Yeremiya 19:4 - Tonga Bible 1986

⁴ Pakuti ŵanthu ŵandisiya ine, ndipo ŵakazuzga malo yagha pakochiyapo sembe zakusunkhizga ku ŵachiuta ŵanyake, ŵeniwo chingana ndiwo, chingana mbauskeu chingana mbakaronga ŵaku Yuda ŵalivi kuŵaziŵa, ndipo pakuti ŵazaza malo gho ndi ndopa za ŵambura kalema,

Yeremiya 19:4 ပူးပေါင်းရင်းမြစ်များ

2 ŴaKaronga 21:16

Ndipo so Manase wangudiska ndopa zinandi zambura kafukwa mpaka zinguzaza Yerusalemu kwamba ku chisongo ichi mpaka kuchisongo chiya, pamoza ndi ulakwi wo wangulakwiska nawo Yuda viyo kuti wanguchita uheni mu maso gha Ambuya.

2 ŴaKaronga 23:10

Ndipo ŵangukazuzga Tofeti, yo we mudambo la ŵana ŵaku Hinomu kuti paulevi yumoza wakuti wawochemo mwana wake munthurumi pamwenga mwana wake munthukazi kuŵa mpasku kwaku Moleki.

2 ŴaKaronga 24:4

ndipo so pa chifukwa cha ndopa zambura mlando, paku vyo Ambuya kuti angukhumba kugowoke cha.

Sumu 106:38

Ŵangudiska ndopa zambura kafukwa, ndopa za ŵana ŵawo ŵanthurumi ndi ŵanthukazi, kuŵa sembe ku ŵangoza ŵaku Kanani; viyo charu chingukazuzgika ndi ndopa.

Yesaya 59:7

Marundi ghawo ghachimbiriya ku uheni, ndipo watinthimikiya kukudira ndopa; maghanughanu ghawo ndi maghanughanu gha mphurupuru, uyiku ndi phasulu vye mu ŵagurwi ŵawo.

Yesaya 65:11

Kweni imwe mupata Ambuya, imwe mwaruwa phiri langu lakupaturika, imwe mumika gome chifukwa cha Mwaŵi muzaza vyandi vya vinyo wakusazga kuzaziya Nyifwa;

Yeremiya 1:16

Ndipo ndikakambanga vyeruzgu vyango pako wo, pa mauheni ghawo ghose pakundireka ine; ŵawoche vya chema ŵa chiuta ŵanyake ndipo ŵasopa nchitu za manja gha ŵeneko.

Yeremiya 11:13

Pakuti ŵachiuta ŵinu ŵandana nge ndi mizi yinu, Yuda we; ndipo viguŵa vya sembe vyo mwazenge ku chilengesku vyandana nge ndi miseu ya Yerusalemu, viguŵa vyakochiyapo sembe kwaku Bala.

Yeremiya 15:6

Wandikana ine, atiti Ambuya, weche kuwerere vuli; viyo ndatambaluriya janja langu paku iwe ndakupasuwa; ndavuka ndi kugowoka-gowoka.

Yeremiya 16:11

Penipo iwe uŵamukenge kuti, ‘Chifukwa auskemwe ŵakundisiya, atiti Ambuya, ndipo ŵakundondoloska ŵachiuta ŵanyake kuŵatataliya ndi ku ŵasopa, ndipo ŵakundisiya ine, ndi ŵalivi kusunga dangu langu.

Yeremiya 17:13

Ambuya mwe, gomezgu laku Yisraele, ndakuti, wose wo ŵatikujowoni ŵakalengeskekanga; wo ŵarekana namwe ŵakalembekanga mu charu chapasi, pakuti ŵajowo Ambuya, wo nchisima cha maji gha umoyo.

Yeremiya 17:20

ndipo ukanene kuti, ‘Avwani mazu gha Ambuya, imwe mwa ŵakaronga ŵaku Yuda, ndi ŵaYuda wose, ndi wose ŵakuja mu Yerusalemu, ŵeniwo ŵaserere mu malikomo yagha.

