Yeremiya 17:13 - Tonga Bible 1986

¹³ Ambuya mwe, gomezgu laku Yisraele, ndakuti, wose wo ŵatikujowoni ŵakalengeskekanga; wo ŵarekana namwe ŵakalembekanga mu charu chapasi, pakuti ŵajowo Ambuya, wo nchisima cha maji gha umoyo.

Yeremiya 17:13 ပူးပေါင်းရင်းမြစ်များ

Sumu 22:4

Auskefwe ŵangugomekezga mwaku imwe, ŵangugomekezga, ndipo munguŵapozomoska.

Sumu 69:29

Kweni ine nde wakusuzgika ndi wakuvwa urwirwi; A Chiuta, zomerani kuti utaski winu, unditumphuskiye pachanya!

Sumu 71:5

Ambuya, chigomezgu changu ndiŵika mwinu; ndathamiya mwaku imwe kutuliya ku wana-mana wangu.

Sumu 73:27

Chifukwa awonani, wose wo wapata imwe ŵakafwanga, ndipo mukaparghang'anga wose wo ŵalivi chigomekezgu mwaku imwe.

Sumu 97:7

Wose ŵakusopa vikozgo ŵachita soni, wose wo ŵatijikuzga mu ŵangoza ŵawo; ŵachiuta wose ŵajikama pa maso pawo.

Nthanthi 10:7

Chikumbusku cha murunji ndi thumbiku, kweni zina la wamphulupulu likavundanga.

Nthanthi 14:14

Munthu wakulandizga wakazazikanga ndi chipasi cha nthowa zake, ndipo munthu wamampha ndi chipazi cha nchitu zake.

Yesaya 1:28

Kweni vigaruka ndi ŵaheni ŵakaphwanyikiyanga pamoza, ndi wose wo ŵakana Ambuya ŵakamaranga.

Yesaya 66:5

Vwani mazu gha Ambuya, imwe mutenthema pa mazu ghawo: “Ŵabali ŵinu wo ŵatikutinkhani ndipo ŵatikudikiskani chifukwa cha zina langu ŵakuti, ‘Ambuya akankhuskike, kuti tiwone chimwemwe chinu,’ kweni ndiwo wo ŵakalengeskekanga.

Yeremiya 14:8

Imwe ndimwe Yisraele wagomezga, wakumutaska mu nyengo ya suzgu, chifukwa chine imwe muŵenge nge ndi mlendo mu charu chidu, ulaka ndi mwenda nthowa yo wapatuka kugone waka usiku?

Yeremiya 17:17

Rekani kuŵa chakofya kwaku ine; ndimwe chakubisamamo changu muzuŵa liheni.

Yeremiya 17:18

Ŵalengeskeke ŵeniwo ŵatindisuzga; kweni ine mungandilengeska cha; ŵadiskike nthazi rekani kundidiska nthazi ine. Toleni paku iwo zuŵa liheni muŵaphwanye ndi kuphwanya kwa kaŵi.

Yeremiya 17:5

Viyo atiti Ambuya: “Wakutembeka ndi munthu mweniyo wagomekezga mu munthu yo wasanduska liŵavu kuŵa nthazi yake, mweniyo mtima wake utuwako ku Ambuya.

Yeremiya 19:4

Pakuti ŵanthu ŵandisiya ine, ndipo ŵakazuzga malo yagha pakochiyapo sembe zakusunkhizga ku ŵachiuta ŵanyake, ŵeniwo chingana ndiwo, chingana mbauskeu chingana mbakaronga ŵaku Yuda ŵalivi kuŵaziŵa, ndipo pakuti ŵazaza malo gho ndi ndopa za ŵambura kalema,

Yeremiya 2:13

pakuti ŵanthu ŵangu ŵachita mauheni ghaŵi: ŵandireka ine, ndachisima cha maji gha umoyo, ndipo ŵajikumbiya visima, visima vyaku sweka, vyo kuti visunga maji cha.

Yeremiya 2:17

Asi ndimwe mwaŵeni mwajidaniya uheni uwo kuti ukuziyeni pakureka Ambuya Chiuta winu, penipo wangukurongozgani mu nthowa?

Yeremiya 50:7

Wose wo ŵanguŵasaniya ŵanguŵaparuwa, ndipo ŵakupindikana ŵawo ŵanguti, ‘Ifwe tilivi kafukwa, pakuti iwo ŵakulakwiya Ambuya, uja wawo weneko, Ambuya, wo nchigomekezgu cha auskeu,’ kwamphuwanga ŵakakhorwanga, atiti Ambuya.

