Yeremiya 17:5 - Tonga Bible 1986

⁵ Viyo atiti Ambuya: “Wakutembeka ndi munthu mweniyo wagomekezga mu munthu yo wasanduska liŵavu kuŵa nthazi yake, mweniyo mtima wake utuwako ku Ambuya.

Yeremiya 17:5 ပူးပေါင်းရင်းမြစ်များ

2 Mikoka 16:12

Asa mu chirimika cha machumi ghatatu ndi vinkhonde ndi vinayi (39) cha muusu wake, wangukoleka ndi thenda ya marundi, ndipo nthenda yake yingukuwa ukongwa; mu urwali wake kuti wangupenja Ambuya cha, kweni zing'anga.

2 Mikoka 32:8

Kwaku iyo kwe janja la liŵavu la nyama; kweni kwaku ifwe kwe Ambuya Chiuta widu, kutovya ndi kurwa nkhondo zidu.” Ndipo ŵanthu ŵanguchinthiskika, kuyegeme pa mazu ghaku Hezekiya karonga waku Yuda.

Sumu 18:21

Pakuti ndasunga nthowa za Ambuya, ndipo kuti ndachita uheni kupambana ndi Chiuta wangu cha.

Sumu 62:9

Ŵanthu ŵenge nkhamuvuchi ka waka, ŵanthu ŵa Charu ichi ŵalivi kuzirwa, pakuŵapima pa mweso ŵapepuka, mbapepu kwakuruska ka mvuchi.

Yesaya 2:22

Tuwako ku munthu mweniyo mumphunu zake mwe mvuchi, pakuti iyo njani nayo?

Yesaya 20:5

Sono ŵakazizwanga ndi kutimbanizgika chifukwa chaku Etiopia gomezgu lawo ndi Egipiti thamu lawo.

Yesaya 36:6

Ehe, uyegeme paku Egipiti, ndodo ya dete liya lakuphwanyika lenilo likahomanga janja la munthu we yose wakuliyegeme. Viyo ndimu waliri Farao karonga wa Egipiti kwaku wose ŵakuyegeme pake.

Yesaya 59:15

Uneneska usoŵa, ndipo yo watuwako ku uheni watijichita kuŵa chakuliwa. Ambuya anguchiwona ichi ndipo chengavi kuŵakondweska: po kwengavi cheruzgu chirunji.

Yeremiya 11:3

Ukatinge kwaku wo, Viyo atiti Ambuya, Chiuta waku Yisraele; Watembeke munthu mweniyo wareka kuphwere mazu gha phanganu ili,

Ezekiele 6:9

po ndipo ŵakupozomoka mwaku imwe ŵakandikumbukanga mukati mu ŵamitundu ko ŵatoreke umkoli, nditakuti ndaphwanya mtima wawo wa ureŵi wo wapatuka kwaku ine, ndi kujara maso ghawo gho ghang'anamukiya ku ureŵi ndi ŵangoza ŵawo; ndipo ŵachitenge mselu mu maso ghaku iwo ŵeneko pa mauheni gho ŵachita, pa maunyakazi ghawu ghose.

Hoseya 1:2

Po Ambuya angudanga kukamba kwaku Hoseya, anguti, “Ruta ukato munthukazi mureŵi ndi ukaŵi ndi ŵana ŵaureŵi, chifukwa charu chose chichita ureŵi ukuru pakureka kuŵarondo Ambuya.”