Yeremiya 16:5 - Tonga Bible 1986

⁵ “Pakuti viyo atiti Ambuya: Ungaserenga mu nyumba ya maliro, ungarutanga kwachitenje, pamwenga kuŵachitiya chitima; pakuti ndatuzgako chimangu changu ku ŵanthu yaŵa, atiti Ambuya, chanju changu chizirima ndi lisungu.

Yeremiya 16:5 ပူးပေါင်းရင်းမြစ်များ

Sumu 25:6

Kumbukani, Ambuya, vya lisungu linu, ndi vya chanju chinu chikuru, chifukwa vyaŵa vyakutuliya ku mwaka.

Yesaya 27:11

Zititi zamira mphanda zake, zifyoka, ŵanthukazi ŵatuza kuzachidewa nkhuni za moto. Pakuti yaŵa mbanthu ŵambura kuteska, chifukwa cho wakiŵalenga yo kuti wakaŵanga nawo ndi lisungu cha, mweniyo wanguŵaumba kuti wakaŵarongonga wezi so cha.

Yeremiya 12:12

Pa mitunthu yose ya chipalamba mu bozwa paza ŵaphasulu; pakuti lipanga la Ambuya limeza kutuwa ku chigoti chimoza cha charu kwachifika ku chigoti chinyake mu charu chose, kulivi chimangu.

Yeremiya 13:14

Ndipo ine ndikaŵabwanyaniskanga uyu ku munyake, ŵauskeu ndi ŵana pamoza, atiti Ambuya. Kuti ndikachitanga chitima pamwenga kuŵareka waka nanga nkhuŵa ndi lisungu nako cha, kuti ndireke kuŵananga.’ ”

Yeremiya 16:13

Chifukwa cho ndikakudikiskaninga mu charu ichi kuya ku charu chenicho nanga ndimwe nanga mba uskemwe mulivi kuchiziŵa; ndipo kwenikuwa mwamutataliya ŵachiuta ŵanyake msana ndi usiku pakuti kuti ndikamuchitiyaninga umampha cha.’

Chitenje 3:17

Mzimu wangu wauravi chimangu, ndaruwa kuti kukondwa kwe uli;

Zekariya 8:10

Chifukwa ghandafike mazuŵa gha kwengavi mphoto ku munthu pamwenga mphoto yose ku chakuŵeta, pamwenga wakutaskika ku murwani kwaku yo wangutuwa pamwenga wangusere; chifukwa ndinguŵika munthu yose kulimbana ndi mwanase wake.

Marangu 31:17

Sono ndazamukaripiya wo mu zuŵa lenilo, ndipo ndikaŵasiyanga ndikubisa chisku changu kwaku wo, ndipo ŵakaphwanyikanga, ndipo viheni vinandi ndi masuzgu vikazanga paku wo viyo ŵakakambanga mu zuŵa lo, ‘Ivi viheni pakutiziya ifwe, asi nchifukwa chakuti Chiuta widu mulivi mukati mwidu?’

Chivumbuzi 6:4

Ndipo wangutuwa kavalo munyake muchesamu: ndipo kwaku yo wangugarapo pake kungupaskika kutuzgapo chimangu pa charu, alinga kuti ŵanthu ŵabayanenge; ndipo kwaku iyo kungupaskika lipanga likuru.