Yeremiya 18:15

Kweni ŵanthu ŵangu ŵandiruwa ine, ŵatoche sembe ku ŵachiuta ŵatesi; ŵaguŵa mu nthowa zawo, mu miseu ya mwaka, ndipo ŵasere mu tunthowa twakudumuwa, ŵareka mseu ukuru,

Yeremiya 2:13

pakuti ŵanthu ŵangu ŵachita mauheni ghaŵi: ŵandireka ine, ndachisima cha maji gha umoyo, ndipo ŵajikumbiya visima, visima vyaku sweka, vyo kuti visunga maji cha.

Yeremiya 2:17

Asi ndimwe mwaŵeni mwajidaniya uheni uwo kuti ukuziyeni pakureka Ambuya Chiuta winu, penipo wangukurongozgani mu nthowa?

Yeremiya 2:19

Uheni winu ukudikiskeninga, ndipo kureka kusopa kukakuchenyaninga. Ziŵani, ndi wonani, kuti imwe pakureka Ambuya Chiuta winu mbuheni ndi kuŵaŵa kwaku imwe; kundopa ine mulivi mwaku imwe, atiti Ambuya Chiuta wa maŵanja.

Yeremiya 2:30

Ndaŵapuma ŵana ŵinu kwambura kakwanduwapo, ŵalivi kuphwere kuwere ku umampha. Lipanga laku wamweni labaya ŵamchimi ŵako, uli ndi nkharamu yakurazuka.

Yeremiya 2:34

Ndipo so pa viketi vinu pasanirika ndopa za ŵanthu ŵakavu ndi ŵakuchita umampha; mulivi kuŵasaniya ŵachiswa nyumba. Kweni ivi vyose vichiŵa viyo,

Yeremiya 22:17

Kweni iwe wendi maso ndi mtima ivi vyakuchitiya chanduwu chakupusika waka, pakudiska ndopa zambura kalema, ndi pakuchita vya kusuzga ndi chiwawa.”

Yeremiya 22:3

Viyo atiti Ambuya: Chitani cheruzgu chirunji ndi ukongorekwa, taskani ŵakuskoŵeka mu janja la wakumusuzga yo. Ndipo rekani kunangiya pamwenga ku chitiya phuzu mlendo, wambura awiske, ndi choko, chingana nkhudira ndopa zambura kalema mu malo yagha.

Yeremiya 26:15

Kweni ziŵani kwakuneneska kuti asani mundibayenge, mukajitoliyanga ndopa zambura kalema paku mwaŵeni ndi pa msumba uwu ndi ŵakujamo ŵake, pakuti kwakuneneska Ambuya angundituma kwaku imwe kuzachirongoro mazu yagha mu makutu ghinu.”

Yeremiya 26:23

ndipo angwachimuto Uriya ku Egipiti anguza nayo ku karonga Yehoyakimu mweniyo wangumubaya ndi lipanga ndipo wangutaya chiŵanda chake mu masano gha ŵanthu ŵauliuli.

Yeremiya 44:3

chifukwa cha mautimbanizi ghenigho ŵanguchita, kundisosomole ine ku kukwiya, pakuti wanguruta kwachoche vyachema, ndi kutataliya ŵachiuta ŵanyake wo ŵengavi kuŵaziŵa, nango ndiwo nanga ndimwe, nanga mbauskemwe.

Yeremiya 5:6

Chifukwa chenichi nkharamu yakutuwa ku dondo yazakuŵabaya, mphumphi yakutuwa ku bozwa yazakuŵamara. Nyalubwe wakhazga mu mizi yawo, we yose wakutuwa mwaku yo wakaparurikanga tumanatumana; chifukwa vyakulakwa vinandi; kuwere vuli kwawo nkhukuru.

Yeremiya 7:6

asani mureka kuyuzga ŵalendo, ndi ŵana ŵa masiya ndi vyoko, pamwenga kudiska kuyuzga ŵalendo, ndi ŵana ŵa masiya ndi vyoko, pamwenga kudiska ndopa za ŵanthu zambura kalema mumalo yagha; ndipo asani mukarekanga kurondo ŵachiuta ŵanyake wo ŵangumunangani mwaŵeni,

Yeremiya 7:9

Kumbi mukabanga, mukabayanga, mukareŵanga, mukarapanga kwa utesi, mukawochiyanga Bala sembe, ndi kurondo ŵachiuta ŵanyake wo mulivi kuŵaziŵapo,

Chitenje 4:13

Ichi chenga chifukwa cha mauheni gha ŵamchimi ŵake ndi kunanga kwa ŵazukuru ŵake, ŵeniwo ŵangudiska mukati mwake, ndopa za ŵanthu ŵarunji.

