Yeremiya 16:7 - Tonga Bible 1986

⁷ Palivi yumoza wakamupaskanga wakutenje chiŵande, kumusangaruska chifukwa cha wakufwa; chingana nkhuti pakaŵanga nanga njumoza cha wakumupaska chandi cha chisangarusku kumwa chifukwa cha wiske pamwenga nyina.

Yeremiya 16:7 ပူးပေါင်းရင်းမြစ်များ

Jobu 42:11

Ndipo ŵabali ŵake ndi ŵazichi ŵake wose, ndi wose wo ŵangumziŵa kali ŵanguza kwaku iyo, ŵangurgha nayo chiŵande mu nyumba yake, ndi ŵangumurongo lisungu ndi ŵangumusangaruska chifukwa cha viheni vyose vyo Ambuya angusiskiya pake, ndipo we yose waku wo wangumpaska ndrama, ndi mphete ya golide.

Wakutaula 4:1

Ndinguwona so visuzgu vyose vyo vichitika panu pasi. Ehe, masozi gha ŵakukandirizgika, ŵengavi nanga njumoza wakuŵasangaruska! Kuchiri ku ŵakuŵakandirizga kwenga mazaza, ndipo pengavi yumoza wakuŵasangaruska.

Yeremiya 22:10

Rekani kuriliya yo wafwa, pamwenga kumwenjerwa; kweni muriliye ukongwa yo waruta, pakuti kuti wakawenga so cha kuzachiwona charu cha kawi kake.

Chitenje 1:9

Unyakazi wake wenga mu vivwalo vyake, kuti wangughanaghanako gha phasulu lake cha; chifukwa cho kubwanganduka kwake nkhwakofya, walivi msangaruski. “Ambuya mwe, teskani suzgu yangu, pakuti murwani waphanda!”

Ezekiele 24:17

Fwifwinthiya, kweni kwakuvwika cha; kuchita kutenjere wakufwa cha. Manga chilemba chako, vwara viyato vyako; ungajaranga milomo yako cha, nanga nkhurgha chiŵande cha ŵakutenje.”

Hoseya 9:4

Kuti ŵamupaska sembe za vinyo cha kwa Ambuya; ndipo kuti ŵakumukondweska iyo cha ndi sembe zawo. Chiŵande chawo chikaŵanga nge nchiŵande cha ŵakutenje; wose wo ŵakachirghanga ŵakakazuzgikanga chifukwa chiŵande chawo chiŵenge cha nja yawo pe; kuti chikaserenga mu nyumba ya Ambuya cha.

Marangu 26:14

Ndilivi kurghapo chachichumi penipo ndatenjenga, pamwenga kutuzgako penipo ndenga wambura kuphotoka. Ndilivi kusaskako nanga nchimoza ku ŵakufwa. Ndavwiya mazu gha Ambuya Chiuta wangu kuchita vyose vyo mwandilanguliya.