Yeremiya 2:11 - Tonga Bible 1986

¹¹ Kumbi mtundu ukusinthapo ŵachiuta ŵake, chingana iwo kuti mbachiuta ŵeneko cha? Kweni ŵanthu ŵangu ŵakusinthiskana unkhankhu wawo ndi cho kuti chitanduwa cha.

Yeremiya 2:11 ပူးပေါင်းရင်းမြစ်များ

1 ŴaKaronga 11:33

chifukwa chakuti wandijowo ine, wasopa Ashetaroto munthukazi wa ŵaSidoni, Kemoshi chiuta wa ŵaMoabu, ndi Milkomu chiuta wa ŵaAmoni, ndipo walivi kwenda mu nthowa zangu, kuchita chenicho nchakurunjika mu maso ghangu, kusunga marangu ghangu ndi vyeruzgu vyangu, nge ndimo wanguchitiya Davidi awiske.

2 ŴaKaronga 1:3

Kweni mungelo wa Ambuya wanguti kwaku Eliya mu Tishibi, “Soka ukwere kwachikumana ndi mathenga gha karonga waku Samaria, ndipo ukaghafumbe, ‘Kumbi nchifukwa chakuti mulivi Chiuta mwaku Yisraele po muruta kwachifumba Bala-zebubi chiuta waku Ekroni?

2 Mikoka 13:9

Ndatinge mukaŵadikiske ŵazukuru ŵa Ambuya, ŵana ŵaku Aroni ndi ŵaku Levi, mwajichitiya ŵazukuru ŵinu kwakulingana ndi nkharo ya ŵa vyaru vinyake? Mwakuti yose yo waza kujipatuwa ndi katholi pamwenga ŵaphongo ŵa mberere ŵankhonde ndi ŵaŵi, mweniyo mutiti mzukuru waku wo kuti mba chiuta cha.

Sumu 106:20

Ŵangusopa chikozgo cha nyama ya kurgha uteka mu malo ghakusopa Chiuta.

Sumu 115:4

Ŵangoza ŵawo mba siliva ndi golide, nchitu ya manja gha ŵanthu.

Sumu 3:3

Kweni imwe, Ambuya, mwe nguru kwakundizunguliya, unkhankhu wangu, ndi wakuyuska mutu wangu.

Yesaya 37:19

ndipo ŵapong'a pa moto ŵachiuta ŵawo; pakuti kuti ŵenga ŵachiutadi cha, kweni ndi nchitu ya manja gha ŵanthu miti ndi mya; chifukwa chenichi ŵakuphwanyika.

Yeremiya 16:20

Kumbi munthu wangaziŵa kujipangiya ŵachiuta? Ŵa viyo kuti mbachiuta cha!”

Yeremiya 18:13

“Chifukwa cho Ambuya atiti: Fumbiriyani mu mitundu, njani wakuvwapo chakukozgana, ndi ichi? Mwali Yisraele wachita chinthu chiheni ukongwa.

Yeremiya 2:5

Ambuya atiti viyo, “Nchiheni uli cho auskemwe ŵangusaniya mwangu pakuti ŵanguya kutali ndi ine, ndipo ŵangundondoloska vinthu vyambura phindu ndipo ŵangusanduka ŵaŵakaŵaka?

Yeremiya 2:8

Ŵazukuru ŵengavi kukamba, ‘Ambuya ŵepani?’ Ŵakuko dangu kuti ŵangundiziŵa cha ine; ŵakuwusa ŵangundichimwiya; ŵamchimi ŵanguchimiya paku Bala, ndipo ŵangundondoloska mu vinthu vyambura kwanduwa kanthu.

Yeremiya 5:7

“Ndingamugowokiyani uli? Ŵana ŵinu ŵakundisiya ine ndipo ŵarapiya paku wo kuti mba chiuta cha. Penipo ine ndinguŵahiŵa kwakuguta iwo ŵangureŵa, ndipo ŵangusere ŵanandi mu nyumba za ŵareŵi.

Ezekiele 14:5

mwakuti ndiko mitima ya ŵa nyumba yaku Yisraele, ŵeniwo wose ŵapatukako kwangu mu ŵangoza ŵawo.

Ezekiele 5:7

Viyo atiti Ambuya Chiuta: Chifukwa mwaŵa ŵa mtafu ukongwa kuruska mitundu yo yamuzingirizgani imwe, ndipo kuti mwayendamu virunguchizgu vyangu pamwenga kusunga vyeruzgu vyangu cha, kweni mwayenda kwakuyana ndi vyeruzgu vya mitundu yo yamuzingirizgani imwe;

Mika 4:5

Pakuti mitundu yose ya ŵanthu, ŵe wose utenda mzina laku Chiuta wake, kweni ifwe tendenge mzina la Ambuya Chiuta widu muyaya ndi muyaya.

ŴaRoma 1:23

ndipo ŵangusanduska unkhankhu waku Chiuta wambura kuwo ku ngoza wakulinganizgika ndi munthu yo wawo, ndi viyuni, ndi vya marundi ghanayi, ndi vyakukwaŵa.

1 ŴaKorinte 8:4

Viyo kuchiri ku chakurgha cha vyakubayikiya vyangoza tiziŵa kuti, “Changoza kuti nkhanthu cha mu charu,” ndipo kuti, “Palive chiuta kweni yumoza pe.”

ŴaGalatia 4:8

Kweni pa nyengo yiya, mwengavi kuziŵa Chiuta, munguŵa ŵaŵanda kwaku wo pa kawi kuti mbachiuta cha.

Marangu 32:16

Ŵangumuyuska kuŵa ndi sanji ndi ŵachiuta ŵalendo, ndi machitidu ghaukazuzi ŵangumukalipiska.

Marangu 32:21

Ŵandiyuskiya ine ku sanji paku cho kuti ndi chiuta cha. Ŵandisosomo ndi ŵangoza ŵawo. Viyo ine ndikaŵayuskiyanga ku sanji ndi wo kuti mbanthu cha. Ndikaŵasosomonga ndi mtundu wakupusa.

Marangu 33:29

Wakukondwa ndiwe Yisraele we! Ndiyani yo wenge ndiwe? Mwa ŵanthu ŵakutaskika ndi Ambuya. Iwo ndi nguru ya chovyo chinu, ndi lupanga la upundi winu! Ŵamawongo ŵinu ŵakazanga kunyengere imwe; ndipo mukaphwatanga pa malo ghawo ghakusopiyapo.”

1 Petro 1:18

pakuziŵa kuti munguwomboleka, ndi vyakuwo cha, ndi siliva pamwenga golide cha, ku kajaridu kinu kauvumbwa kakurondeka ku ŵauskemwe,

1 Samuele 4:21

Ndipo wangudana mwana Ikabodi wakuti “Unkhankhu watuwa mu Yisraele!” Chifukwa bokosi la phanganu laku Chiuta lingukwamphulika ndipo so chifukwa cha nyifwa ya asibweni ŵake ndi murumi wake.