Ezekiele 13:9

Janja langu likamikananga ndi ŵamchimi wo ŵawona viwona vyawaka ndi kupereka mawula gha utesi; Kuti ŵakaŵangamo cha mu upu wa ŵanthu ŵangu, nanga nkhulembeka mu buku la nyumba yaku Yisraele cha, pamwenga nanga nkhusere mu charu cha Yisraele naku so cha; ndipo mukaziŵanga kuti ine ndine Ambuya.

Ezekiele 16:63

mwakuti ukumbukenge ndi kuchita soni, ndipo kuti ukajuranga so mlomo wako cha chifukwa cha kulengeskeka kwako, penipo nditikugowoke paku vyose vyo wachita, atiti Ambuya Chiuta.”

Ezekiele 36:32

Kuti ndikachitanga ichi chifukwa chinu cha, atiti Ambuya Chiuta, ichi chiziŵikwe kwaku imwe. Muŵe ŵa soni ndi ŵachitima chifukwa cha nthowa zinu, imwe nyumba yaku Yisraele.

Danyele 12:2

Ndipo ŵanandi wo ŵagona mu fuvu la charu ŵayukenge, ŵanyake ku umoyo wa muyaya, ndi ŵanyake ku soni, ndi chilengesku cha muyaya.

Yoele 3:16

Ambuya abongo mu Zioni, ndi atuzga mazu ghawo kutuliya mu Yerusalemu, machanya ndi charu chapasi visukunikenge; kweni Ambuya nchakutaskikiyamo cha ŵanthu ŵawo linga lakukho ku ŵana ŵaku Yisraele.

Zekariya 13:1

“Mu zuŵa lo chisima chijurikiyenge nyumba yaku Davidi ndi ŵakuja mu Yerusalemu, kuŵatoweska ku ulakwi ndi utimbanizi.

Zekariya 9:12

Wereni ku linga linu, imwe ŵamagoŵa ŵachigomekezgu, msana wale ndinena kuti ndimuwezgiyeninge kaŵi.

Luka 10:20

Posepose napo mwaku chenichi mungakondwere cha, chakuti mizimu yo yithere imwe, kweni kondwani kuti mazina ghinu ghalembeka kuchanya.”

Yohane 4:10

Wangwamuka Yesu wangumnene, “Asani unguziŵa mpasku waku Chiuta, ndi mweniyo watukunene, ‘Ndipaskeko ndimwe,’ mphanyi iwe ungupempha iyo, ndi mphanyi wangukupaska maji ghamoyo.”

Yohane 4:14

kweni mweniyo yose wangwamwapo maji gho ndimpaskenge ine, kuti nyota yikamkonga so cha muyaya: maji gho Ine ndimpaskenge ghaŵenge mwake chisima cha maji ghakubwibwitukiya ku umoyo wamuyaya.”

Machitidu gha Ŵakutumika 28:20

Viyo chifukwa chenichi ndakudanani, kuti ndimuwoneni ndi kukamba namwe: pakuti chifukwa cha chigomezgu chaku Yisraele ndimangika ndi mkoŵa wenuwu.”

1 Timote 1:1

Kalata wakutuwa kwaku Paulo wakutumika waku Kristu Yesu, uli ndi langulu laku Chiuta Mtaski widu, ndi laku Kristu Yesu, Chigomekezgu chidu,

Chivumbuzi 20:15

Ndipo asani munthu wengavi kusanirika kulembeka mu buku lo la umoyo, wangupong'eka mu nyanja ya moto.

Chivumbuzi 21:6

Wangunena nane, “Vyachitika! Ndine Alfa ndi Omega, chandu ndi umari. Ine ndimpaskenge wanyota kwawezi ghamu chisima cha maji gha umoyo.

Chivumbuzi 22:1

Ndipo wangundirongo msinji wa maji gha umoyo, wakulangaliya ulaka ndi galase, langa-langa, wo utuliya ku chitengu-chaufumu chaku Chiuta ndi cha Mwana-mberere,

Chivumbuzi 22:17

Mzimu ndi Mwali wa nthengwa ŵatiti, “Zanga!” Ndipo mweniyo watuvwa wanene, “Zanga!” Ndipo mweniyo ngwanyota waze: yo ngwakukhumba waronde kwawezi maji gha umoyo.

Chivumbuzi 7:17

Chifukwa Mwana-mberere yo, mweniyo we mukatimu chitengu-chaufumu cho waŵaliskenge, ndipo waŵarongozgiyenge ku visima vya maji gha umoyo: ndipo Chiuta iyo waleskengeko sozi lose ku maso ghawo.”