Ezekiele 20:26

ndinguŵakazuzga mu vyawanangwa vyaku iwo ŵeneko pakuŵachitiska kuti ŵapereke mpasku wapa moto ŵana ŵawo wose ŵaumwali, mwakuti ndiŵawofye, ndinguchita ichi alinga kuti ŵaziŵe kuti ine ndine Ambuya.

Ezekiele 7:22

Ndituzgengeko chisku changu kwaku iwo, mwakuti ŵakazuzge malo ghangu ghakupaturika; ŵakuphanga ŵakaserenga kughakazuzga,

Ezekiele 8:11

Ndipo paurongo pawo panguma ŵanthurumi machumi ghankhonde ndi ghaŵi ŵa mu ŵaraŵara ŵa nyumba yaku Yisraele, ndi Yazaniya mwana waku Shafani wanguma mukati mwawo. Yumoza ndi yumoza wenga ndi mbali mu janja lake, ndipo mtambo wa usi wa vyakusunkhizga ungukwera.

Danyele 11:31

Nkhondo zakutuwa kwaku iyo zizenge kunanga nyumba yaku Chiuta ndi linga lake, zazamtuzgapo sembe yakocha mazuŵa ghose. Ndipo zazamuŵikamo ukazuzi wo upaska mapopa.

Luka 11:50

alinga kuti zilembezeke ku mphapu iyi ndopa zo zaku wose ŵamchimi, zakudikiya kwanda ku chidika cha charu.

Marangu 13:13

kuti ŵanthurumi ŵaŵaka ŵanyake ŵatuwa mukati mwinu ndi kulandizga ŵanthu ŵamu msumba kuti, ‘Tiyeni tikateŵete ŵachiuta ŵanyake,’ wo mulivi kuŵaziŵa,

Marangu 13:6

“Asani mbali wako, mwana wa anyoko, pamwenga wako munthurumi, pamwenga mwana wako munthukazi, pamwenga muwoli wako wapa mtima pamwenga mubwezi wako yo wenge mbumoyo wako, watukulandizga ku ubendi, kuti ‘Tiyeni tirutenge kwachiteŵete ŵachiuta ŵanyake,’ ŵeniwo imwe chingana mbauskemwe ŵalivi kuŵaziŵa kale,

Marangu 28:20

“Ambuya akatumanga paku imwe matembo, chimutimbaheka, ndi kandundu, mwaku vyose vyo muchita, mpaka penipo mwaparghang'ika ndi mwamara ruŵiruŵi; chifukwa cha machitidu ghinu ghaheni, pakuti mwandikana.

Marangu 28:36

“Ambuya akamuperekaninga pamoza ndi karonga winu yo mwamika pachanya pinu ku mtundu wo imwe nanga mbauskemwe ŵalivi kuwuziŵa, ndipo kwenikuwa mwamuteŵete ŵachiuta ŵanyake ŵa muti ndi ŵa mwa.

Marangu 28:64

Ndipo Ambuya akamumbininiskiyaninga mukati mu ŵanthu wose kwamba ku umari wa charu chapasi, kuya ku unyake, ndipo mwenimuwa mwamuteŵete ŵachiuta ŵamwenga, ŵa muti ndi mwa, ŵeniwo chingana ndimwe chingana mbauskemwe ŵengavi kuŵaziŵa kali.

Chivumbuzi 16:6

Chifukwa ŵanthu ŵangudiska ndopa za ŵakupaturika ndi ŵamchimi, ndipo mwapaska iwo ndopa, kuti ŵamwenge. Mbakwenere kuzimwa!”

Ŵeruzgi 5:8

Penipo ŵachiuta ŵafya ŵangusankhika, nkhondo yenga mu malikomo. Kumbi nguru pamwenga mkondo vyaonekanga mukati mu vikwi machumi ghanayi mu Yisraele?