya mtima.

Wakutaula 4:4

Penipo ndinguwona kuti milimu yose ndi umisiri wose mu nchitu utuza kutuliya mu sanji ya munthu ndi mwanasi wake. Ichi nachu nchawaka ndi suzgu ya mtima.

Yesaya 1:3

Ng'ombe yiziŵa mbuyake ndi mbunda khora lake; kweni Yisraele kuti waziŵa cha, ŵanthu ŵangu kuti ŵawamo cha.”

Yesaya 1:4

Owe, khamu la kulakwa, ŵanthu ŵakuzazika uchikanamarangu, mphapu ya ŵakuchita uheni, ŵana ŵakuchita vya wiyu. Ŵajowo Ambuya, ŵayuyuwa Mtuŵa yo waku Yisraele, ŵasanduka ŵalendo.

Yesaya 12:3

Mukaneghanga maji ndi likondwa kutuwa mu visima vya utaski.

Yesaya 5:13

Ndicho chifukwa ŵanthu ŵangu ŵaruta ku umkoli chifukwa chakusoŵa zeru; ŵanthu ŵawo ŵakuzirwa ŵatufwa ndi nja, ndipo ŵanandi ŵa ŵanthu ŵawo ŵatufwa chiparantha.

Yesaya 55:2

Chifukwa chine mutananga ndrama zinu paku cho kuti nchakurgha cha, ndi kutakataka kwinu paku cho kuti chigutiska cha? Tegherezgani kwarwana kwaku ine, murghe cho nchamampha, ndipo mujikondwereske ndi vyakununa.

Yesaya 63:8

Pakuti anguti, Kwakuneneska mbanthu ŵangu, ŵana wo kuti ŵakachitanga kwakupusika cha; ndipo iyo wanguŵa Mtaski wawo.

Yeremiya 1:16

Ndipo ndikakambanga vyeruzgu vyango pako wo, pa mauheni ghawo ghose pakundireka ine; ŵawoche vya chema ŵa chiuta ŵanyake ndipo ŵasopa nchitu za manja gha ŵeneko.

Yeremiya 14:3

Ŵara-ŵara ŵake ŵatuma ŵateŵeti ŵawo kwachito maji: ŵatuza ku visima, kuti ŵasaniyako maji cha, ŵaweko ndi viyaŵi vyawo vya mwazi: ŵachita soni, ŵatimbanizgike, ndipo ŵavunikiriya mitu yawo.

Yeremiya 15:6

Wandikana ine, atiti Ambuya, weche kuwerere vuli; viyo ndatambaluriya janja langu paku iwe ndakupasuwa; ndavuka ndi kugowoka-gowoka.

Yeremiya 17:13

Ambuya mwe, gomezgu laku Yisraele, ndakuti, wose wo ŵatikujowoni ŵakalengeskekanga; wo ŵarekana namwe ŵakalembekanga mu charu chapasi, pakuti ŵajowo Ambuya, wo nchisima cha maji gha umoyo.

Yeremiya 18:14

Kumbi nyankhuŵinda wapa Lebanoni wasiya malijengwajengwa gha mapiri gha Sirioni? Kumbi maji ghamu mapiri ghakamuka, tumisinji twakupopoma twakuzizira?

Yeremiya 19:4

Pakuti ŵanthu ŵandisiya ine, ndipo ŵakazuzga malo yagha pakochiyapo sembe zakusunkhizga ku ŵachiuta ŵanyake, ŵeniwo chingana ndiwo, chingana mbauskeu chingana mbakaronga ŵaku Yuda ŵalivi kuŵaziŵa, ndipo pakuti ŵazaza malo gho ndi ndopa za ŵambura kalema,

Yeremiya 2:11

Kumbi mtundu ukusinthapo ŵachiuta ŵake, chingana iwo kuti mbachiuta ŵeneko cha? Kweni ŵanthu ŵangu ŵakusinthiskana unkhankhu wawo ndi cho kuti chitanduwa cha.

Yeremiya 2:17

Asi ndimwe mwaŵeni mwajidaniya uheni uwo kuti ukuziyeni pakureka Ambuya Chiuta winu, penipo wangukurongozgani mu nthowa?

Yeremiya 2:26

“Mo munkhungu watuŵiya wasoni asani wakoreka viyo ndimo ŵaYisraele ŵakalengeskekiyanga: iwo, ŵakaronga ŵawo, mafumu ghawo, ŵazukuru ŵawo, ndi ŵamchimi ŵawo.

Yeremiya 4:22

“Pakuti ŵanthu ŵangu mbakupusa kuti ŵatindiziŵa cha; mbana ŵakupusa, ŵalivi kuwamo. Mbakuchenje mu kuchita uheni, kweni kuchita umampha kuti ŵaziŵa cha.”

