Yeremiya 16:4 - Tonga Bible 1986

⁴ Ŵakafwanga ndi zinthenda za kubaya. Kuti ŵakaŵatenjenga cha nanga nkhu ŵaŵika nako cha; ŵakaŵanga nge ndi vundira pa charu. Ŵakamaranga ku lipanga, ndi kuchilala, ndipo vitende vyawo vikaŵanga kurgha kwa viyuni vya mude ndi vikoko vya charu chapasi.

Yeremiya 16:4 ပူးပေါင်းရင်းမြစ်များ

2 ŴaKaronga 9:10

Ndipo ŵagaru ŵakarghanga Yezebelu mu chigaŵa cha Yezerele ndipo pawulengevi wakumuŵika.” Pavuli wangujura khomo ndi wanguthaŵa.

Sumu 78:64

Ŵazukuru ŵangubayika ndi malipanga, ndipo vyoko vyawo kuti vinguŵatenje cha.

Sumu 83:10

wo ŵanguthereskeka pa Endoro, ŵeniwo vitanda vyawo vinguŵa vundira pa charu.

Yesaya 18:6

Vyose vyaku vyo vikasiyikanga ku viyuni vya kurgha nyama vya mu mapiri, ndi ku vinyama vya charu chapasi. Ndipo viyuni vyakurgha nyama vikajangapo chifukwa chose ndi nyama zose za charu chapasi zikajangapo chihanya chose.

Yesaya 5:25

Chifukwa cho kukara kwa Ambuya kungukole pa ŵanthu ŵawo, ndipo angutambaruliya janja lawo paku wo ndi anguŵakoso, maphiri ghanguyaghayika; ndipo viŵanda vyawo vyenga nge ndi choto mu miseu mukati. Paku vyose ivi kukara kwawo kuti kwakungunuka cha ndipo janja lake leche kutambaruka.

Yeremiya 19:7

Ndipo mu malo ghenigha ndikamariskanga vinjeru vyaku Yuda ndi Yerusalemu, ndikabayiskanga ŵanthu ŵawo ndi lipanga paurongo pa ŵakupindikana ŵawo, ndi janja laku wo ŵapenja kuŵabaya. Ndikapaskanga viŵanda vyawo ku viyuni vya mude ndi ku nyama za charu chapasi kuti zirghenge.

Yeremiya 21:6

Ndikapumanga ŵakuja mu muzi uwu, munthu ndi nyama pamoza; ŵakafwanga ndi chideru chikuru.

Yeremiya 25:33

“Ndipo wo mbakubayika ndi Ambuya mu zuŵa lo ŵakawonekanga kutuwa ku chigoti chimoza cha charu chapasi kwachifika ku chigoti chinyake. Ŵanthu kuti ŵakaŵatenjenga, nanga nkhuŵaunjika, pamwenga kuŵaŵika cha; ŵakaŵanga vundira pa chisku cha charu chapasi.

Yeremiya 34:17

Chifukwa cho, viyo atiti Ambuya: Mulivi kundivwiya ine kumemeza we yose ku mwana munyake ndi ku mzengezgani wake; wanangwa, ehe, nditikupaskani wanangwa waku lipanga, waku chideru, ndi wanangwa waku chilala, atiti Ambuya. Ndikamuchitaninga kuŵa chakofya ku maufumu ghose gha charu chapasi.

Yeremiya 34:20

ndikaŵaperekanga mu janja la ŵakupindikana ŵawo ndi mu janja laku ŵeniwo ŵapenja kuŵabaya. Viŵanda vyawo virghikenge ndi viyuni vya mude ndi vinyama vya charu chapasi.

Yeremiya 36:30

Chifukwa cho atiti Ambuya gha paku Yehoyakimu karonga waku Yuda: ‘Kuti wakaŵangupu nayo cha wakuja pa chitengo cha ufumu waku Davidi, ndipo chiŵanda chake chikapong'ekanga kubwalo, ku chifundizi ndi msana ndi ku chiuli ndi usiku.

Yeremiya 44:12

Ndikatonga ŵakujako ŵaku Yuda wo ŵalazga maso ghawo kuzachija ku charu cha Egipiti; ndipo wose ŵakamaranga ŵakawanga mu charu cha Egipiti; ŵakabayikanga ndi lipanga, ndi chilala; kwamba ku mumana kufika ku mura wakamariya, ŵakafwanga ndi lipanga ndi chilala, ndipo ŵakaŵanga chakutukika, chakofya, thembo, ndi chitozeru.

Yeremiya 44:27

Ehe, ndituŵalereske pa uheni, pa umampha cha; ŵanthu wose ŵaYuda wo ŵemu charu cha Egipiti ŵakamaranga ndi lipanga ndi chilala, mpaka penipo ŵamara wose.

Yeremiya 7:33

Ndipo mathupi gha ŵakufwa gha ŵanthu yaŵa ghakaŵanga chakurgha cha viyuni vya mude, ndi gha vinyama vya charu chapasi; ndipo palivi yo wakaviwofyanga kuti vithaŵiye kutali.

Yeremiya 9:22

Rongoro, “Viyo atiti Ambuya: ‘Viŵanda vya ŵanthurumi vikawanga uli ndi vundira mu munda wapakweru, nge ndi nchinda pavuli pa wakuvuna, ndipo paulengevi yumoza wakuviyora.’ ”

Chitenje 4:9

Wo ŵangubayika ndi lipanga ŵangufwa umampha, kwakuruska ŵakubayika ndinja, ŵeniwo ŵangusuzgika chifukwa cha kusoŵa vyakurgha vyamu minda.

Ezekiele 24:21

‘Kamba ku nyumba yaku Yisraele, Viyo atiti Ambuya Chiuta: Ehe, ndikafipiskanga malo ghangu ghakupaturika, kujikuzga kwa mazaza ghamu, likondwa la maso ghinu, ndi linweka la mzimu winu; ndipo ŵana ŵinu ŵanthurumi ndi ŵanthukazi wo mwaŵasiya kuvuli ŵakabayikanga ndi lipanga.

Ezekiele 5:12

Chigaŵa chimoza cha vigaŵa vitatu vyaku imwe ŵakafwanga ndi chiwowota ndi kumara ndi chilala mukati mwinu; chigaŵa cha chitatu ŵakabayikanga ndi lipanga lakumuzingirizgani imwe ndipo chigaŵa cha chitatu ndimbininiskiyenge ku mphepo zose ndipo ndikasoronga lipanga pavuli pawo.

Zefaniya 1:17

Ndiŵaziyenge ŵanthu ndi suzgu, mwakuti ŵendenge nge mbachiburumutiya, chifukwa ŵanangiya Ambuya; ndopa zawo zipungulikenge nge ndi fuvu, ndi munofu wawo nge ndi mtawi.

Marangu 28:22

Ambuya akamupumaninga ndi nthenda ya kamphumu, ndi ya kufunda mu liŵavu, ya kutupa, ndi yakocha ukongwa liŵavu, ndi chilangalanga, chimphunga, ndi chuku. Ivi vikamurondoninga mpaka mumare.

Marangu 28:26

Thupi linu likaŵanga kurgha kwa viyuni vyose mude, ndi vinyama vyamu charu, ndipo pakaŵangavi munthu yo wakavidikiskiyanga kutali.