Yeremiya 5:26

Pakuti ŵanthu ŵaheni ŵawoneka mukati mu ŵanthu ŵangu; ŵabisama nge ngwakuthya nkhwali. Watuthya chiŵana; ŵatonja ŵanthurumi.

Yeremiya 5:31

ŵamchimi ŵachima vyautesi, ndipo ŵazukuru ŵateruzga mo ŵakhumbiya iwo; ŵanthu ŵangu ŵatanja vyaviyo, kweni mwazamchitanji utakuti waza umari?

Ezekiele 14:5

mwakuti ndiko mitima ya ŵa nyumba yaku Yisraele, ŵeniwo wose ŵapatukako kwangu mu ŵangoza ŵawo.

Ezekiele 47:1

Sono wangundiwezge ku khomo la kasopi; awonani, maji ghatuwanga kusi ku chiwundu cha kasopi kuchiri ku vuma (pakuti kasopi wangulereska ku vuma); sono maji ghasikanga kutuwa kusi kuumari wa chiwundu kuchiri ku malaŵi kwa kasopi, ku malaŵi kwa jochero.

Mika 2:8

Kweni uyukiya ŵanthu ŵangunge ndi murwani; utumuzuwa munjilira wakuzika ndiso wo ŵajumpha ndi chigomezgu, kwambura maghanaghano gha nkhondo.

Mika 6:3

“A! Mwa ŵanthu ŵangu ndachitanji kwaku imwe? Ndamusuzgani imwe ndikanthu uli? Mundamuke!

Zekariya 13:1

“Mu zuŵa lo chisima chijurikiyenge nyumba yaku Davidi ndi ŵakuja mu Yerusalemu, kuŵatoweska ku ulakwi ndi utimbanizi.

Yohane 4:10

Wangwamuka Yesu wangumnene, “Asani unguziŵa mpasku waku Chiuta, ndi mweniyo watukunene, ‘Ndipaskeko ndimwe,’ mphanyi iwe ungupempha iyo, ndi mphanyi wangukupaska maji ghamoyo.”

Yohane 4:11

Wamnene munthukazi, “Ambuya, chakuneghe mulive, ndipo chisima nchakuti nyo: na mwe nagho nunkhu maji gho ghamoyo?

Yohane 4:14

kweni mweniyo yose wangwamwapo maji gho ndimpaskenge ine, kuti nyota yikamkonga so cha muyaya: maji gho Ine ndimpaskenge ghaŵenge mwake chisima cha maji ghakubwibwitukiya ku umoyo wamuyaya.”

Yohane 7:37

Zuŵa lakumariya, la dghera, lenga zuŵa likuru, wanguma Yesu ndipo wangukambura, wakuti, “Asani munthu we ndi nyota, waze kwaku ine, ndi wamwe.

Marangu 31:16

Ndipo Ambuya anguti kwaku Mosese, “Ehe, we pafupi kura pamoza ndi ausu, sono yaŵa ŵanthu ŵakayukanga ndi kurondo ŵachiuta ŵalendo ŵa charu ichi, kweniko ŵakarutanga kwachiŵa mukati mwawo. Wakandisiyanga ine, ndi kuswa phanganu langu lo ndingupangana nawo.

2 Petro 2:17

Yaŵa ŵe visima vizira maji, nyankhuŵinda wakuputiskika ndi chimphunga; mbanthu kwaku ŵeniwo ŵasungirizgikiya koyoyu wa mdima.

Chivumbuzi 21:6

Wangunena nane, “Vyachitika! Ndine Alfa ndi Omega, chandu ndi umari. Ine ndimpaskenge wanyota kwawezi ghamu chisima cha maji gha umoyo.

Chivumbuzi 22:1

Ndipo wangundirongo msinji wa maji gha umoyo, wakulangaliya ulaka ndi galase, langa-langa, wo utuliya ku chitengu-chaufumu chaku Chiuta ndi cha Mwana-mberere,

Chivumbuzi 22:17

Mzimu ndi Mwali wa nthengwa ŵatiti, “Zanga!” Ndipo mweniyo watuvwa wanene, “Zanga!” Ndipo mweniyo ngwanyota waze: yo ngwakukhumba waronde kwawezi maji gha umoyo.

Ŵeruzgi 10:13

Kweni imwe mwandijowo ndi kutataliya ŵachiuta ŵanyake; chifukwa cho kuti ndikamupozomoskaninga so cha.

1 Samuele 12:10

Ndipo ŵanguliya ku Ambuya, wanguti, ‘Talakwa chifukwa taŵapata Ambuya, ndipo tateŵete Bala ndi Ashitaroto; kweni sono tipozomoskeni ku janja la ŵarwani ŵidu ndipo tikamuteŵetiyaninga.’